Nzoni Tënë so Luc asu na mbeti 18:20 - Mbeti ti Nzapa - Tënë so amu fini

²⁰ Mo hinga atënë ti ndia so atene: ‘Alingbi mo gi wali wala koli ti zo pepe; alingbi mo fâ zo pepe; alingbi mo nzi pepe; alingbi mo tene mvene na le ti ngbanga pepe; alingbi mo ne babâ ti mo na mama ti mo.’ ”

Nzoni Tënë so Luc asu na mbeti 18:20 ပူးပေါင်းရင်းမြစ်များ

Ésaïe 8:20

fade ala yeke kiri tënë na ala, atene: “E yeke kiri gi na ndö ti wango ti KOTA GBIA na tënë so lo tene.” Zo so atene tënë tongaso pepe, fade lo yeke baa lumiere ti ndaperere pepe.

Nzoni Tënë so Luc asu na mbeti 18:19

Jésus atene na lo: “Ngbanga ti nyen si mo iri mbi zo ti nzoni? Zo ti nzoni ayeke daa pepe, gi Nzapa oko.

Nzoni Tënë so Luc asu na mbeti 18:21

Koli ni akiri tënë, atene: “Mbi to nda ti sara ye so kue gi na ndembe so mbi de molenge.”

Rome 13:9

Biani, atënë ti ndia atene: “Mo gi wali wala koli ti zo pepe, mo fâ zo pepe, mo nzi pepe, mo sara nzara ti ye ti zo pepe.” Andaa atënë ti ndia so na atanga ni kue abongbi oko na ya ti tënë oko so atene: “Mo ye mba ti mo zo tongana ti so mo ye tere ti mo wani.”

Rome 3:20

Ndani laa, tongana zo asara ye kue alingbi na Ndia, so laa ayeke sara si lo ga mbirimbiri na le ti Nzapa pepe. Andaa Ndia ayeke mu gi lege na zo ti hinga so lo sara siokpari awe.

Efeze 6:2

“Alingbi mo ne babâ na mama ti mo”; kozo tënë ti ndia so zendo ayeke daa laa.

Kolose 3:20

Amolenge, ala ma yanga ti ababâ na amama ti ala na ya ti aye kue; ye so anzere na be ti Kota Gbia laa.