Nzoni Tënë so Luc asu na mbeti 2:12 - Mbeti ti Nzapa - Tënë so amu fini

¹² Ye so ala yeke hinga lo na ni ayeke so: fade ala yeke wara fini molenge so a du lo, a kanga lo na bongo si a zia lo na ya ti mbeni sanduku so anyama ayeke te ka kobe daa.”

Nzoni Tënë so Luc asu na mbeti 2:12 ပူးပေါင်းရင်းမြစ်များ

2 Agbia 19:29

“Ti mo Ezekias, ye so ayeke fa na mo ye so ayeke si ande ayeke so: na ngu so, azo ayeke te le ti kobe so asigigi na be ti lo wani. Na ngu ti peko, ala yeke te gi mara ni. Me na ota ngu ni, fade ala yeke lu ale ti kobe, ala yeke fâ ale ti kobe ni, ala yeke lu yaka ti *vinye si ala yeke te alengo ni.

2 Agbia 20:8

Ezekias ahunda Ésaïe, atene: “Nyen laa ayeke fa na mbi atene, KOTA GBIA ayeke kai kobela ti mbi si na peko ti lango ota, mbi yeke kiri ti gue na ya ti kota da ti KOTA GBIA?”

Abia (Psaumes) 22:6

Ala dekongo na mo si mo zi ala na ya ti pasi; ala zia be ti ala na ndö ti mo si kamene agbu le ti ala pepe.

Sigingo 3:12

Nzapa atene na lo: “Fade mbi yeke na mo. Ye so ayeke fa atene mbi laa mbi tokua mo ayeke so: Tongana mo zi azo ti Israel na sese ti Ezipte mo sigigi na ala, fade mo na ala ayeke voro mbi na ndö ti hoto so.”

Ésaïe 7:11

“Mo hunda na KOTA GBIA, Nzapa ti mo mbeni ye so afa atene, ye ni ayeke si biani. Mo hunda titene ye ni alondo yongoro na ndo ti akuâ wala yongoro na nduzu kâ si aga.”

Ésaïe 7:14

Tongaso, fade KOTA GBIA wani ayeke fa na ala mbeni ye: maseka-wali ayeke mu ngo, lo yeke du molenge-koli, lo yeke di iri ti lo Emmanuel.

Nzoni Tënë so Luc asu na mbeti 2:13

Mo ye ti baa, a-ange mingi mingi ti yayu aga na tere ti kozo ange ni si ala bongbi, ahe bia ti gonda Nzapa, ala tene:

Nzoni Tënë so Luc asu na mbeti 2:7

Lo du kozo molenge ti lo ti koli. Lo kanga lo na bongo si lo zia lo na ya ti mbeni sanduku so anyama ayeke te ka kobe daa, ngbanga ti so ala wara ndo ti lango daa pepe na ya ti da ti agene.

1 Samuel 2:34

“Ye so ayeke fa na mo atene, tënë so mbi tene na mo ayeke taa-tënë ayeke so: Hofni na Pinas, amolenge ti mo use kue ayeke kui gi na ya ti lango oko.