Nzoni Tënë so Luc asu na mbeti 20:24 - Mbeti ti Nzapa - Tënë so amu fini

²⁴ “Ala fa na mbi mbeni le ti nginza, e baa. So li ti zo wa laa? So iri ti zo wa laa na le ti nginza ni so?” Ala kiri tënë na lo, atene: “Ti kota gbia ti Rome.”

Nzoni Tënë so Luc asu na mbeti 20:24 ပူးပေါင်းရင်းမြစ်များ

Matthieu 18:28

Zo ti kua ni asigigi si lo tengbi na mbeni mba ti lo; yongo ti lo ayeke ale ti nginza ngbangbo oko na li ti mba ti lo ni. Lo gbu go ti mba ti lo ni si lo to nda ti pete ni ngangu, lo tene: ‘Futa na mbi yongo ti mbi!’

Matthieu 20:2

Lo na azo ti kua ni ama tere titene lo futa na ala nginza so a yeke mu na zo ndali ti kua ti lango oko. Na pekoni, lo tokua ala na yaka ti vinye ti lo ni.

Matthieu 22:20

Jésus ahunda ala, atene: “So li ti zo wa laa? So iri ti zo wa laa na le ti nginza so?”

Marc 12:16

Ala mu mbeni le ti nginza aga na ni si Jésus ahunda ala, atene: “So li ti zo wa laa? So iri ti zo wa laa na le ti nginza so?” Ala tene na lo: “Ti kota gbia ti Rome.”

Nzoni Tënë so Luc asu na mbeti 2:1

Na ngoi ni so, Auguste, kota gbia ti Rome asigigi na mbeni mbela so ahunda na azo ti sese ti lo kue titene a diko wungo ti ala.

Nzoni Tënë so Luc asu na mbeti 20:22

Tene na e: *Ndia amu lege na e ti futa lapo na kota gbia ti Rome, wala e futa ni pepe?”

Nzoni Tënë so Luc asu na mbeti 20:23

Me Jésus ahinga mayere ti ala kue si lo tene na ala:

Nzoni Tënë so Luc asu na mbeti 20:25

Lo tene na ala: “Ala futa na kota gbia ti Rome ye so ayeke ti lo, ala futa na Nzapa ye so ayeke ti Nzapa.”

Nzoni Tënë so Luc asu na mbeti 23:2

Ala to nda ti bi tënë na li ti lo, atene: “E wara koli so, lo yeke pusu azo ti mara ti e ti sara wusuwusu, lo yeke kanga lege na ala titene ala futa lapo na kota gbia ti Rome; lo tene nga, ni wani, ni yeke *Mesii, ni yeke gbia.”

Nzoni Tënë so Luc asu na mbeti 3:1

Na ngu baleoko na oku so Tibere ayeke kota gbia ti Rome, Ponse Pilate ayeke govoronere na sese ti Judée, Herode, kota komanda na sese ti Galile, ita ti lo Philippe ayeke kota komanda na sese ti Iture na ti Trakonite si Lisanias ayeke kota komanda na sese ti Abilene;

Awatokua 11:28

Mbeni oko so iri ti lo Agabus alondo, lo tene na azo ye so Yingo-Vuru afa na lo, lo tene: “Fade mbeni kota nzara ayeke ga na ndö ti sese kue.” – Nzara ni aga biani na ndembe so Claude ayeke kota gbia ti Rome. –

Awatokua 26:32

Agripa atene na Festus: “Tongana koli so ahunda fade ti gue na gbe ti kota gbia ti Rome pepe, ka a lingbi ti zi lo senge.”

Filipe 4:22

Azo ti Nzapa so kue ayeke ge abara ala, mbirimbiri ala so ayeke na ya ti yangbo ti kota gbia ti Rome abara ala mingi.