Nzoni Tënë so Luc asu na mbeti 20:22 - Mbeti ti Nzapa - Tënë so amu fini

²² Tene na e: *Ndia amu lege na e ti futa lapo na kota gbia ti Rome, wala e futa ni pepe?”

Nzoni Tënë so Luc asu na mbeti 20:22 ပူးပေါင်းရင်းမြစ်များ

Esdras 4:13

Gbia, ayeke nzoni mo hinga, mo tene, tongana a leke gbata so si a leke gbagba ni awe, fade azo ni ayeke kiri ti futa lapo pepe, wala lapo na ndö ti akungba wala lapo ti lege pepe. Tongana ala ke ti futa ni, fade mosoro ti gbia ayeke kiri na peko.

Esdras 9:7

Ti londo na ngoi ti akotara ti e ngbii asi laso, e sara sioni ahon ndoni. Ndali ti siokpari ti e, e na agbia ti e, na awayango-sandaga ti e, e ti na gbe ti agbia ti amara nde; ala sara bira na e, ala gbu e ague na e na kodro wande, ala gbu aye ti e ahon na ni, ala bi kamene na le ti e, tongana ti laso so.

Néhémie 5:4

Ambeni nga atene: “Titene e wara nginza ti futa na lapo ti gbia, e yeke mu ayaka ti e nga na ayaka ti vinye ti e na boon na ambeni zo.

Néhémie 9:37

Sese ni ayeke du ale ti kobe gbani gbani gi ndali ti agbia so mo zia ala na li ti e. Mo zia agbia ni na li ti e ndali ti siokpari ti e. Ala yeke sara komandema na ndö ti e nga na ndö ti anyama ti e tongana ti so be ti ala aye. Ti e, e yeke na ya ti kota mawa!”

Matthieu 17:25

Pierre akiri tënë na ala: “Lo yeke futa ni-aa!” So Pierre aga ali na da, Jésus amu tënë kozoni si lo tene: “Simon, na be ti mo, zo wa laa alingbi ti futa lapo na agbia ti sese? Amolenge ti kodro wala awande?”

Nzoni Tënë so Luc asu na mbeti 20:21

Ala hunda lo, atene: “Wafango-ye, e hinga so mo yeke tene tënë si mo yeke fa ye gi na legeni mbirimbiri; mo yeke mu mbage ti zo oko pepe, me mo yeke fa mbirimbiri lege ti sarango ye so Nzapa aye.

Nzoni Tënë so Luc asu na mbeti 20:23

Me Jésus ahinga mayere ti ala kue si lo tene na ala:

Nzoni Tënë so Luc asu na mbeti 23:2

Ala to nda ti bi tënë na li ti lo, atene: “E wara koli so, lo yeke pusu azo ti mara ti e ti sara wusuwusu, lo yeke kanga lege na ala titene ala futa lapo na kota gbia ti Rome; lo tene nga, ni wani, ni yeke *Mesii, ni yeke gbia.”

Awatokua 5:37

Na peko ti lo, Judas, zo ti Galile, aga na ndembe ti dikongo wungo ti azo; lo mu gba ti azo na peko ti lo. Me lo nga, a fâ lo si azo ti peko ti lo akangbi kirikiri.

Rome 13:7

Ala futa na zo oko oko ye so alingbi ala futa na lo: ala futa lapo na azo ti rongo nginza ti lapo, ala futa nga lapo ti ndö ti aye nde nde na azo so alingbi ala futa ni na ala. Ala kpe mbeto ti zo so alingbi ala kpe mbeto ti lo, ala ne zo so alingbi ala ne lo.

Ndia ti fani use ni 17:15

Tongana ala mu mbeni gbia ti duti na li ti ala, fade ala yeke mu gi gbia so *KOTA GBIA Nzapa ti ala wani ayeke soro lo. Gbia ni ayeke duti mbeni wande pepe, me mbeni zo ti Israel so ayeke ita ti ala.