Nzoni Tënë so Luc asu na mbeti 2:37 - Mbeti ti Nzapa - Tënë so amu fini

³⁷ Na pekoni, lo ga wali-mua; lo yeke na ngu balemiombe na osio, lo ngba gi na ya ti kota da ti Nzapa; bi na lâ, lo yeke sara kua ti Nzapa, lo yeke ke kobe si lo yeke sambela.

Nzoni Tënë so Luc asu na mbeti 2:37 ပူးပေါင်းရင်းမြစ်များ

Abia (Psaumes) 22:2

Nzapa ti mbi, Nzapa ti mbi, mo zia mbi ngbanga ti nyen? Mbi toto na mo gbaa, mo ga ti soo mbi pepe, mo ngba yongoro na mbi ngbanga ti nyen?

Abia (Psaumes) 23:6

Biani, na lango ti fini ti mbi kue, nzoni ye na nzoni be ti mo ayeke na mbi na ndo kue so mbi yeke gue daa. Fade mbi yeke kiri na ya ti kota da ti mo; KOTA GBIA, mbi yeke kiri kâ lakue lakue.

Abia (Psaumes) 27:4

Mbi hunda gi ye oko na KOTA GBIA, ye so be ti mbi aye mingi ayeke so: mbi ye ti duti na ya ti kota da ti lo, mbi ye ti duti kâ na lango ti fini ti mbi kue ti ngba ti baa pendere ti lo lakue. Kâ, mbi yeke ku titene lo kiri tënë na mbi.

Abia (Psaumes) 84:10

O Nzapa, baa gbia so ayeke *vala ti e, baa na nzoni le zo ti mo so mo zia lo gbia so.

Abia (Psaumes) 84:4

Ataa kete ndeke awara da ti lango ti lo, ataa hirondele awara da ti zia amolenge ti lo daa, na tere ti gbalaka ti mo, KOTA GBIA so mo yeke na ndö ti dunia kue, gbia ti mbi na Nzapa ti mbi.

Abia (Psaumes) 92:13

Zo ti mbirimbiri ayeke kono tongana keke ti mburu, lo yeke ga kota tongana keke ti sedre ti Liban.

Sigingo 38:8

Na pekoni, lo mu bengba wen, lo sara na mbeni kota sembe; lo sara nga gere ni na bengba wen. Lo mu tatara ti awali so ayeke sara kua na yanga ti da ti bongo so Nzapa na azo ti lo ayeke wara tere daa si lo sara na kota sembe ni.

Nzoni Tënë so Luc asu na mbeti 5:33

*Afarizien atene na Jésus: “Adisiple ti Jean na adisiple ti e ayeke ke kobe lege mingi si ala yeke sambela, me adisiple ti mo ayeke te ye si ayeke nyon ye.”

Awatokua 13:3

Na peko ti so ala ke kobe si ala sambela awe, ala zia maboko na ndö ti azo use so si ala mu na ala lege ti gue.

Awatokua 14:23

Paul na Barnabas asoro *akangba si azia ala na li ti *a-Eglize ni oko oko kue. Na peko ti so ala ke kobe si ala sambela, ala zia akangba ni na maboko ti *Kota Gbia, lo so ala ma na be na lo.

Awatokua 26:7

Amara baleoko na use ti e azia be ti ala ti ku ti baa ye so Nzapa amu zendo ni, nilaa ala yeke sara kua ti Nzapa bi na lâ, ala woko na kua ni pepe. Mbi nga, gbia, mbi yeke ku ti baa ye ni so. Ye so azuife aga na mbi na gbe ti azo ti fango ngbanga ndali ni laa!

1 Timothée 5:5

Ti taa wali-mua so lo yeke duti gi lo oko, lo zia be ti lo ti ku Nzapa; lo sambela lakue bi na lâ titene Nzapa amu maboko na lo.

Aye so Nzapa afa 3:12

“Zo so aso benda, fade mbi yeke sara titene lo ga tongana ngbongboro têne ti gbungo-li ti da, na ya ti kota da ti Nzapa ti mbi; lo yeke sigigi na ya ti da ni oko pepe. Mbi yeke su iri ti Nzapa ti mbi na iri ti gbata ti Nzapa ti mbi so ayeke fini Jérusalem na tere ti zo ni, gbata so ayeke londo na tere ti Nzapa ti mbi na yayu si ayeke zu na sese. Mbi yeke su nga fini iri ti mbi na tere ti zo ni.

Aye so Nzapa afa 7:15

Ndani laa ala yeke luti na dawa ti mbata ti Gbia Nzapa si ala yeke voro lo bi na lâ na ya ti kota da ti lo. Lo so lo yeke duti na ndö ti mbata ti gbia so ayeke ngba na tere ti ala ti bata ala.

1 Samuel 2:2

KOTA GBIA oko laa ayeke nde si ayeke nzoni kue, mbeni zo ti bata e tongana lo ayeke daa pepe; lo yeke oko kota têne so e luti na ndö ni ti bata tere ti e; mbeni nzapa nde tongana lo ayeke daa pepe.