Nzoni Tënë so Luc asu na mbeti 22:18 - Mbeti ti Nzapa - Tënë so amu fini

¹⁸ Biani, mbi tene na ala: fade mbi yeke kiri ti nyon ngu ti le ti *vinye pepe ngbii kodro-gbia ti Nzapa asi.”

Nzoni Tënë so Luc asu na mbeti 22:18 ပူးပေါင်းရင်းမြစ်များ

Abia (Psaumes) 104:15

vin asara si tere ti zo anzere, asara si le ti zo aza ahon mafuta so zo asara na le ti lo; kobe akiri amu ngangu na zo.

B. ti abia 5:1

Ita ti mbi ti wali, mo so mo yeke ga wali ti mbi so, mbi yeke li na yaka ti mbi, mbi yeke ko *mire ti mbi nga na yombo ti mbi, mbi yeke te da ti wotoro ti mbi, mbi yeke su mafuta ti wotoro ti mbi; mbi yeke nyon vin ti mbi, na ngu ti me ti mbi. A-ita, ala te ye, ala nyon ye, ala sule ndali ti yengo tere.

Ésaïe 25:6

Na ndö ti hoto ti *Sion, *KOTA GBIA so ayeke na ndö ti dunia kue ayeke leke matanga ndali ti azo kue, matanga ti nyama ti mafuta na ti vin ti nzoni ni, ti nyama ti mafuta so awoko pendere na vin so ayeke nzoni mingi.

Ésaïe 55:1

Ala so kue nzara ti ngu asara ala, baa ngu laa, ala ga! Ataa ala yeke na nginza pepe, ala ga! Ala mu kobe, ala te; ala mu vin, ala mu ngu ti me ti bagara senge senge, ala yeke vo ni vongo pepe.

Daniel 2:44

Na ngoi ti agbia ni, fade Nzapa so ayeke na yayu ayeke sara mbeni kodro so ayeke buba laoko pepe; kodro ni ayeke ti na gbe ti azo ti ambeni mara nde pepe. Fade kodro ni ayeke fâ si ayeke nika ambeni kodro ni kue; gi kodro oko so laa ayeke ngba ti lo lakue lakue.

Zakarii 9:15

Fade KOTA GBIA so ayeke na ndö ti dunia kue ayeke bata azo ti lo. Azo ti lo ni ayeke kinda awato ti ala tongana ti so zo ayeke zia têne na ya ti *mvingi ti bi ni; ala yeke nyon mene ti awato ti ala tongana ti so zo ayeke nyon vin; mene ni ayeke si ya ti ala tongana mene ti anyama so a tuku na ya ti kopo si a yeke fi na ndö ti adidi osio ti gbalaka.

Zakarii 9:17

So nzoni dutingo na ala ande! So pendere na ala! Fade ale ti *ble ayeke mu ngangu na amaseka-koli, fini vin ayeke mu ngangu na amaseka-wali.

Matthieu 16:18

Tongaso mbi tene na mo: mo yeke Pierre. Na ndö ti têne so, mbi yeke leke ande *Eglize ti mbi; fade kuâ ayeke na ngangu pepe ti hon ndö ti Eglize ti mbi.

Matthieu 26:29

Mbi tene na ala: fade mbi yeke kiri ti nyon ngu ti le ti *vinye pepe, ngbii asi na lango so fade mbi na ala, e yeke nyon fini vin na ya ti *Kodro-gbia ti Nzapa, Babâ ti mbi.”

Marc 14:23

Na pekoni, lo mu kopo ti vin, lo mu singila na Nzapa, lo mu ni na ala si ala kue anyon ni.

Marc 14:25

Mbi tene na ala taa-tënë: mbi yeke kiri ti nyon ngu ti le ti *vinye mbeni pepe ngbii asi na lango so fade mbi yeke nyon fini vin na ya ti *Kodro-gbia ti Nzapa.”

Marc 15:23

Ala ye ti mu na lo vin so ala tuku *mire daa, me Jésus ake ti nyon ni.

Marc 9:1

Jésus akiri atene na ala: “Mbi tene na ala taa-tënë: na popo ti azo so ge so, ambeni ayeke kui pepe, ngbii ala baa gango ti *Kodro-gbia ti Nzapa, na ngangu ti lo kue.”

Nzoni Tënë so Luc asu na mbeti 21:31

Legeoko nga, tongana ala baa aye so asi, ayeke nzoni ala hinga atene, kodro-gbia ti Nzapa aga nduru awe.

Nzoni Tënë so Luc asu na mbeti 22:16

Biani, mbi tene na ala: mbi yeke kiri ti te ni pepe ngbii Nzapa afa taa nda ti kobe ni na ya ti *Kodro-gbia ti lo.”

Nzoni Tënë so Luc asu na mbeti 9:27

Mbi tene na ala taa-tënë: fade ambeni zo na popo ti ala so ayeke ge so ayeke kui pepe ngbii ala baa kodro-gbia ti Nzapa.”

Kolose 1:13

Nzapa azi e na gbe ti ngangu ti makonzi ti vukongo ndo si lo zia e na ndo so Molenge ti lo so lo ye lo mingi ayeke gbia daa.

Awafango-ngbanga 9:13

Me keke ti vinye akiri tënë: ‘Ala baa ti ala atene, mbi yeke zia lege ti vin ti mbi so ayeke zia ngia mingi na be ti anzapa na ti azo ti gue ti baa pasi senge senge na kua ti lengo-gbia na ndö ti amba ti mbi?’