Nzoni Tënë so Luc asu na mbeti 18:8 - Mbeti ti Nzapa - Tënë so amu fini

⁸ Mbi tene na ala: fade lo yeke fâ ya ti ngbanga ti ala hio. Me tongana *Molenge ti Zo aga ande, fade lo yeke wara azo ti mabe na ndö ti sese so?”

Nzoni Tënë so Luc asu na mbeti 18:8 ပူးပေါင်းရင်းမြစ်များ

Abia (Psaumes) 46:5

Me mbeni kota ngu ayeke daa so ayeke sua si ayeke zia ngia na be ti azo ti gbata ti Nzapa, gbata ni ayeke nde si ayeke nzoni kue; gbata ni ayeke ndo so Nzapa aduti daa, Nzapa so ayeke na yayu kâ na ndö ti aye kue.

Amato 20:6

Azo mingi ayeke gonda tere ti ala atene, ani yeke nzoni; me zo wa laa alingbi ti wara zo so lo lingbi ti zia be ti lo na ndö ti lo?

Ésaïe 40:27

Jacob, ngbanga ti nyen si mo tene tënë tongaso? Israel, ngbanga ti nyen si mo tene: “Ye so asi na mbi so, *KOTA GBIA abaa ni pepe. Nzoni fango ngbanga ti mbi, le ti Nzapa ti mbi ati na ndö ni pepe”?

Matthieu 24:24

Biani, fade amesii ti mvene na awayanga-Nzapa ti mvene ayeke ga si ala yeke sara akota ye ti kpene na aye ti dongo be ti handa na azo. Tongana lege ayeke daa, ataa azo so Nzapa asoro ala, ala yeke handa ala.

Matthieu 8:20

Jésus atene na lo: “Anyama ti gbungo kondo ayeke na du so ala yeke lango na ya ni, andeke ti nduzu ayeke na da ti lango ti ala; me *Molenge ti Zo ayeke na mbeni ndo ti ziango li ti lo daa pepe.”

2 Pierre 2:3

Ndali ti nzara ti nginza, azo so ayeke handa ala ti te ala na lege ti atënë ti mvene. Me ti azo ni, aninga mingi so ngbanga ti ala alondo awe, ngbanga so aga nduru ti ti na ndö ti ala: kpale so ayeke mingo ala ade yongoro pepe.