Nzoni Tënë so Luc asu na mbeti 19:29 - Mbeti ti Nzapa - Tënë so amu fini

²⁹ So lo ga nduru na Betfaze na Betanii, na tere ti hoto ti a-olive, lo iri adisiple use si lo tene na ala:

Nzoni Tënë so Luc asu na mbeti 19:29 ပူးပေါင်းရင်းမြစ်များ

Zakarii 14:4

Na lango ni so, lo yeke zia gere ti lo na ndö ti hoto ti a-olive so abaa ndo le na le na Jérusalem, na mbage ti To ti gbata ni. Fade ya ti hoto ni ayeke suru use, mbeni popo-hoto ayeke sigigi daa, ti londo na To ngbii asi na Do. Mbeni mbage ti hoto ni ayeke hon na mbage ti Banga si mbeni mbage ni ayeke hon na mbage ti Mbongo.

Matthieu 21:17

Na pekoni, Jésus azia ala na ndo so, lo sigigi na ya ti gbata ni, lo gue na Betanii, lo lango kâ.

Nzoni Tënë so Luc asu na mbeti 19:30

“Ala gue na kete kodro so ayeke na dawa ti ala so. Na lingo ti ala na ya ti kodro ni, fade ala yeke wara mbeni molenge ti lele so a kanga lo na tere ti mbeni ye, mbeni zo ade ti duti na ndö ti lo pepe. Ala zi lo, aga na lo.

Nzoni Tënë so Luc asu na mbeti 19:37

So ala ga nduru na Jérusalem, na lege so alondo na ndö ti hoto ti a-olive ni ti zu, adisiple gbani gbani ayeke dekongo ti sepela Nzapa na ngia na be ti ala, ndali ti aye ti kpene so ala baa ni so.

Nzoni Tënë so Luc asu na mbeti 21:37

Na kota lâ, Jésus ayeke fa ye na azo na ya ti kota da ti Nzapa; me na lakui, lo yeke gue ti lango na ndö ti hoto so a iri ni hoto ti a-olive.

Nzoni Tënë so Luc asu na mbeti 22:39

Jésus asigigi si lo gue na hoto ti a-olive tongana ti so lo yeke sara lakue; adisiple ti lo amu peko ti lo.

Nzoni Tënë so Luc asu na mbeti 24:50

Na pekoni, Jésus amu ala, ague na ala nduru na Betanii, lo yo maboko ti lo na nduzu si lo sara tufa na ndö ti ala.

Awatokua 1:12

Tongaso, *awatokua alondo na ndö ti hoto so a iri ni hoto ti a-olive si ala kiri na Jérusalem; hoto ni ayo nduru na kilometere oko na gbata ni.