Nzoni Tënë so Luc asu na mbeti 21:34 - Mbeti ti Nzapa - Tënë so amu fini

³⁴ “Ala sara hange! Ala zia be ti ala kue na nyongo samba ahon ndoni na tengo kobe ahon ndoni pepe, ala gi be ti ala na ndö ti gigi ti ala pepe. Tongana ala sara hange pepe, lango ni so ayeke wara ala

Nzoni Tënë so Luc asu na mbeti 21:34 ပူးပေါင်းရင်းမြစ်များ

Tongo nda ti aye 19:32

Ga e mu samba na babâ ti e, lo nyon si e lango na lo. Tongaso si e sara titene babâ ti e awara amolenge ti zia na peko ti lo.”

Tongo nda ti aye 19:35

Na bi ni, ala kiri amu samba na babâ ti ala si lo nyon. Ngambe ni ague, alango na babâ ti lo. Babâ ni ahinga nga langongo so lo lango na tere ti lo so pepe; lo hinga nga londongo ti lo pepe.

Tongo nda ti aye 27:14

Jacob ague, amu ala, lo ga na ala na mama ti lo si lo to na babâ ti lo nzerengo kobe so babâ ni aye mingi.

Abia (Psaumes) 35:8

Ayeke nzoni mbeni kota ye ti ngangu so ala hinga li ti ala daa pepe asi na ala. Ayeke nzoni gbanda so ala wani ahonde so agbu ala si ala wara kuâ na ya ti kota ye ti ngangu so!

Amato 21:4

Le so abaa zo tongana mbumbuse ye nga na kate so asuku na baba, aye so afa polele na gigi siokpari ti zo.

Amato 23:20

Azo so ayeke nyon samba ahon ndoni, wala ala so ayeke te nyama ahon ndoni, mo duti na popo ti ala pepe.

Zo ti bongbingo azo 9:12

Lango so ye ti vundu ayeke si na zo, lo hinga ni pepe. Ye ti sioni ayeke wara azo biaku tongana ti so gbanda agbu susu, wala tongana ti so kuku agbu ndeke.

Ésaïe 28:7

Ndali ti vin so asara ala, ataa awayango-sandaga na awayanga-Nzapa agirisa lege. Ndali ti ngangu samba, ala yeke tambula kirikiri. Samba asara si ala girisa lege. Ndali ti vin, li ti ala aga kirikiri, tongana ala baa ye na ya ti mbeni ye tongana bango-li, ala yeke girisa lege, ala hinga li ti ala na ngbanga so ala yeke fâ pepe.

Osée 4:11

“Sarango ye ti ndumba na nyongo samba asara si li ti ala atomboka.

Awayango-sandaga 10:9

“Mo na amolenge ti mo, tongana ala ye ti gue na ya ti da ti bongo so KOTA GBIA na azo ti lo ayeke wara tere daa, ala nyon vin pepe, wala ngangu samba pepe. Tongaso pepe, fade ala yeke kui. Ndia so ayeke ngba ngu na ngu ndali ti *ahale ti ala ti angoi kue.

Matthieu 13:22

Ambeni zo ayeke tongana sese so aki ayeke daa si ale ti kobe atuku daa: ala ma tënë ni, me gingo be ti ala na ndö ti aye ti sese so na nzara ti mosoro akanga ndö ti tënë ni si ale pepe.

Marc 13:9

Me ti ala, ala sara hange! Fade azo ayeke gue na ala na gbe ti ngbanga; azo ayeke pika ala na ya ti ada ti sambelango Nzapa. Ala yeke luti na le ti agovoronere na agbia ndali ti mbi titene ala tene tënë ti mbi na le ti ala.

Marc 4:19

me be ti ala agi ala mingi na ndö ti aye ti dunia so; amosoro ahanda ala, nzara ti aye kue asara ala. Aye so kue akanga ndö ti tënë ni si ale pepe.

Nzoni Tënë so Luc asu na mbeti 10:41

Me Kota Gbia akiri tënë na lo: “Marthe, Marthe, mo yeke gi be ti mo si mo yeke do tere ti mo ndali ti aye mingi.

Nzoni Tënë so Luc asu na mbeti 12:40

Ala nga, ala leke tere ti ala ti ku, ngbanga ti so *Molenge ti Zo ayeke ga ande na ngbonga so ala yeke ku lo na ni pepe.”

Nzoni Tënë so Luc asu na mbeti 17:3

Ala sara hange! “Tongana ita ti mo asara sioni na mo, ayeke nzoni mo fa sioni ti lo na lo. Tongana lo zia lege ti sarango sioni ni, mo zi tënë ni na li ti lo.

Nzoni Tënë so Luc asu na mbeti 21:35

tongana ti so gbanda ayeke gbu nyama. Biani, lango ni so ayeke si ti wara azo ti sese kue tongana ti so gbanda ayeke gbu nyama.

Nzoni Tënë so Luc asu na mbeti 21:8

Jésus akiri tënë, atene: “Ala sara hange si mbeni zo ahanda ala pepe! Biani, fade azo mingi ayeke ga na iri ti mbi si zo oko oko ayeke tene: ‘Mbi laa mbi yeke *Mesii!’ Azo ni ayeke tene nga, atene: ‘Ngoi ni alingbi awe!’ Ala azo ti mbi, ala mu peko ti azo ni so pepe!

Nzoni Tënë so Luc asu na mbeti 8:14

Ale ti kobe so atuku na popo ti apere ti ki ayeke azo so ama tënë ni; me gingo be ti ala, na amosoro, na anzerengo ye ti dunia so akanga ndö ti ala si lege ti ala ti le nzoni lengo ayeke daa pepe.

1 Korente 5:11

Me mbi su mbeti so lani na ala si zo so atene, ni yeke ita ti ala, zo ti Christ si lo yeke gi wali wala koli kirikiri, kota nzara ti warango ye ayeke na be ti lo, lo yeke voro anzapa nde, lo yeke du mvene na li ti amba ti lo, lo yeke ngbaa ti samba, wala lo yeke zo ti nzi, alingbi ala sara songo na lo pepe, ala te nga kobe na mara ti zo tongaso pepe!

1 Korente 6:10

azo ti nzi, azo so kota nzara ti warango ye ayeke na be ti ala, azo so ayeke ngbaa ti samba, azo ti dungo mvene na li ti amba ti ala, azo ti gbungo ye ti azo na ngangu, fade Kodro-gbia ti Nzapa ayeke ga ti ala pepe.

Galasii 5:20

vorongo anzapa nde, guengo na zo na gbe ti yoro, kengo zo, papa, kota be, ngonzo, gbugburungo tere ti gi na kota ndo, mungo mbage ti mbeni zo, kangbi,

Ndia ti fani use ni 29:19

Fade KOTA GBIA ayeke zi tënë ni na li ti lo pepe. Ngonzo na mbanda ti KOTA GBIA ayeke londo tongana menga ti wâ na tere ti zo ni. Adengo ba so kue a su tënë ni na ya ti mbeti so, lo yeke sara titene ati na ndö ti zo ni; lo yeke zi iri ti zo ni na ndö ti sese.

Filipe 4:6

Ala gi be ti ala ndali ti mbeni ye oko pepe, me na ya ti ye kue, ala fa na Nzapa ye so ala ye, na lege ti sambela, na vorongo tere nga na mungo singila na lo.

Ahebro 12:15

Ala sara hange si mbeni zo ado lege ti nzoni be ti Nzapa azia pepe. Alingbi mbeni zo aga tongana sengo gere ti pere ti ngonda pepe; mara ti zo tongaso ayeke bi wusuwusu na popo ti azo si lo yeke buba li ti ala.

2 Pierre 3:10

Lango ti gango ti Kota Gbia ayeke duti tongana gango ti zo ti nzi. Na lango ni so, nduzu ayeke hon si toto ni ayeke duti ngangu mingi; wâ ayeke gbi aye so ayeke na le ti nduzu, sese na aye so kue ayeke na ndö ni ayeke ngba pepe.

2 Pierre 3:14

Ndani laa, a-ita ti mbi so mbi ye ala mingi, na ngoi so ala yeke ku lango ni so, ala sara kue titene lo ga lo wara ala na mbeni sioni ye na be ti ala pepe, mbeni tënë ayeke na li ti ala pepe, ala duti nga na siriri na Nzapa.

Aye so Nzapa afa 3:3

Mo dabe ti mo na tënë so a fa na mo si mo ma ni ando so. Sara ye alingbi na ni, zia ngbene lege ti sarango ye ti mo. Tongana mo zingo pepe, fade mbi yeke ga na tere ti mo tongana zo ti nzi, mo yeke hinga ngoi so mbi yeke ga na ni pepe.

1 Samuel 25:36

Abigail akiri na tere ti Nabal. Andaa na da kâ, Nabal asara matanga tongana matanga ti gbia. Tere ti Nabal anzere mingi si lo nyon samba ahon ndö ti lo. Abigail atene tënë oko na lo pepe ngbii asi na kota ndaperere.