Nzoni Tënë so Luc asu na mbeti 21:1 - Mbeti ti Nzapa - Tënë so amu fini

¹ Na ya ti kota da ti Nzapa, Jésus abaa ndo na tere ti lo si lo baa ambeni zo ti mosoro so ayeke bi nginza na ya ti sanduku ti nginza.

Nzoni Tënë so Luc asu na mbeti 21:1 ပူးပေါင်းရင်းမြစ်များ

1 Agbia 14:26

Lo mu amosoro so a bata na ya ti kubu ti da ti KOTA GBIA nga na amosoro so ayeke na ya ti yangbo ti gbia, lo hon na ni; lo mu aye kue kue kue, ataa *avala ti lôro so Salomon amu yanga si a sara ni ando so.

2 Agbia 12:9

Tongaso awayango-sandaga ayeda ti kiri ti mu nginza na maboko ti azo pepe ti leke na kota da ni.

2 Agbia 24:13

Nabukodonosor amu amosoro so kue a bata na ya ti kubu ti kota da ti KOTA GBIA, na amosoro so a bata na ya ti kubu ti yangbo ti gbia, lo gue na ni alingbi gi na tënë so KOTA GBIA atene. Lo fâ ya ti aye so kue Salomon, gbia ti Israel aleke na lôro si lo zia na ya ti kota da ti KOTA GBIA so.

2 Mbai 36:18

Aye so kue ayeke na ya ti kota da ti Nzapa, akota ni wala akete ni, amosoro so a bata na ya ti kubu ti da ti KOTA GBIA, na amosoro so ayeke na ya ti da ti gbia nga na ti akota zo ti lo, gbia Nabukodonosor amu kue ague na ni na Babilone.

Néhémie 13:13

Mbi mu Shelemia, wayango-sandaga, lo na Sadok, wafango-ndia nga na Pedaya, zo ti mara ti Lévi, mbi zia ala ti bata ada ni. Mbi soro Hanan, molenge ti Zakur, molenge ti Matania, mbi zia lo na tere ti ala ti mu maboko na ala. A baa ala tongana azo so zo alingbi ti zia be ti lo na ndö ti ala. A mu ala titene ala laa akangbi aye na a-ita ti ala.

Matthieu 27:6

Akota wayango-sandaga aro nginza ni si ala tene: “*Ndia ti e ake titene e zia nginza so na ya ti sanduku ti nginza ti kota da ti Nzapa, ngbanga ti so nginza ti mene laa.”

Nzoni Tënë so Luc asu na mbeti 20:47

Ala yeke ro aye kue ti ya ti da ti awali-mua si ala yeke sara ayongoro sambela titene azo abaa ala. Fade Nzapa ayeke fâ ngbanga na li ti ala ngangu ahon ti azo kue.”

Jean 8:20

Jésus atene atënë so na ndembe so lo yeke fa ye na ya ti kota da ti Nzapa, na ndo so a zia sanduku ti nginza daa. Zo oko agbu lo pepe, ngbanga ti so ngbonga ti lo ade ti lingbi pepe.

Josué 6:19

Wen ti nginza kue na lôro nga na aye so kue a sara na bengba wen nga na wen, fade ala zia ni nde ndali ti KOTA GBIA; ala zia ni na ya ti kubu so a yeke bata amosoro ti KOTA GBIA daa.”

Josué 6:24

Na pekoni, ala gbi gbata ni na aye so kue ayeke na ya ni. Ye so ala gbi ni pepe ayeke gi wen ti nginza, lôro nga na aye so a sara ni na bengba wen nga na wen. Ala mu aye ni azia na ya ti kubu so a yeke bata amosoro ti da ti *KOTA GBIA daa.