Nzoni Tënë so Luc asu na mbeti 18:1 - Mbeti ti Nzapa - Tënë so amu fini

¹ Jésus atene na ala mbeni toli ti fa na ala atene, ayeke nzoni ala sambela lakue, be ti ala awoko pepe.

Nzoni Tënë so Luc asu na mbeti 18:1 ပူးပေါင်းရင်းမြစ်များ

Abia (Psaumes) 102:17

Na ndembe so KOTA GBIA ayeke kiri ti leke gbata ti Sion, azo ayeke baa lo na ya ti gonda ti lo.

Abia (Psaumes) 27:13

Mbi hinga biani so fade mbi yeke ngba na fini na ndö ti dunia so ti baa anzoni ye so KOTA GBIA ayeke sara.

Abia (Psaumes) 65:2

Nzapa, mo so mo yeke na gbata ti Sion, mo lingbi titene azo kue agonda mo; zendo so azo amu na mo, ayeke nzoni ala sara ye alingbi na ni.

Abia (Psaumes) 86:3

Kota Gbia, baa mawa ti mbi! Mo laa mbi yeke iri mo lakue.

Ésaïe 40:31

Me azo so azia be ti ala na ndö ti KOTA GBIA, ala yeke wara fini ngangu; ala yeke huru tongana *ngoalo. Ala mu loro, me ala yeke woko pepe, ala tambula, me ngangu ayeke hunzi na ala pepe.

Ésaïe 62:7

Ala zia nga lo ti wu tere ti lo pepe, ngbii lo kiri lo leke Jérusalem si, ngbii lo sara titene Jérusalem aga ye ti gonda na ndö ti sese kue.”

Jérémie 29:12

Tongaso, tongana ala di iri ti mbi si ala gue ti sambela mbi, fade mbi yeke ma ala.

Jonas 2:7

Mbi linda ngbii, mbi si na gere ti ahoto, yanga ti sese akanga na ndö ti mbi, akanga na ndö ti mbi biani biani; me, mo KOTA GBIA, Nzapa ti mbi, mo kiri mo mu mbi na gbe ni kâ si mo sigigi na mbi na fini.

Nzoni Tënë so Luc asu na mbeti 11:10

Zo so ahunda ye, fade a yeke mu na lo; zo so agi ye, fade lo yeke wara; zo so apika yanga ti da, fade a yeke zi na lo.

Nzoni Tënë so Luc asu na mbeti 21:36

Tongaso ala lango pepe! Ala ngba ti sambela lakue si ala wara ngangu ti sigigi na ya ti aye so ayeke si ande so si ala wara lege ti luti na nduzu na dawa ti *Molenge ti Zo.”

Rome 12:12

Ala duti na ngia ngbanga ti ye so ala zia be ti ala ti ku; ala kanga be ti ala na ya ti aye ti pasi; ala zia lege ti sambela pepe.

2 Korente 4:1

Nzapa asara nzoni be na e si lo mu na e kua ni so, nilaa be ti e awoko pepe.

Galasii 6:9

Be ti e awoko pepe na sarango nzoni ye, ndali ti so tongana ndembe ni alingbi si e ngba na lege ni, fade e yeke ko lengo ni.

Efeze 6:18

Na ya ti aye so kue, ala sambela Nzapa titene lo mu na ala maboko; ala sambela na ngoi kue na lege ti Yingo. Ndani laa, le ti ala akpengba, ala sambela ndali ti azo ti Nzapa kue, ala ngba daa lakue.

Filipe 4:6

Ala gi be ti ala ndali ti mbeni ye oko pepe, me na ya ti ye kue, ala fa na Nzapa ye so ala ye, na lege ti sambela, na vorongo tere nga na mungo singila na lo.

Kolose 4:12

Epafras so ayeke mbeni zo ti ala abara ala; lo yeke zo ti kua ti Jésus Christ, lo ngba ti tiri bira na lege ti sambela ndali ti ala. Lo yeke hunda na Nzapa titene ala luti ngangu, ala ga kangba na lege ti Yingo si ala yeke lakue nduru ti sara ye so kue be ti Nzapa aye.

Kolose 4:2

Ala ngba lakue ti sambela. Le ti ala akpengba na lege ti sambela ni, ala mu singila na Nzapa.

1 Tesalonike 5:17

ala ngba ti sambela lakue,

1 Samuel 1:12

So Anne angba ti sambela KOTA GBIA si sambela ni aninga, Heli ayeke baa yanga ti lo.