Nzoni Tënë so Luc asu na mbeti 21:19 - Mbeti ti Nzapa - Tënë so amu fini

¹⁹ Ala gbu ngangu si fade ala soo kuâ!”

Nzoni Tënë so Luc asu na mbeti 21:19 ပူးပေါင်းရင်းမြစ်များ

Abia (Psaumes) 37:7

Duti kpoo na tere ti KOTA GBIA, mo zia be ti mo ti ku lo. Zo so ayeke sara ye na lege ti mayere si ye ti lo aga nzoni, mo sara ngonzo na tere ti lo pepe.

Abia (Psaumes) 40:1

Bia ti David; bia so ayeke ndali ti makonzi-bia.

Habakuk 3:16

Mbi ma tënë ti aye so si li ti mbi kue akpe. Toto ti aye ni asara si yanga ti mbi ado dongo, bio ti mbi awoko kue, gere ti mbi awoko kue, mbi lingbi ti luti na nduzu pepe. Mbi duti kpoo ti ku lango ti ye ti vundu ni, ti ku lango ti gue ti tiri bira na azo so ayeke sara ngangu na e.

Matthieu 10:22

Fade azo kue ayeke ke ala ndali ti mbi. Me zo so ayeke gbu ngangu ngbii asi na ndani, fade lo yeke soo kuâ.

Matthieu 24:13

Me zo so ayeke gbu ngangu ngbii asi na ndani, fade lo yeke soo kuâ.

Nzoni Tënë so Luc asu na mbeti 8:15

Ambeni zo ayeke tongana nzoni sese so ale ti kobe atuku daa; ala ma tënë ni na be so ayeke mbirimbiri si ayeke nzoni. Ala bata tënë ni si ala kanga be ti ala ti le lakue.”

Rome 15:4

Atënë so kue a su ando na ya ti Mbeti ti Nzapa, a su ni titene e hinga ye na lege ni. Mbeti ti Nzapa ayeke mu na e lege ti kanga be ti e, ti mu ngangu na be ti e si e zia be ti e ti ku ye so Nzapa atene tënë ni.

Rome 2:7

Azo so amu be ti ala kue ti gi ti sara nzoni ye, ala yeke gi titene Nzapa agonda ala, lo ne ala si lo mu na ala fini so angba lakue lakue, fade Nzapa ayeke mu lege na ala ti duti na fini kpu na kpu.

Rome 5:3

Na ndö ni kue, e yeke na ngia na ya ti aye ti pasi so ayeke si na e, ngbanga ti so pasi laa ayeke sara si zo akanga be ti lo,

Rome 5:4

kangango be asara si e do sese na ya ti ye ti ngangu nga ti ku ye so Nzapa aye ti mu na e.

Rome 8:25

Me tongana e zia be ti e ti ku ye so le ti e ade ti baa pepe, fade e yeke kanga be ti e ti ku ni.

1 Tesalonike 1:3

Na le ti Nzapa Babâ ti e, e yeke dabe ti e lakue na kua so ala yeke sara na lege ti mabe; e yeke dabe ti e na ndoye so ayeke sara titene ala sara kua ngangu nga na be ti ala so ala zia ti ku *Kota Gbia ti e Jésus Christ.

2 Tesalonike 3:5

Ayeke nzoni Kota Gbia azia na be ti ala ti ye Nzapa, lo fa na ala lege ti kanga be ti ala legeoko tongana ti Christ!

Ahebro 10:36

Alingbi ala kanga be ti ala tongana ala ye ti sara ye so be ti Nzapa aye, ti wara ye so Nzapa amu zendo ni.

Ahebro 6:11

Me e ye mingi titene ala oko oko kue angba na nzara ti sarango nzoni ye tongana ti kozoni; ala ngba daa ngbii asi na ndani, tongaso si fade ala yeke wara aye so ala zia be ti ala ti ku ni.

Ahebro 6:15

Abraham akanga be ti lo aku si lo wara ye so Nzapa amu zendo ni na lo.

Jacques 1:3

Ala hinga so, aye so ayeke tara mabe ti ala so asi na ala ti sara si ala hinga ti kanga be ti ala.

Jacques 1:4

Me alingbi kangango be ti ala ni aduti taa kangango be, tongaso si ala duti azo so ayeke nzoni kue, azo so alingbi si mbeni ye oko atia ala pepe.

2 Pierre 1:6

na ndö ti hingango ndo, ala zia kangango nzara ti tere; na ndö ti kangango nzara ti tere, ala zia kangango be; na ndö ti kangango be, ala zia gbungo tënë ti Nzapa ngangu;

Aye so Nzapa afa 1:9

Mbi Jean, ita ti ala, mbi na ala kue, e yeke na ya ti ye ti ngangu. Na lege ti gango so e ga oko na Jésus, e yeke kanga be ti e na ya ti ye ti ngangu ni si mbi na ala, e yeke azo ti *Kodro-gbia ti Nzapa. A bi mbi na ya ti zoa ti Patmos ndali ti tënë ti Nzapa so mbi fa nga ndali ti taa-tënë so Jésus afa.

Aye so Nzapa afa 13:10

Zo so a diko lo ndali ti kanga, fade lo yeke gue na kanga; zo so a diko lo titene a fâ lo na yongoro zeme, lo yeke kui kuâ ti yongoro zeme. So ayeke ngoi titene azo ti Nzapa akanga be ti ala si ala ngba na lege ti mabe laa.”

Aye so Nzapa afa 14:12

So ngoi titene azo ti Nzapa akanga be ti ala laa, ala so asara ye alingbi na andia ti Nzapa si ala ngba ti zia be ti ala na ndö ti Jésus.

Aye so Nzapa afa 3:10

Mo bata tënë ti mbi, mo zia lege ni oko pepe. Ndani laa mbi nga, mbi yeke bata mo na ngoi ti aye ti tarango be so ayeke si ande na azo ti sese kue.