Nzoni Tënë so Luc asu na mbeti 18:16 - Mbeti ti Nzapa - Tënë so amu fini

¹⁶ Me Jésus airi akete molenge ni ti ga nduru na tere ti lo si lo tene: “Ala zia akete molenge aga na mbi! Ala kanga lege na ala pepe, ngbanga ti so *Kodro-gbia ti Nzapa ayeke ndali ti azo so ayeke tongana amolenge so.

Nzoni Tënë so Luc asu na mbeti 18:16 ပူးပေါင်းရင်းမြစ်များ

Tongo nda ti aye 21:4

Lo fâ Isaac na *ganza na ndembe so molenge ni asara lango miombe tongana ti so Nzapa amu na lo yanga ti sarango ni.

2 Mbai 20:13

Azo ti Juda kue aluti na dawa ti KOTA GBIA, ala na awali ti ala na amolenge ti ala.

Jérémie 32:39

Fade mbi yeke mu na ala be oko si lege ti sarango ye ti ala ayeke ga oko titene ala kpe mbeto ti mbi lakue. Tongaso si fade ala yeke baa nzoni, ala na amolenge ti peko ti ala.

Matthieu 19:14

Tongaso Jésus atene na ala: “Ala zia akete molenge aga na mbi, ala kanga lege na ala pepe, ngbanga ti so *Kodro-gbia ti yayu ayeke ndali ti azo so ayeke tongana amolenge so.”

Nzoni Tënë so Luc asu na mbeti 18:15

Azo amu nga akete molenge so angba ti nyon me, aga na ala na Jésus titene lo ndu ala. So adisiple abaa tongaso, ala suku ngangu na azo ni.

Nzoni Tënë so Luc asu na mbeti 18:17

Mbi tene na ala taa-tënë: zo so ayamba Kodro-gbia ti Nzapa tongana molenge pepe, lo yeke li ande na ya ni oko pepe.”

Awatokua 2:39

Biani, Nzapa amu zendo ni ndali ti ala, ndali ti amolenge ti ala nga ndali ti gba ti azo so kue ayeke na yongoro ndo, ala so kue fade Nzapa, Kota Gbia ti e ayeke iri ala.”

1 Korente 14:20

A-ita, ayeke nzoni gbungo-li ti ala ayeke tongana ti amolenge pepe. Tongana ayeke tënë ti sarango sioni, ala ga tongana akete molenge so ahinga ti sara sioni pepe; me ayeke nzoni gbungo-li ti ala ayeke tongana ti akota zo.

1 Korente 7:14

Biani, koli so ama na be pepe aga nduru na Nzapa na lege ti wali ti lo si wali so ama na be pepe aga nduru na Nzapa na lege ti koli ti lo. Tongana ye ni ayeke tongaso pepe, ka amolenge ti ala ayeke yongoro na Nzapa; andaa amolenge ni ayeke nduru na lo.

Ndia ti fani use ni 29:11

Fadeso KOTA GBIA Nzapa ti ala asara *mbuki na ala; alingbi ala yeda biani na tënë ti mbuki so lo deba yanga ti lo daa so.

Ndia ti fani use ni 31:12

Fade azo kue ayeke bongbi tere ti ala, akoli, awali, amolenge na awande so asara kodro na ndo ti ala, azo ti Israel, titene ala ma atënë ti Ndia so a yeke diko ni so. Tongaso si ala yeke manda ti kpe mbeto ti KOTA GBIA Nzapa ti ala si ala sara ye alingbi na atënë kue ti Ndia so.

1 Pierre 2:2

Ala duti tongana akete molenge so a du ala fafadeso: alingbi nzara ti tënë ti Nzapa asara ala tongana ti so nzara ti nyongo me ayeke sara kete molenge; tënë ti Nzapa so sioni ye oko ayeke daa pepe. Tongaso, na lege ni, fade ala yeke ga kota si ala soo kuâ.