Nzoni Tënë so Luc asu na mbeti 19:27 - Mbeti ti Nzapa - Tënë so amu fini

²⁷ Âdu ti awato ti mbi so aye titene mbi le-gbia na ndö ti ala pepe so, ala mu ala, aga na ala na ndo so si ala fâ go ti ala na le ti mbi.’ ”

Nzoni Tënë so Luc asu na mbeti 19:27 ပူးပေါင်းရင်းမြစ်များ

2 Samuel 23:7

Zo so aye ti gbu ni, ayeke nzoni lo mu wen wala keke ti likongo, lo gbu na ni. A yeke gbi ni gi na ndo ni so.

Abia (Psaumes) 109:20

Andaa aye so kue so, KOTA GBIA ayeke kiri na ni na li ti azo ti bingo tënë na li ti mbi nga na ala so ayeke tene sioni tënë ti mbi.

Abia (Psaumes) 2:9

Fade mo yeke sara ngangu komandema na ndö ti ala, mo yeke kungbi ala tongana ta ti sese.’ ”

Ésaïe 66:14

Tongana ala baa ande ye ni, fade be ti ala ayeke duti na ngia, tere ti ala ayeke kiri ti wara ngangu tongana fini pere na peko ti ngu-Nzapa.” Fade KOTA GBIA ayeke sara ye na ngangu ndali ti azo ti kua ti lo, me lo yeke fa ngonzo ti lo na awato ti lo.

Ésaïe 66:6

Mbeni wuluwulu alondo na gbata, mbeni go alondo na ya ti kota da ti Nzapa: so go ti KOTA GBIA laa. Lo yeke kiri na awato ti lo peko ti sarango ye ti ala.

Nahum 1:2

*KOTA GBIA ayeke Nzapa so ayeke sara mbanda, lo yeke kiri peko ti sioni na azo so asara sioni na lo. KOTA GBIA ayeke kiri peko ti sioni na azo so ake lo; ngonzo ti lo ayeke sioni mingi. Lo yeke kiri peko ti sioni na awato ti lo, ngonzo ti lo ayeke londo tongana wâ na tere ti ala.

Nahum 1:8

na ndembe so ye ti ngangu ahon ndö ti ala tongana ngu so ayeke sua ngangu. Me lo yeke buba kodro ti awato ti lo si lo yeke tumba ala na ndo so avuko pitipiti.

Matthieu 22:7

Ngonzo agbu gbia ni si lo tokua aturugu ti lo, ala gue, afâ azo ti fango zo so si ala gbi gbata ti ala kue.

Nzoni Tënë so Luc asu na mbeti 19:14

Me amba ti lo azo ti kodro ni aye tënë ti lo pepe. Nilaa ala tokua ambeni zo na peko ti lo titene ala gue, atene: ‘E ye si koli so ale-gbia na ndö ti e pepe.’

Nzoni Tënë so Luc asu na mbeti 20:16

Fade lo yeke ga ti fâ azo ti fango yaka so si lo yeke mu yaka ni na ambeni zo nde.” So azo ni ama tënë so, ala tene: “Ye ni ayeke si oko pepe!”

Nzoni Tënë so Luc asu na mbeti 21:22

Biani, alango ni so ayeke duti alango so Nzapa ayeke kiri na azo peko ti aye ti sioni so kue ala sara si ye so kue Mbeti ti Nzapa atene tënë ni ayeke si alingbi na ni!

Nzoni Tënë so Luc asu na mbeti 21:24

Fade a yeke fâ azo ni na yongoro zeme, a yeke gbu ala ti gue na ala na ya ti akodro kue. Amara kue ayeke buba gbata ti Jérusalem kue ngbii ngoi ti ala ahunzi si.”

Ahebro 10:13

Fadeso, Christ ayeke ku titene Nzapa azia awato ti lo tongana mbata ti gbe ti gere ti lo.

1 Samuel 11:12

Tongaso azo ti Israel atene na Samuel: “Azo wa laa lani ake titene Saul ale-gbia na ndö ti e so? Ala zia azo so na maboko ti e titene e fâ ala!”