Nzoni Tënë so Luc asu na mbeti 21:23 - Mbeti ti Nzapa - Tënë so amu fini

²³ Ye ni ayeke duti ande ye ti mawa na awali so ayeke na ngo na ala so angba ti mu me na amolenge na ya ti alango ni so! Biani, fade azo ti sese ayeke baa pasi ahon ndoni si ngonzo ti Nzapa ayeke londo na tere ti ala!

Nzoni Tënë so Luc asu na mbeti 21:23 ပူးပေါင်းရင်းမြစ်များ

Abia ti demango tere 4:10

Akpale mingi asi na azo ti kodro ti mbi; ndali ni, amama so aye amolenge ti ala mingi, ala wani akiri ayeke to amolenge ti ala ti te.

Daniel 8:19

Na pekoni, lo tene na mbi: ‘Mbi ye ti fa na mo ye so ayeke si ande na lango ti ndani, lango so ngonzo ti Nzapa ayeke hunzi na ni, ngbanga ti so a fa lango so ye kue ayeke hunzi na ni awe.

Matthieu 21:16

Ala tene na Jésus: “Mo ma tënë so ala yeke tene so?” Jésus akiri tënë na ala: “Mbi ma ni. Ala de ti diko tënë so Mbeti ti Nzapa atene so pepe? Mbeti ti Nzapa atene: ‘Mo sara si abia ti gondango mo asigigi na yanga ti akete molenge nga na yanga ti ala so angba ti nyon me.’”

Matthieu 21:41

Azo ni akiri tënë na lo, atene: “Lo yeke fâ azo ti sioni so sioni sioni. Na pekoni, lo yeke mu yaka ni na ambeni zo ti kua nde si tongana ndembe ni asi, ala yeke mu na lo ti lo ale ti vinye ni.”

Matthieu 21:44

Zo so kue ayeke ti na ndö ti têne so, fade tere ti lo ayeke kungbi. Tongana têne ni ati na ndö ti mbeni zo, fade ayeke nika lo nikango!”]

Matthieu 24:19

So ye ti mawa na awali so ayeke na ngo nga na ala so ayeke mu me na amolenge na ya ti alango ni so!

Marc 13:17

Ye ni ayeke duti ye ti mawa na awali so ayeke na ngo na ala so ayeke mu me na amolenge na ya ti alango ni so!

Nzoni Tënë so Luc asu na mbeti 19:27

Âdu ti awato ti mbi so aye titene mbi le-gbia na ndö ti ala pepe so, ala mu ala, aga na ala na ndo so si ala fâ go ti ala na le ti mbi.’ ”

Nzoni Tënë so Luc asu na mbeti 19:43

Biani, ambeni lango ayeke ga so awato ti mo ayeke bongbi sese aga koto, angoro mo kue. Ala yeke ngoro mo si ala yeke pete mo mbage na mbage kue.

Nzoni Tënë so Luc asu na mbeti 23:29

ngbanga ti so alango ayeke si ande so fade azo ayeke tene: ‘Ti ala nzoni, ala awali so ayeke awali ti dungo ni pepe, na ala so adu ya ti ala pepe, na ala so molenge anyon me ti ala laoko pepe!’

1 Korente 7:26

Ti be ti mbi, mbi tene: tongana zo aduti gi lo oko, so ayeke nzoni ndali ti so gigi ni aga ngangu fadeso awe. Taa-tënë, mbi baa ti mbi, mbi tene, ayeke nzoni zo aduti gi lo oko.

1 Tesalonike 2:16

Ala yeke kanga lege na e ti fa tënë ti Nzapa na azo ti amara nde, tënë so alingbi ti soo ala na kuâ. Tongaso, azuife ayeke sara si siokpari ti ala akiri ahon ndoni. Me na ndani, Nzapa asara ngonzo na tere ti ala.

Ahebro 13:16

Ala girisa ti sara nzoni be na azo pepe, ala girisa ti mu maboko na amba ti ala na popo ti ala pepe; amara ti asandaga tongaso laa anzere na be ti Nzapa.

Jacques 5:1

Ala azo ti mosoro, ala ma si! Ala dekongo, ala toto ndali ti pasi so ayeke ga ande na ndö ti ala!

1 Pierre 4:17

Biani, ngoi so e yeke daa ayeke ngoi so Nzapa ayeke to nda ti fango ngbanga ti azo ti da ti lo. So Nzapa ayeke to nda ti fango ngbanga ti e kozoni so, fade ti azo so ake ti ma na be na Nzoni Tënë ti Nzapa ayeke duti tongana nyen?