Nzoni Tënë so Luc asu na mbeti 20:47 - Mbeti ti Nzapa - Tënë so amu fini

⁴⁷ Ala yeke ro aye kue ti ya ti da ti awali-mua si ala yeke sara ayongoro sambela titene azo abaa ala. Fade Nzapa ayeke fâ ngbanga na li ti ala ngangu ahon ti azo kue.”

Nzoni Tënë so Luc asu na mbeti 20:47 ပူးပေါင်းရင်းမြစ်များ

Ésaïe 10:2

Ala yeke kanga lege titene a fâ ngbanga ti asenge zo na legeni, ala yeke gbanzi azo ti mbi so ayeke awayere na ye so ayeke ti ala. Ala yeke te awali-mua, ala yeke nzi aye ti anyindu.

Ezekiel 22:7

Na ndo ti mo, azo ayeke ne babâ na mama ti ala pepe, ala yeke sara ngangu na awande, ala yeke sara ngangu na awali-mua nga na anyindu.

Ezekiel 33:31

Tongaso ala mingi aga si ala duti na dawa ti mo. Ala ma atënë ti mo, me ala sara ye alingbi na ni pepe. Ala yeke sara ye alingbi na ye so anzere na be ti ala, ala yeke gi gi ye so ala lingbi ti wara ye na peko ni.

Amos 2:7

Nzara ti mungo aye ti azo ti mawa ahon ndö ti ala, ataa fuku ti sese so ayeke na li ti ala; na le ti ngbanga, ala yeke sara si a fâ ngbanga ti asenge zo na legeni pepe. Molenge-koli na babâ ti lo ayeke lango gi na oko maseka-wali. Na sarango ye tongaso, ala yeke buba iri ti mbi so ayeke nde si ayeke nzoni kue.

Mishe 2:2

Tongana ala sara nzara ti ayaka ti azo, ala yeke mu ni; tongana ala sara nzara ti ada ti azo, ala yeke mu ni na maboko ti azo ni. Ala yeke sara ngangu na wa ti da nga na azo ti da ti lo, ala yeke gbu na ngangu aye ti azo ti da ni.

Mishe 2:8

Me KOTA GBIA atene na ala: “Biri, ala sara ye tongana awato ti azo ti mbi. Azo so alondo na bira si ayeke kiri na siriri, ala mu kota bongo so azo ni ayu na ndö ti abongo ti ala.

Mishe 3:2

Me be ti ala ake ti sara ye ti nzoni, ala ye gi ti sara ye ti sioni. Ala yeke zi poro ti tere ti azo nga na kasa ti tere ti azo ni kue na ndö ti abio ni.”

Matthieu 23:13

“Mawa na ala, awafango-ndia, ala na *afarizien! Tënë ti yanga ti ala ayeke nde na sarango ye ti ala! Ala kanga lege ti *Kodro-gbia ti yayu na azo. Ala wani aye ti li na ya ti Kodro-gbia ti yayu ni pepe, me ala yeke kanga lege ni na azo so aye ti li daa. [

Matthieu 23:14

“Mawa na ala, awafango-ndia, ala na afarizien! Tënë ti yanga ti ala ayeke nde na sarango ye ti ala! Ala yeke ro aye kue ti ya ti da ti awali-mua si ala yeke sara ayongoro sambela titene azo abaa ala. Fade a yeke fâ ngbanga na li ti ala ngangu mingi!]

Marc 12:40

Ala yeke ro aye kue ti ya ti da ti awali-mua si ala yeke sara ayongoro sambela titene azo abaa ala. Fade Nzapa ayeke fâ ngbanga na li ti ala ngangu ahon ti azo kue.”

Nzoni Tënë so Luc asu na mbeti 12:1

Na ndembe ni so, azo abongbi gbani gbani, ala yeke pete tere na popo ti ala si Jésus ato nda ti tene tënë na adisiple ti lo, lo tene: “Ala sara hange na mama ti mapa ti *afarizien, so ti tene azo so tënë ti yanga ti ala ayeke nde na sarango ye ti ala so.

Nzoni Tënë so Luc asu na mbeti 20:46

“Ala sara hange na awafango-ndia so aye ti fono gi na ya ti kota bongo si ala ye titene azo abara ala na ndo so azo abongbi daa; ala ye ti duti na ya ti akozo ngende na ya ti ada ti sambelango Nzapa nga na ya ti amatanga.

Nzoni Tënë so Luc asu na mbeti 21:1

Na ya ti kota da ti Nzapa, Jésus abaa ndo na tere ti lo si lo baa ambeni zo ti mosoro so ayeke bi nginza na ya ti sanduku ti nginza.

1 Tesalonike 2:5

Ala hinga kue: laoko e tene mbeni tënë ti handango na zo pepe; laoko e honde nzara ti warango aye na peko ti fango tënë ti e pepe, Nzapa ahinga ni!

Tite 1:16

Ala tene na yanga ti ala atene, ala hinga Nzapa, me ye so ala yeke sara afa so, ala bere tënë ti lo awe. Ala yeke azo so sioni ti ala ahon ndoni, azo ti ngangu li, ala lingbi ti sara nzoni ye oko pepe.

Jacques 3:1

A-ita ti mbi, alingbi azo mingi na popo ti ala aga awafango-ye pepe! Ala hinga atene, e so e yeke awafango-ye, fade Nzapa ayeke fâ ngbanga na li ti e ngangu ahon ti tanga ti azo kue.