Nzoni Tënë so Luc asu na mbeti 19:42 - Mbeti ti Nzapa - Tënë so amu fini

⁴² Lo tene: “Âa! Tongana mo nga, mo hinga fade ye so alingbi ti mu na mo siriri! Me mawa ni ayeke so ye ni angba na hondengo ni si le ti mo abaa ni pepe!

Nzoni Tënë so Luc asu na mbeti 19:42 ပူးပေါင်းရင်းမြစ်များ

Abia (Psaumes) 32:6

Nilaa zo so kue ayeke zo ti mo, alingbi lo sambela mo na lango so lo hinga sioni ti lo. Ataa akpale aga tongana ngu so asuku amu ndo kue, fade akpale ni ayeke si na lo pepe.

Abia (Psaumes) 81:13

Tongaso, mbi zia ala ti ngba na kpengbango be ti ala, ala sara ye so ala leke na be ti ala ti sarango ni!

Ésaïe 44:18

Azo ni so ahinga ye oko pepe, ala hinga ndo oko pepe. Biani, le ti ala na gbungo-li ti ala akanga awe, ala lingbi ti baa ndo pepe, ala lingbi ti hinga nda ti ye pepe.

Ésaïe 48:18

Yanga so mbi mu lani, tongana mo ma fade ni, ka siriri ti mo ayeke ga tongana *bale, ka mbirimbiri ti mo ayeke ga tongana *amapo ti kota ngu-ingo!

Ésaïe 55:6

Ala gi *KOTA GBIA na ndembe so ala lingbi ti wara lo. Ala iri lo na ndembe so lo yeke nduru na ala.

Jérémie 13:17

Tongana ala ma tënë so pepe, mbi yeke toto na hondengo ni ndali ti baba ti ala so ahon ndö ni so. Ngu ti le ti mbi ayeke sua gbani gbani, ngbanga ti so a yeke gue na ataba ti KOTA GBIA na kodro wande.

Ezekiel 33:11

Tene na ala, mo tene: Fini ti mbi! So tënë ti yanga ti Kota Gbia NZAPA laa. Mbi yeke wara ngia ndali ti kuâ ti zo ti sioni? Ye so anzere na be ti mbi ayeke titene zo ti sioni azia sioni lege ti sarango ye ti lo si lo duti na fini. Ala azo ti Israel, ala zia sioni lege ti sarango ye ti ala, ala zia ni! Ala ye ti kui ngbanga ti nyen?

Nzoni Tënë so Luc asu na mbeti 19:41

Jésus asi nduru na Jérusalem, lo baa gbata ni si lo toto ndali ni.

Nzoni Tënë so Luc asu na mbeti 19:43

Biani, ambeni lango ayeke ga so awato ti mo ayeke bongbi sese aga koto, angoro mo kue. Ala yeke ngoro mo si ala yeke pete mo mbage na mbage kue.

Nzoni Tënë so Luc asu na mbeti 19:44

Awato ti mo ni ayeke nika mo na azo ti mo kue; mbeni têne oko ayeke ngba na ndö ti mba ti lo pepe, ngbanga ti so lango so Nzapa aga ti baa mo asi awe, me mo hinga ni pepe!”

Awatokua 10:36

Nzapa atokua tënë ti lo na azo ti Israel: tënë ni ayeke Nzoni Tënë so amu siriri na zo na lege ti Jésus Christ, lo so lo yeke *Kota Gbia ti azo kue.

Awatokua 13:46

Tongaso Paul na Barnabas akiri atene na ala polele, atene: “Ala fade laa, e lingbi ti fa tënë ti Nzapa na ala kozoni. Me ndali ti so ala ke ni awe si ala wani abaa tere ti ala atene, fini so angba lakue lakue, ala lingbi na ni pepe, e yeke zia ala ti gue na mbage ti azo ti amara nde.

Ndia ti fani use ni 32:29

Tongana ala yeke fade azo ti ndara, ka ala hinga nda ti ye so, ka ala ku ti baa ye so ayeke si na ala gbanda.

Ndia ti fani use ni 5:29

Tongana ala leke fade be ti ala biani ti kpe mbeto ti mbi tongaso lakue si ala sara ye alingbi na atënë ti yanga ti mbi, ka ayeke nzoni mingi! Ka ala, na *ahale ti ala ayeke duti nzoni kpu na kpu!

Ahebro 3:13

Me so ngoi so Mbeti ti Nzapa airi ni “laso” angba, ala mu wango na popo ti ala lakue si siokpari ahanda mbeni zo pepe, tongaso si lo ga zo ti ngangu li pepe.

Ahebro 3:15

Mbeti ti Nzapa atene: “Laso, tongana ala ma go ti Nzapa, ala kpengba be ti ala pepe tongana ti so akotara ti ala asara ngangu li.”

Ahebro 3:7

Ndani laa, tongana ti so Yingo-Vuru atene: “Laso, tongana ala ma go ti Nzapa,