Nzoni Tënë so Luc asu na mbeti 19:13 - Mbeti ti Nzapa - Tënë so amu fini

¹³ Kozoni si lo hon, lo iri azo ti kua ti lo baleoko. Lo mu ale ti nginza baleoko so a sara na lôro si lo kangbi ni na ala; lo tene na ala: ‘Ala mu nginza so ade na buze ngbii asi na ngoi so mbi yeke kiri.’

Nzoni Tënë so Luc asu na mbeti 19:13 ပူးပေါင်းရင်းမြစ်များ

Matthieu 25:16

Lo so lo wara ale ti lôro ngbangbo oku so ague hio si lo de buze na ni, lo kiri lo wara ambeni le ti lôro ngbangbo oku na ndö ni.

Matthieu 25:20

Zo ti kua so awara ale ti lôro ngbangbo oku so aga nduru, lo fa ambeni le ti lôro ngbangbo oku so lo wara na ndö ni si lo tene: ‘Kota zo, mo mu na mbi lani ale ti lôro ngbangbo oku. Baa, ambeni le ti lôro ngbangbo oku so mbi wara na ndö ni laa.’

Matthieu 25:22

Zo ti kua so awara ale ti lôro ngbangbo use so aga nduru si lo tene: ‘Kota zo, mo mu na mbi lani ale ti lôro ngbangbo use. Baa, ambeni le ti lôro ngbangbo use so mbi wara na ndö ni laa.’

Matthieu 25:24

Zo ti kua so awara ti lo ale ti lôro ngbangbo oko so aga nduru si lo tene: ‘Kota zo, mbi hinga so mo yeke mbeni koli so mo so mingi, mo yeke ko ale ti kobe na ndo so mo lu ale ti kobe daa pepe, mo yeke bongbi ale ti kobe na ndo so mo tuku ale ti kobe daa pepe.

Nzoni Tënë so Luc asu na mbeti 19:12

Lo tene: “Mbeni zo so asewa ti lo ayeke akota zo ague na mbeni kodro yongoro titene a mu lo ti ga gbia ti kodro ti lo wani si na pekoni, fade lo yeke kiri.

Nzoni Tënë so Luc asu na mbeti 19:14

Me amba ti lo azo ti kodro ni aye tënë ti lo pepe. Nilaa ala tokua ambeni zo na peko ti lo titene ala gue, atene: ‘E ye si koli so ale-gbia na ndö ti e pepe.’

Jean 12:26

Zo so aye ti sara kua na mbi, alingbi lo mu peko ti mbi si ndo so mbi yeke daa, lo nga lo yeke daa. Fade Babâ ti mbi ayeke ne zo so ayeke sara kua na mbi.”

Galasii 1:10

Mbi yeke gi lege fadeso titene azo agonda mbi? Oko pepe, mbi ye titene Nzapa laa agonda mbi. Mbi yeke gi ti ga nzoni na le ti azo? Tongana mbi yeke gi fade titene azo agonda mbi, andaa mbi yeke zo ti kua ti Christ pepe.

Jacques 1:1

Mbi Jacques, zo ti kua ti Nzapa na ti *Kota Gbia Jésus Christ; mbi tokua mbeti so na amara baleoko na use ti azuife so akangbi na ya ti akodro nde nde. Mbi bara ala kue.

2 Pierre 1:1

Mbi Simon Pierre, zo ti kua nga na *watokua ti Jésus Christ, mbi tokua mbeti so na azo so awara gi oko mabe ti kota ngere tongana e. Ala wara ni na lege ti mbirimbiri ti Jésus Christ, lo so lo yeke Nzapa ti e na Wasongo e.