Nzoni Tënë so Luc asu na mbeti 2:26 - Mbeti ti Nzapa - Tënë so amu fini

²⁶ Yingo-Vuru atene ando na lo atene, lo yeke kui pepe ngbii lo baa Christ, lo so Kota Gbia ayeke tokua lo so.

Nzoni Tënë so Luc asu na mbeti 2:26 ပူးပေါင်းရင်းမြစ်များ

Abia (Psaumes) 2:2

Agbia ti sese alondo ti tiri bira; amakonzi ti akodro ama tere ti ke *KOTA GBIA, lo na zo ti lo so lo zia lo gbia so.

Abia (Psaumes) 2:6

si lo tene: “Mbi wani laa mbi zia gbia ti mbi na ndö ti hoto ti *Sion, hoto ti mbi so ayeke nde si ayeke nzoni kue.”

Abia (Psaumes) 25:14

KOTA GBIA ayeke fa tënë ti be ti lo na azo so ayeke kpe mbeto ti lo; lo yeke fa nga na ala tënë ti mbuki ti lo.

Ésaïe 61:1

Yingo ti Kota Gbia NZAPA ayeke na ndö ti mbi. Biani, *KOTA GBIA atuku mafuta na li ti mbi, lo tokua mbi ti fa nzoni tënë na awayere, ti kanga ka ti be ti azo so be ti ala afâ, ti tene na azo so a gbu ala na ngbaa atene, a zi ala awe, ti tene na azo ti kanga atene, ala yeke sigigi na ya ti kanga!

Amos 3:7

Biani, kozo titene Kota Gbia NZAPA asara mbeni ye, lo yeke fa tënë ti be ti lo na azo ti kua ti lo, awayanga-Nzapa.

Matthieu 2:12

Na pekoni, Nzapa atene tënë na ala na ya ti bango-li titene ala kiri na ndo ti Herode pepe. Tongaso, ala mu mbeni lege nde, ala kiri na kodro ti ala.

Nzoni Tënë so Luc asu na mbeti 2:29

“Kota Gbia, fadeso mo sara ye alingbi na tënë ti yanga ti mo awe: tongaso mo zia lege na zo ti kua ti mo ti gue na siriri.

Nzoni Tënë so Luc asu na mbeti 9:27

Mbi tene na ala taa-tënë: fade ambeni zo na popo ti ala so ayeke ge so ayeke kui pepe ngbii ala baa kodro-gbia ti Nzapa.”

Jean 1:41

Kozo zo so André awara lo ayeke ita ti lo Simon; André atene na lo: “E wara *Mesii awe.” – Nda ti Mesii atene “Christ”. –

Jean 20:31

Me ti ambeni ye ti kpene so a su tënë ni na mbeti so, a su ni titene ala ma na be so, Jésus ayeke *Mesii, Molenge ti Nzapa. Tongana ala ma na be, fade ala yeke duti na fini na lege ti lo.

Jean 4:29

“Ala ga abaa mbeni koli so atene na mbi tënë ti aye so kue mbi sara. Wala Mesii ni laa?”

Jean 8:51

Biani, mbi tene na ala taa-tënë: zo so asara ye alingbi na atënë ti mbi, fade lo yeke kui laoko pepe.”

Awatokua 10:38

Ala hinga tënë ti Jésus, zo ti Nazaret, ala hinga lege so Nzapa asoro lo si lo sara si Yingo-Vuru na ngangu aga na ndö ti lo. Nzapa ayeke na lo, nilaa lo tambula na ndo kue, lo sara aye ti nzoni si lo kai akobela na tere ti azo so kue ayeke na gbe ti Zabolo.

Awatokua 17:3

lo fa nda ni na ala si lo fa nga na azo ni, lo tene: “Alingbi *Mesii abaa pasi, lo zingo na kuâ. Jésus so mbi yeke fa tënë ti lo so, lo laa lo yeke Mesii ni.”

Awatokua 2:36

“Ayeke nzoni azo ti Israel kue ahinga tënë so mbirimbiri: Jésus so ala fâ lo na ndö ti keke ti kroa so, Nzapa asara si lo ga Kota Gbia na Mesii!”

Awatokua 9:20

Gi hio na pekoni, lo gue na ya ti ada ti sambelango Nzapa si lo to nda ti fa tënë atene, Jésus ayeke Molenge ti Nzapa.

Ahebro 11:5

Na lege ti mabe, a mu Henok na yayu titene lo kui pepe. Mbeni zo akiri abaa lo pepe, ngbanga ti so Nzapa amu lo awe. Mbeti ti Nzapa atene: kozo titene Nzapa amu lo, Henok aga nzoni na le ti lo.