Nzoni Tënë so Luc asu na mbeti 2:7 - Mbeti ti Nzapa - Tënë so amu fini

⁷ Lo du kozo molenge ti lo ti koli. Lo kanga lo na bongo si lo zia lo na ya ti mbeni sanduku so anyama ayeke te ka kobe daa, ngbanga ti so ala wara ndo ti lango daa pepe na ya ti da ti agene.

Nzoni Tënë so Luc asu na mbeti 2:7 ပူးပေါင်းရင်းမြစ်များ

Tongo nda ti aye 42:27

So ala si na ndo so azo ti lege ayeke lango daa, mbeni oko na popo ti ala azi yanga ti sake ti lo titene lo mu kobe na lele ti lo. Lo baa so nginza ti lo laa a kanga ni gi na yanga ti sake ni.

Tongo nda ti aye 43:21

Me na kiringo ti e, so e si na ndo so azo ti lege ayeke lango daa, e zi ya ti asake ti e si e baa so nginza ti zo oko oko ayeke na yanga ti sake ti lo. Nginza ni kue angba; ni laa e kiri na ni so.

Abia (Psaumes) 22:6

Ala dekongo na mo si mo zi ala na ya ti pasi; ala zia be ti ala na ndö ti mo si kamene agbu le ti ala pepe.

Sigingo 4:24

So lo yeke na lege ti guengo ni, na bi, na ndo so lo luti daa ti wu tere ti lo, KOTA GBIA aga nduru na lo si agi lege ti fâ lo.

Ésaïe 7:14

Tongaso, fade KOTA GBIA wani ayeke fa na ala mbeni ye: maseka-wali ayeke mu ngo, lo yeke du molenge-koli, lo yeke di iri ti lo Emmanuel.

Matthieu 1:25

Me Joseph na Marie aduti koli na wali pepe ngbii asi na ngoi so Marie adu molenge ti lo. Joseph adi iri ti lo Jésus.

Matthieu 13:55

Molenge ti sarapande so laa pepe? Marie laa ayeke mama ti lo pepe? Jacques, Joseph, Simon na Jude ayeke a-ita ti lo ti koli pepe?

Matthieu 8:20

Jésus atene na lo: “Anyama ti gbungo kondo ayeke na du so ala yeke lango na ya ni, andeke ti nduzu ayeke na da ti lango ti ala; me *Molenge ti Zo ayeke na mbeni ndo ti ziango li ti lo daa pepe.”

Nzoni Tënë so Luc asu na mbeti 10:34

Lo ga nduru na tere ti lo, lo tuku mafuta na vin na le ti aka ni si lo kanga ni. Lo mu lo, lo zia lo na ndö ti lele ti lo wani, lo gue na lo na ya ti mbeni da so azo ayeke futa ti lango daa si lo bata lo nzoni.

Nzoni Tënë so Luc asu na mbeti 2:6

So ala yeke na Betlehem, lango titene Marie adu alingbi.

Nzoni Tënë so Luc asu na mbeti 2:8

Ambeni wabatango-taba ayeke lani kâ; ala yeke lango na ya ti ngonda ti bata ataba ti ala na bi.

Jean 1:14

Tënë ni aga zo si lo duti na popo ti e, nzoni be na taa-tënë ti lo ahon ndoni. E baa gonda ti lo, gonda so Babâ amu na oko Molenge ti lo.

2 Korente 8:9

Biani, ala hinga nzoni be ti Kota Gbia ti e Jésus Christ: lo yeke lani zo ti mosoro, me lo yeda ti ga zo ti mawa ndali ti ala titene na lege ti mawa ti lo, ala ga azo ti mosoro.

Galasii 4:4

Me so ndembe ni alingbi na le ti Nzapa awe, lo tokua Molenge ti lo; wali laa adu lo, lo duti na gbe ti *Ndia ti azuife