Nzoni Tënë so Luc asu na mbeti 18:12 - Mbeti ti Nzapa - Tënë so amu fini

¹² Fani use na ya ti yenga oko, mbi yeke ke kobe ti sambela; ye so kue mbi yeke wara, mbi yeke mu *dime ni na mo.’

Nzoni Tënë so Luc asu na mbeti 18:12 ပူးပေါင်းရင်းမြစ်များ

2 Agbia 10:16

Yehu atene na Yonadab: “Ga na tere ti mbi, fade mo yeke baa nzara ti *KOTA GBIA so ayeke gbi na be ti mbi.” Yehu amu lo na tere ti lo na ya ti pusu ti mbarata ti lo si ala gue legeoko na tambula ni.

Ésaïe 1:15

Tongana ala yoro maboko ti ala na nduzu ti sambela, mbi yeke bi le ti mbi na ngonda. Ataa ala sambela tongana nyen, mbi yeke ma ala pepe, ngbanga ti so maboko ti ala atuku mene mingi.

Malashii 3:8

Mbi kiri tënë na ala, mbi tene: Zo alingbi ti nzi Nzapa? Me ti ala, ala yeke nzi mbi! Ala hunda ndo, atene: ‘E nzi mo na nyen?’ Ala nzi mbi na ya ti *adime nga na ya ti aye nde nde so ala yeke mu na mbi.

Wungo ti azo 18:24

Me, adime so kue azo ti Israel ayeke ga na ni na mbi, mbi yeke mu ni na ala, azo ti mara ti Lévi titene aga ye ti ala. Ndani laa mbi tene na ala, mbi tene, tanga ti amara ti Israel kue ayeke wara ande sese ti ala, me azo ti mara ti Lévi pepe.”

Wungo ti azo 23:4

Nzapa aga awara Balaam si Balaam atene na lo: “Mbi leke gbalaka mbarambara, mbi ya koli-bagara oko na koli-taba oko na ndö ti gbalaka ni oko oko.”

Matthieu 5:20

Mbi tene na ala: tongana ala sara ye ti mbirimbiri ahon ti awafango-ndia na ti *afarizien pepe, fade ala yeke li na ya ti Kodro-gbia ti yayu pepe.”

Matthieu 6:1

“Ala sara hange! Tongana ala sara nzoni kua ndali ti Nzapa, ala sara ni titene azo abaa ala pepe. Tongana ala yeke sara kua ni gi ndali ti le ti azo, fade Babâ ti ala so ayeke na yayu ayeke mu na ala futa ni pepe.

Matthieu 6:16

“Tongana ala yeke ke kobe ti sambela, ala duti na vundu pepe tongana ti azo so tënë ti yanga ti ala ayeke nde na sarango ye ti ala: azo ni ayeke sara le ti ala kirikiri ti fa na azo atene, ala yeke ke kobe ti sambela. Mbi tene na ala taa-tënë: azo ni awara ti ala futa ni awe.

Matthieu 6:5

“Tongana ala yeke sambela, ala sara tongana azo so tënë ti yanga ti ala ayeke nde na sarango ye ti ala so pepe: azo ni aye ti luti na nduzu ti sambela na ya ti ada ti sambelango Nzapa nga na asangbi-lege titene azo abaa ala. Mbi tene na ala taa-tënë: azo ni awara futa ti ala awe.

Matthieu 9:14

Adisiple ti Jean-Baptiste aga nduru na tere ti Jésus si ala hunda lo, atene: “E na *afarizien, e yeke ke kobe ti sambela. Ngbanga ti nyen si adisiple ti mo ayeke ke kobe pepe so?”

Nzoni Tënë so Luc asu na mbeti 11:42

“Mawa na ala, afarizien! Ala yeke mu na Nzapa *dime ti akugbe ti kasa ti yaka ti ala, ataa akete kete ye ti yaka ti ala. Me ala girisa taa ye so Nzapa aye: dutingo mbirimbiri na azo nga na yengo Nzapa. Baa, ye so ala lingbi fade ti sara laa, me ala girisa nga tanga ni pepe.

Nzoni Tënë so Luc asu na mbeti 17:10

Ala nga, tongana ala sara ye so kue a mu yanga daa na ala awe, ayeke nzoni ala tene: ‘E yeke gi asenge senge zo ti kua; e sara gi ye so e lingbi fade ti sarango ni.’ ”

Rome 3:27

Ye titene zo agonda tere ti lo ngbanga ni ayeke daa? Oko pepe! Lo yeke gonda tere ti lo ngbanga ti nyen? Ngbanga ti so lo sara ye alingbi na Ndia? Oko pepe! Me ngbanga ti so lo ma na be.

1 Korente 1:29

Tongaso, mbeni zo alingbi ti pika kate ti lo na dawa ti Nzapa pepe.

Galasii 1:14

Na lege ti vorongo Nzapa ti azuife, amba ti mbi azuife so ngu ti mbi na ala ayeke oko, mbi hon ala kue. Mbi yeke na nzara mingi ti sara ye alingbi na aye ti akotara ti e.

Efeze 2:9

Songo kuâ ni aga na lege ti akua so ala sara pepe, tongaso si mbeni zo alingbi ti pika kate ti lo daa pepe.

1 Timothée 4:8

Tarango tere na lege ti angia ti wanguru ayeke sara nzoni na zo gi kete; me gbungo tënë ti Nzapa ngangu ayeke sara nzoni na zo na ya ti aye kue. Biani, ndali ti zo so, zendo ti duti na fini laso nga na ngoi so ayeke ga gbanda ayeke daa.

1 Samuel 15:13

Samuel aga nduru na tere ti Saul si Saul atene na lo: “KOTA GBIA asara tufa na ndö ti mo. Mbi sara ye alingbi na tënë ti yanga ti KOTA GBIA.”