Nzoni Tënë so Luc asu na mbeti 2:41 - Mbeti ti Nzapa - Tënë so amu fini

⁴¹ Na ya ti ngu oko oko, babâ na mama ti Jésus ayeke gue na Jérusalem ndali ti *matanga ti Pake.

Nzoni Tënë so Luc asu na mbeti 2:41 ပူးပေါင်းရင်းမြစ်များ

Sigingo 12:11

Lege so ala yeke te na nyama ni ayeke so: ala kanga kamba na ndö ti bongo ti ala, ala yu poro na gere ti ala, ala gbu keke na maboko ti ala. Ala te ni na loro. So ayeke *matanga ti Pake so ala yeke sara ndali ti mbi, KOTA GBIA laa.

Sigingo 12:14

“Fade lango ni so ayeke duti lango ti dango be. Ala yeke sara kota matanga ndali ti mbi, KOTA GBIA: matanga ni ayeke duti mbeni ndia so ayeke ngba ngu na ngu ndali ti *ahale ti ala ti angoi kue.”

Sigingo 34:23

“Na ya ti ngu oko oko, fade akoli kue ti mara ti ala ayeke ga fani ota na dawa ti mbi Kota Gbia, NZAPA ti Israel.

Awayango-sandaga 23:5

“Na lango baleoko na osio ti kozo nze ni, na lakui, fade ala yeke sara *matanga ti Pake ndali ti mbi KOTA GBIA.

Wungo ti azo 28:16

“Na lango baleoko na osio ti kozo nze ni, fade ala yeke sara *matanga ti Pake ndali ti *KOTA GBIA.

Nzoni Tënë so Luc asu na mbeti 2:42

So ngu ti Jésus alingbi baleoko na use awe, lo na ala ague na matanga ni tongana ti so ala yeke sara lakue.

Jean 11:55

Andaa matanga ti azuife so ayeke *Pake aga nduru awe. Azo mingi alondo na akete kodro, ague na Jérusalem ti *sukula sioni ti ala kozoni si ala sara matanga ni.

Jean 13:1

Angba lango oko titene *matanga ti Pake asi. Jésus ahinga so ngbonga ti lo ti zia dunia so ti kiri na Babâ alingbi awe. Azo ti lo so ayeke na dunia so, lo ye ala lakue, lo ye ala ngbii asi na ndani.

Jean 2:13

Matanga ti azuife so iri ni *Pake aga nduru awe, tongaso Jésus ague na Jérusalem.

Jean 6:4

Andaa *Pake, so ayeke matanga ti azuife, aga nduru awe.

Ndia ti fani use ni 12:11

Tongaso, na ndo so KOTA GBIA Nzapa ti ala asoro titene iri ti lo aduti daa si azo ayeke gue ti voro lo daa laa ala yeke ga na lo aye so mbi mu yanga daa na ala: asandaga ti ala so a yeke gbi ni kue na wâ, asandaga ti ala ti beoko, adime ti ala, amatabisi ti ala na aye so kue ala deba yanga ti ala ti mungo ni na KOTA GBIA.

Ndia ti fani use ni 12:18

Fade ala yeke te aye ni so gi na dawa ti KOTA GBIA Nzapa ti ala, na ndo so lo yeke soro ni ande. Ala, na amolenge ti ala ti koli na ti wali, na azo ti kua ti ala ti koli na ti wali, na azo ti mara ti Lévi so ayeke duti na ya ti agbata ti ala ayeke te ni. Kâ, na dawa ti KOTA GBIA Nzapa ti ala, fade be ti ala ayeke si singo na ngia ndali ti anzoni ye so ala wara na lege ti akua so kue ala sara.

Ndia ti fani use ni 16:16

Lakue na ya ti ngu oko oko, alingbi akoli ti amara ti ala ague fani ota ti luti na le ti KOTA GBIA Nzapa ti ala, na ndo so lo yeke soro ni: na matanga ti Mapa so a sara na mama ni pepe, na matanga ti *Pantekote nga na matanga ti Akpangba. Fade ala yeke gue ti luti na le ti KOTA GBIA, maboko ti ala senge pepe.

1 Samuel 1:21

Na pekoni, Elkana na asewa ti lo kue akiri ague na gbata ti Silo ti mu *sandaga na KOTA GBIA tongana ti so ala yeke mu ka na lo na ya ti ngu oko oko. Elkana ague kâ ti sara nga ye alingbi na tënë ti mbeni zendo so lo mu na KOTA GBIA.

1 Samuel 1:3

Na ya ti ngu oko oko, Elkana ayeke londo na kodro ti lo ti gue na gbata ti Silo ti voro *KOTA GBIA so ayeke na ndö ti dunia kue, ti mu nga *sandaga na lo. Kâ, ambeni wayango-sandaga ti KOTA GBIA ayeke daa. Iri ti mbeni Hofni si iri ti mbeni Pinas; ala yeke amolenge ti Heli.