Nzoni Tënë so Luc asu na mbeti 20:7 - Mbeti ti Nzapa - Tënë so amu fini

⁷ Tongaso ala tene na Jésus: “E hinga zo so atokua lo pepe.”

Nzoni Tënë so Luc asu na mbeti 20:7 ပူးပေါင်းရင်းမြစ်များ

Ésaïe 26:11

KOTA GBIA, mo yo maboko ti mo na nduzu ti pika ala, me ala baa ni pepe. Fade ala yeke baa so mo yeke na nzara mingi ti sara na azo ti mo, tongaso kamene ayeke gbu le ti ala. Wâ so a leke ndali ti awato ti mo ayeke gbi azo ni.

Ésaïe 29:14

Ndani laa, fade mbi yeke ngba ti sara si li ti azo so akpe na lege ti aye ti dongo be. Fade a yeke buba ndara ti azo ti ndara, a yeke honde hingango ndo ti azo ti hingango ndo.”

Ésaïe 41:28

Mbi baa ndo, me zo oko ayeke daa pepe. Na popo ti anzapa ni, mbeni oko ti mu wango ayeke daa pepe! Tongana ala yeke fade daa si mbi hunda ala, ka ala kiri tënë na mbi.

Ésaïe 44:18

Azo ni so ahinga ye oko pepe, ala hinga ndo oko pepe. Biani, le ti ala na gbungo-li ti ala akanga awe, ala lingbi ti baa ndo pepe, ala lingbi ti hinga nda ti ye pepe.

Zakarii 11:15

KOTA GBIA akiri atene na mbi: “Fadeso, mo sara tere ti mo tongana mbeni wabatango-taba so li ti lo ayeke daa pepe.

Zakarii 11:17

Mawa na wabatango-taba so lo hinga ndo pepe, lo so lo do ataba ti lo, lo zia ala so! Ayeke nzoni a de maboko ti lo si a koro le ti lo ti mbage ti koli na ya ti bira! Ayeke nzoni maboko ti lo ahole biani biani, le ti lo ti mbage ti koli amingo biani biani!

Nzoni Tënë so Luc asu na mbeti 20:6

Tongana e tene: ‘Azo laa atokua lo’, fade azo ni kue ayeke bo e na têne, ngbanga ti so ala hinga biani atene, Jean ayeke wayanga-Nzapa.”

Nzoni Tënë so Luc asu na mbeti 20:8

Jésus atene na ala: “Zo so amu lege na mbi ti sara aye so, mbi nga, mbi yeke di iri ti lo na ala pepe.”

Jean 9:39

Jésus atene: “Mbi ga na dunia so ti fâ ngbanga: tongaso si awaziba abaa ndo si azo so ayeke baa ndo, akiri aga awaziba.”

2 Pierre 3:3

Kozo ye so mbi ye ala hinga ayeke so: na ya ti alango ti ndani, azo so ayeke sara ye na lege ti asioni nzara ti be ti ala wani ayeke ga. Azo ni ayeke he ala,