Nzoni Tënë so Luc asu na mbeti 17:7 - Mbeti ti Nzapa - Tënë so amu fini

⁷ “E mu mbeni tapande: mbeni zo ayeke na mbeni zo ti kua so ayeke fâ yaka ti lo wala ayeke bata anyama ti lo. Tongana zo ti kua ni alondo na yaka, lo ga, makonzi wa laa alingbi ti tene ande na lo, atene: ‘Ga hio, mo duti, mo te kobe’?

Nzoni Tënë so Luc asu na mbeti 17:7 ပူးပေါင်းရင်းမြစ်များ

Matthieu 12:11

Jésus akiri tënë na ala: “Tongana mbeni zo na popo ti ala ayeke na taba oko si taba ni ati na ya ti kota du na lango ti wungo tere, fade lo yeke gue ti gboto lo ti sigigi na lo pepe?

Nzoni Tënë so Luc asu na mbeti 13:15

*Kota Gbia akiri tënë na lo, atene: “Ala so tënë ti yanga ti ala ayeke nde na sarango ye ti ala so! Na lango ti wungo tere, ala oko oko ayeke zi bagara ti ala wala lele ti ala na ndo so a kanga lo daa ti gue na lo titene lo nyon ngu pepe?

Nzoni Tënë so Luc asu na mbeti 14:5

Na pekoni, lo tene na ala: “Na popo ti ala, zo wa laa, tongana molenge ti lo wala bagara ti lo ati na ya ti du ti ngu na lango ti wungo tere, lo yeke gue ti gboto lo daa hio pepe, zo wa?”

Nzoni Tënë so Luc asu na mbeti 17:26

Ye so ayeke si ande na lango ti gango ti Molenge ti Zo ayeke duti tongana ye so asi ando na ngoi ti Noe.

Nzoni Tënë so Luc asu na mbeti 17:6

Kota Gbia atene na ala: “Tongana konongo ti mabe ti ala alingbi na konongo ti le ti keke ti mutarde, fade ala lingbi ti tene na keke ti sikomor so, atene: ‘Gboto tere ti mo na agunda ti mo kue, mo gue, mo lu tere ti mo na ya ti kota ngu-ingo’, fade keke ni ayeke ma yanga ti ala.”

Nzoni Tënë so Luc asu na mbeti 17:8

Lo lingbi ti tene na lo tongaso pepe. Me fade lo yeke tene na lo: ‘To na mbi kobe ti mbi ti lakui; mo yu mbeni bongo nde, mo mu na mbi kobe ti te na ye ti nyongo ni. Na pekoni, fade mo yeke te ti mo kobe ni si mo nyon ti mo ye ni.’