Nzoni Tënë so Luc asu na mbeti 21:6 - Mbeti ti Nzapa - Tënë so amu fini

⁶ Jésus atene: “Ye so ala yeke baa so, ambeni lango ayeke ga so fade têne oko ayeke ngba na ndö ti mba ti lo pepe; ye so kue ayeke tuku na sese.”

Nzoni Tënë so Luc asu na mbeti 21:6 ပူးပေါင်းရင်းမြစ်များ

Jérémie 26:18

“Na ngoi so Ezekias ayeke gbia ti Juda, Mishe ti gbata ti Moreshet ayeke daa; lo yeke mbeni wayanga-Nzapa. Mishe atene na azo ti Juda kue, lo tene: Tënë so KOTA GBIA so ayeke na ndö ti dunia kue atene ayeke so: ‘Fade *Sion ayeke ga tongana yaka so a de ni awe, Jérusalem ayeke ti kue na sese si hoto so kota da ti Nzapa ayeke daa, ndö ni ayeke ga ngonda.’

Jérémie 26:6

Tongana ala ma pepe, fade mbi yeke buba kota da ti Nzapa so, tongana ti so mbi buba ti Silo. Mbi yeke sara si gbata ti Jérusalem aga tapande ti dengo ba ndali ti amara ti sese kue.’ ”

Jérémie 26:9

Ngbanga ti nyen si mo tene peko ti tënë ti yanga ti KOTA GBIA, mo tene: ‘Fade a yeke buba kota da ti Nzapa so tongana ti Silo, a yeke buba gbata so si azo ti gbata ni ayeke duti daa mbeni pepe so?’ ” Tongaso azo so kue ayeke na ya ti kota da ti Nzapa abongbi na tere ti Jérémie.

Abia ti demango tere 4:1

Azo-oo, azo! Pendere ti lôro alondo daa awe; lôro ti nzoni ni akiri aza oko pepe! Atêne so a zia ni nde ndali ti Nzapa atuku kirikiri amu ya ti kodro ni kue!

Abia ti demango tere 5:18

Ndani ayeke so: hoto ti Sion aga ngonda; hoto ni aga ndo ti fonongo ti anyama ti gbungo kondo.

Mishe 3:12

Ndani laa, ndali ti ala, fade Sion ayeke ga tongana yaka so a de ni awe, Jérusalem ayeke ti kue na sese si hoto so kota da ti Nzapa ayeke daa, ndö ni ayeke ga ngonda.

Zakarii 11:1

Hoto ti Liban, mo zi ayanga da ti mo si wâ agbi akeke ti sedre ti mo kue.

Zakarii 14:2

Fade KOTA GBIA ayeke bongbi amara kue ti tiri bira na Jérusalem; azo ayeke mu gbata ni, ala yeke nzi aye ti ya ti ada, ala yeke gbu awali na ngangu ti lango na ala; ala yeke gbu ndambo ti azo ti gbata ni ti gue na ala na kodro wande, me tanga ti azo ayeke ngba na ya ti gbata ni.

Matthieu 24:2

Me Jésus atene na ala: “Ala baa ye so kue so? Mbi tene na ala taa-tënë: fade têne oko ayeke ngba ndo so pepe na ndö ti mba ti lo; ye so kue ayeke tuku na sese.”

Marc 13:2

Jésus atene na lo: “Mo baa kota da so? Fade mbeni têne oko ayeke ngba na ndö ti mba ti lo pepe; ye so kue ayeke tuku na sese.”

Nzoni Tënë so Luc asu na mbeti 21:7

Ala hunda lo, atene: “Wafango-ye, ye ni ayeke si ande lawa? Nyen laa ayeke fa lango so aye so ayeke si na ni?”