Nzoni Tënë so Luc asu na mbeti 18:14 - Mbeti ti Nzapa - Tënë so amu fini

¹⁴ Mbi tene na ala: so lo ga ti kiri na da ti lo, lo ga mbirimbiri na le ti Nzapa awe, me farizien ni pepe. Biani, zo so asara tere ti lo tongana kota zo, fade a yeke sara si lo ga kete zo; zo so asara tere ti lo tongana kete zo, fade a yeke sara si lo ga kota zo.”

Nzoni Tënë so Luc asu na mbeti 18:14 ပူးပေါင်းရင်းမြစ်များ

Mbeti ti Job 22:29

Tongana ambeni zo awoko, mo lingbi ti tene na ala: “Ala londo!” Biani, azo so asara tere ti ala kete, Nzapa ayeke soo ala.

Mbeti ti Job 25:4

Zo alingbi ti tene ni yeke zo ti mbirimbiri na le ti Nzapa tongana nyen? Zo so wali adu lo, lo lingbi ti tene ni yeke *nzoni tongana nyen?

Mbeti ti Job 9:20

Ataa mbi yeke mbirimbiri, fade tënë ti yanga ti mbi ayeke fâ ngbanga na li ti mbi. Ataa mbi sara sioni pepe, fade a tene, mbi sara sioni.

Abia (Psaumes) 138:6

Ataa so KOTA GBIA ayeke na nduzu kâ, lo yeke baa azo so asara tere ti ala kete, lo hinga zo ti baba, ataa so lo ngba yongoro kâ.

Abia (Psaumes) 143:2

Mbi yeke zo ti kua ti mo, fâ ngbanga na li ti mbi pepe, ngbanga ti so na le ti mo, zo ti mbirimbiri ayeke daa pepe.

Sigingo 18:11

Fadeso mbi hinga, mbi tene, KOTA GBIA ayeke kota ahon anzapa kue. Lo fa ni na ngoi so azo ti Ezipte ayeke sara sana na azo ti Israel.”

Amato 15:33

Kpengo mbeto ti KOTA GBIA ayeke fa na zo lege ti dutingo na ndara. Kozo titene zo awara gonda, ayeke nzoni lo sara tere ti lo kete si.

Amato 18:12

Kozo titene zo ati biani biani, be ti lo asi singo na baba. Kozo titene zo awara gonda, ayeke nzoni lo sara tere ti lo kete si.

Amato 25:7

Tongana a tene na mo: “Ga mo duti na li ni ge”, so laa ayeke nzoni ahon titene a zia mo na peko kâ na dawa ti mbeni kota zo.

Amato 29:23

Kuru baba ti zo asara si azo abaa lo tongana kete zo; me zo so asara tere ti lo kete, azo ayeke gonda lo.

Amato 3:34

Lo yeke he azo ti hengo ndo, me lo yeke sara nzoni be na azo so asara tere ti ala kete.

Zo ti bongbingo azo 9:7

Tongaso, mo gue, mo te kobe ti mo na ngia, mo nyon vin ti mo na ngia na be ti mo, ngbanga ti so Nzapa ayeda na aye so mo sara awe.

Ésaïe 45:25

Me na lege ti KOTA GBIA, *ahale ti Israel kue ayeke ga mbirimbiri, ala yeke pika kate ti ala ndali ni.

Ésaïe 53:11

Ndali ti pasi so lo baa, fade lo yeke baa lumiere; ndali ti hingango ye ti lo, lo yeke te gigi aninga. Zo ti kua ti mbi so ayeke zo ti mbirimbiri ayeke sara ande si gba ti azo aga azo ti mbirimbiri, ngbanga ti so lo yo sioni ti ala.

Ésaïe 57:15

Nzapa so ayeke na nduzu mingi, yongoro kâ, lo so ndo ti lo ayeke kpu na kpu, lo so iri ti lo ayeke nde si ayeke nzoni kue, tënë so lo tene ayeke so: “Mbi Nzapa so mbi yeke nde si mbi yeke nzoni kue, mbi yeke na nduzu mingi. Me mbi yeke na azo so a nika ala awe nga na azo so asara tere ti ala kete. Mbi yeke mu ngangu na be ti azo so asara tere ti ala kete; mbi yeke kiri fini na azo so a nika ala awe.

Ésaïe 66:2

Aye so kue, maboko ti mbi laa asara ni si abaa gigi, so tënë ti yanga ti mbi KOTA GBIA laa. Me zo ti mawa so be ti lo awoko, lo so lo ma tënë ti mbi si tere ti lo ayeke do, zo tongaso laa mbi yeke baa lo na nzoni le.

Habakuk 2:4

Su tënë ni tongaso: ‘Zo so baba ahon ndö ti lo, fade lo yeke kui; me fade zo ti mbirimbiri ayeke na fini na lege ti batango tënë ti yanga ti Nzapa.’

Matthieu 23:12

Zo so asara tere ti lo tongana kota zo, fade a yeke sara si lo ga kete zo. Zo so asara tere ti lo tongana kete zo, fade a yeke sara si lo ga kota zo.”

Matthieu 5:3

“Ti ala nzoni, ala so ahinga atene, ye ti yingo atia ala, ngbanga ti so *Kodro-gbia ti yayu ayeke ti ala!

Nzoni Tënë so Luc asu na mbeti 1:52

Lo mu agbia na ndö ti mbata ti ala si lo bi ala na sese, lo mu asenge zo, lo zia ala na kota ndo.

Nzoni Tënë so Luc asu na mbeti 10:29

Me wafango-ndia ni aye ti zi kamene na le ti lo si lo tene na Jésus: “Ka mba ti mbi ni ayeke zo wa?”

Nzoni Tënë so Luc asu na mbeti 14:11

Biani, zo so kue asara tere ti lo tongana kota zo, fade a sara si lo ga kete zo; zo so asara tere ti lo tongana kete zo, fade a sara si lo ga kota zo.”

Nzoni Tënë so Luc asu na mbeti 16:15

Lo tene na ala: “Ala yeke fa na le ti azo atene, ala yeke azo ti mbirimbiri, me Nzapa ahinga be ti ala kue. Ye so ayeke kota ye na le ti azo, ayeke sioni mingi na le ti Nzapa.

Rome 3:20

Ndani laa, tongana zo asara ye kue alingbi na Ndia, so laa ayeke sara si lo ga mbirimbiri na le ti Nzapa pepe. Andaa Ndia ayeke mu gi lege na zo ti hinga so lo sara siokpari awe.

Rome 4:5

Me zo so asara kua pepe si lo ma na be na Nzapa so ayeke sara titene azo ti sioni aga azo ti mbirimbiri, fade mabe ti lo ayeke sara si Nzapa abaa lo tongana zo ti mbirimbiri.

Rome 5:1

So e ga mbirimbiri na lege ti mabe awe, e yeke na siriri na Nzapa na lege ti Jésus Christ, *Kota Gbia ti e.

Rome 8:33

Azo so Nzapa asoro ala awe so, zo wa laa alingbi ti bi tënë na li ti ala? Zo oko pepe, ngbanga ti so Nzapa asara si ala ga mbirimbiri awe.

Galasii 2:16

Me ye so e hinga ayeke so: zo aga mbirimbiri na le ti Nzapa gi na lege so lo ma na be na Jésus Christ, me sarango ye alingbi na *Ndia pepe. E nga, e ma na be na Jésus Christ awe, e ga mbirimbiri na le ti Nzapa na lege ti mabe; sarango ye alingbi na Ndia laa asara si e ga mbirimbiri pepe. Biani, sarango ye alingbi na Ndia laa asara si zo oko aga mbirimbiri na le ti Nzapa pepe.

Jacques 4:10

Ala sara tere ti ala kete na gbe ti *Kota Gbia si fade lo yeke mu ala na nduzu.

Jacques 4:6

Me Nzapa akiri asara na e nzoni be mingi ahon ti so. Biani, Mbeti ti Nzapa atene: “Nzapa ake tënë ti azo ti baba, me lo yeke sara nzoni be na azo so asara tere ti ala kete.”

1 Samuel 1:18

Anne atene: “Ayeke nzoni mo ngba ti sara nzoni be na mbi.” Lo kiri, lo te kobe; vundu ayeke na le ti lo mbeni pepe.