Nzoni Tënë so Luc asu na mbeti 2:25 - Mbeti ti Nzapa - Tënë so amu fini

²⁵ Mbeni koli ayeke na Jérusalem, iri ti lo ayeke Siméon; lo yeke zo ti mbirimbiri, lo mu be ti lo kue na Nzapa, lo yeke ku zo so ayeke ga ande ti soo azo ti Israel. Yingo-Vuru ayeke na Siméon.

Nzoni Tënë so Luc asu na mbeti 2:25 ပူးပေါင်းရင်းမြစ်များ

Tongo nda ti aye 6:9

Tënë ti sewa ti Noe ayeke tongaso: Na popo ti azo ti ngoi ti Noe, lo yeke mbeni zo ti mbirimbiri, tënë ayeke na li ti lo pepe, lo tambula na Nzapa.

Mbeti ti Job 1:1

Ando, na kodro ti Us, mbeni koli ayeke daa, iri ti lo Job. Koli so ayeke sara ye na legeni, mbeni tënë ayeke na li ti lo pepe. Lo yeke kpe mbeto ti Nzapa si lo yeke kpe lege ti sarango sioni.

Mbeti ti Job 1:8

KOTA GBIA atene na lo: “Mo baa dutingo ti Job, zo ti kua ti mbi awe? Na ndö ti sese so, mbeni zo ti lingbi na lo ayeke daa pepe. Lo yeke mbeni koli so tënë ayeke na li ti lo pepe, lo yeke sara ye na legeni; lo yeke kpe mbeto ti Nzapa si lo yeke kpe lege ti sarango sioni.”

Ésaïe 25:9

Na lango ni so, fade azo ayeke tene: “*KOTA GBIA laa ayeke Nzapa ti e. E zia be ti e lani ti ku lo si lo soo e. KOTA GBIA laa e zia be ti e ti ku lo. Ayeke nzoni e duti na ngia, e dodo na ngia, ndali so lo soo e awe!

Ésaïe 40:1

Nzapa ti ala atene: Ala de be ti azo ti mbi, ala de be ti azo ni.

Mishe 6:8

Mo zo, a fa na mo ye so ayeke nzoni awe. Ye so KOTA GBIA ahunda na mo ayeke gi so: sara ye so ayeke mbirimbiri, ye tënë ti sarango ye ti nzoni be, tambula na Nzapa ti mo na lege ti sarango tere ti mo kete.

Wungo ti azo 11:25

KOTA GBIA azu na ya ti ngbongboro mbinda si lo tene tënë na Moïse. Lo zi mbeni yingo so ayeke na ndö ti Moïse so kete si lo kangbi ni na akangba balembarambara. Gi so yingo ni aduti na ndö ti ala awe, ala to nda ti tene tënë tongana awayanga-Nzapa, me na pekoni, ala ngba ti sara ni pepe.

Wungo ti azo 11:29

Moïse akiri tënë na lo: “Mo sara mbanda ndali ti mbi? Tongana KOTA GBIA akangbi yingo ti lo na azo ti Israel kue titene ala ga awayanga-Nzapa, ka ayeke nzoni mingi!”

Marc 15:43

Joseph, zo ti gbata ti Arimate asi; lo yeke mbeni kota zo ti kota ndo ti fango ngbanga. Lo nga lo yeke ku gango ti *Kodro-gbia ti Nzapa. Lo kanga be ti lo, lo gue, lo baa Pilate si lo hunda ti mu kuâ ti Jésus.

Nzoni Tënë so Luc asu na mbeti 1:41

So Élisabeth ama barango ndo ti Marie, molenge so ayeke na ya ti lo ado tere ti lo si Yingo-Vuru asi Élisabeth.

Nzoni Tënë so Luc asu na mbeti 1:6

Ala use kue ayeke ambirimbiri zo na le ti Nzapa; ala yeke sara ye gi na lege ti andia nga na lege ti ambela kue ti *Kota Gbia.

Nzoni Tënë so Luc asu na mbeti 1:67

Yingo-Vuru asi Zakarii, babâ ti Jean si lo tene peko ti tënë ti yanga ti Nzapa, lo tene:

Nzoni Tënë so Luc asu na mbeti 2:38

Gi na ndembe ni so, lo ga lo mu singila na Nzapa si lo tene tënë ti molenge ni na azo so kue ayeke ku lango so fade Nzapa ayeke zi Jérusalem na gbe ti ngbaa.

Nzoni Tënë so Luc asu na mbeti 23:51

Ye so amba ti lo aleke na be ti ala ti sarango ni so, lo yeda na ni pepe; lo ke tënë ti ye so ala sara so. Lo yeke zo ti Arimate, mbeni gbata ti azuife si lo yeke ku ngoi so Nzapa ayeke ga ti le-gbia na ndö ti azo.

Awatokua 10:2

Lo gbu tënë ti Nzapa mingi si lo yeke kpe mbeto ti Nzapa, lo na asewa ti lo kue. Lo yeke mu aye mingi na azo ti mawa so ayeke na popo ti azuife si lo yeke sambela Nzapa lakue.

Awatokua 10:22

Azo ni akiri tënë, atene: “Kapita Corneille laa atokua e. Lo yeke zo ti mbirimbiri, lo yeke kpe mbeto ti Nzapa si azuife kue ayeke tene nzoni tënë ti lo. Mbeni ange ti Nzapa ahunda na lo ti iri mo ti ga na da ti lo titene lo ma tënë so mo yeke tene na lo.”

Awatokua 2:5

Andaa ambeni zuife so aye tënë ti Nzapa mingi ayeke na Jérusalem. Ala londo na akodro nde nde ti dunia mobimba si ala ga.

Awatokua 24:16

Ndani laa, mbi nga, mbi yeke sara ngangu lakue titene mbeni sioni ye aduti na be ti mbi na le ti Nzapa pepe nga na le ti azo pepe.

Ndia ti fani use ni 18:15

Fade KOTA GBIA Nzapa ti ala ayeke sara titene mbeni wayanga-Nzapa tongana mbi, abaa gigi na popo ti ala; lo yeke duti mbeni ita ti ala. Fade ala yeke ma yanga ti lo!

2 Pierre 1:21

Biani, zo alondo na be ti lo wani ti tene peko ti tënë ti yanga ti Nzapa pepe, me Yingo-Vuru laa ayeke fa lege na azo titene ala tene tënë na iri ti Nzapa.