Nzoni Tënë so Luc asu na mbeti 2:13 - Mbeti ti Nzapa - Tënë so amu fini

¹³ Mo ye ti baa, a-ange mingi mingi ti yayu aga na tere ti kozo ange ni si ala bongbi, ahe bia ti gonda Nzapa, ala tene:

Nzoni Tënë so Luc asu na mbeti 2:13 ပူးပေါင်းရင်းမြစ်များ

Tongo nda ti aye 28:12

Lo baa li ti lo: lo baa mbeni eskalie so ague ngbii akpo le ti nduzu. *A-ange ti Nzapa ayeke tambula na ndö ni ti gue na nduzu wala ti zu na sese.

1 Agbia 22:19

Mishe atene: “Mo ma tënë so KOTA GBIA atene! Mbi baa KOTA GBIA aduti na ndö ti mbata ti lo ti gbia; ala so kue ayeke na yayu aluti na tere ti lo, ambeni na mbage ti maboko ti lo ti koli, ambeni na mbage ti maboko ti lo ti wali.

Mbeti ti Job 38:7

na ngoi so atongoro ti ndaperere abongbi yanga oko si ayeke he bia, na ngoi so ala so alango na yayu ayeke dekongo na ngia? Mo hinga ni?

Abia (Psaumes) 148:2

Ala *a-ange ti lo kue, ala sepela lo! Ala aturugu ti lo kue so ayeke na yayu, ala sepela lo!

Abia (Psaumes) 68:17

Ngbanga ti nyen si mo hoto so li ti mo ayeke mingi mingi so, mo zia be na hoto so Nzapa asoro titene lo duti na ndö ni so? Biani, fade KOTA GBIA ayeke duti na ndö ni kpu na kpu.

Ezekiel 3:12

Tongaso yingo ti Nzapa ayo mbi na nduzu si mbi ma na mbage ti peko ti mbi toto ti mbeni ye tongana gba ti azo so ayeke dekongo, atene: “E sepela KOTA GBIA ndali ti gonda ti lo so lo fa na ndo so lo yeke daa!”

Daniel 7:10

Mbeni wâ asigigi na dawa ti mbakoro ni si ayeke sua tongana ngu. Azo saki saki ayeke sara na lo si ambeni kutu mingi aluti na dawa ti lo. Awafango-ngbanga aduti si ala zi abuku.

Nzoni Tënë so Luc asu na mbeti 15:10

Ndani laa mbi tene na ala: ngia ayeke na popo ti *a-ange ti Nzapa, ndali ti zo ti siokpari oko so azia ngbene lege ti sarango ye ti lo.”

Nzoni Tënë so Luc asu na mbeti 2:12

Ye so ala yeke hinga lo na ni ayeke so: fade ala yeke wara fini molenge so a du lo, a kanga lo na bongo si a zia lo na ya ti mbeni sanduku so anyama ayeke te ka kobe daa.”

Nzoni Tënë so Luc asu na mbeti 2:14

“E gonda Nzapa so ayeke na yayu kâ na ndö ti aye kue, siriri na ndö ti sese na popo ti azo so lo ye ala!”

Efeze 3:10

Me fadeso, lo fa ye ni na lege ti *Eglize titene ayingo so ayeke na nduzu si ayeke na komandema ahinga atënë ti ndara nde nde kue ti Nzapa.

1 Timothée 3:16

Biani, tënë ti mabe so a sigigi na nda ni awe ayeke kota tënë mingi, tënë ni ayeke so: Christ amu tere ti zo si lo fa tere ti lo na azo, Yingo-Vuru afa atene, lo yeke zo ti mbirimbiri, *a-ange abaa lo. A fa tënë ti lo na azo ti amara nde, azo ti dunia ama na be na lo si lo gue na yayu na ya ti gonda.

Ahebro 1:14

A-ange ayeke gi ayingo so ayeke sara kua na Nzapa: lo yeke tokua ala titene ala sara nzoni na azo so lo ye ti soo ala.

1 Pierre 1:12

Nzapa afa na ala atene, tënë ni ayeke ndali ti ala wani pepe, me ayeke ndali ti ala, a-ita. Tënë ni laa azo ti fango Nzoni Tënë ayeke fa ni na ala, na lege ti Yingo-Vuru so alondo na yayu si aga. Tënë ni, *a-ange wani ayeke na nzara ti hinga ni.

Aye so Nzapa afa 5:11

Mbi kiri mbi baa ndo, mbi ma go ti a-ange kutu kutu, gbani gbani, saki saki, gbani gbani. Ala ngoro tere ti mbata ti gbia na aye osio so ayeke na fini na akangba ni kue.