Nzoni Tënë so Luc asu na mbeti 17:6 - Mbeti ti Nzapa - Tënë so amu fini

⁶ Kota Gbia atene na ala: “Tongana konongo ti mabe ti ala alingbi na konongo ti le ti keke ti mutarde, fade ala lingbi ti tene na keke ti sikomor so, atene: ‘Gboto tere ti mo na agunda ti mo kue, mo gue, mo lu tere ti mo na ya ti kota ngu-ingo’, fade keke ni ayeke ma yanga ti ala.”

Nzoni Tënë so Luc asu na mbeti 17:6 ပူးပေါင်းရင်းမြစ်များ

Matthieu 14:29

Jésus atene na lo: “Ga!” Pierre asigigi na ya ti ngo ni si lo tambula na le ti ngu ti gue na mbage ti Jésus.

Matthieu 17:20

Jésus akiri tënë na ala: “Ngbanga ti so mabe ti ala ayeke kete. Biani, mbi tene na ala: tongana konongo ti mabe ti ala alingbi na konongo ti kete kete le ti keke ti mutarde, fade ala yeke tene na hoto so: ‘Londo na ndo so, mo gue kâ.’ Fade hoto ni ayeke hon; ye alingbi ti kara ala oko pepe. [

Matthieu 21:21

Jésus akiri tënë na ala: “Mbi tene na ala taa-tënë: tongana ala yeke na mabe si ala dekite pepe, fade ala yeke sara ye so mbi sara na keke ti fige so. Ala lingbi nga ti tene na hoto so: ‘Londo na ndo so, mo ti na ya ti kota ngu-ingo’, fade ye ni ayeke si alingbi na ni.

Marc 4:31

Kodro-gbia ti Nzapa ayeke tongana le ti keke so iri ni mutarde si a lu na sese; le ni ayeke kete kete ahon ale ti kobe ti dunia kue.

Marc 9:23

Jésus atene na lo: “Ngbanga ti nyen si mo tene: ‘Tongana mo lingbi ti sara?’ Zo so ama na be, lo lingbi ti sara ye kue!”

Nzoni Tënë so Luc asu na mbeti 13:19

Kodro ni ayeke tongana le ti keke ti mutarde so mbeni zo amu si alu na yaka ti lo. Le ti mutarde ni asigigi, akono si aga kota keke; andeke ti nduzu asara da ti ala na ya ti amaboko ni.”

Nzoni Tënë so Luc asu na mbeti 17:7

“E mu mbeni tapande: mbeni zo ayeke na mbeni zo ti kua so ayeke fâ yaka ti lo wala ayeke bata anyama ti lo. Tongana zo ti kua ni alondo na yaka, lo ga, makonzi wa laa alingbi ti tene ande na lo, atene: ‘Ga hio, mo duti, mo te kobe’?

Nzoni Tënë so Luc asu na mbeti 19:4

Tongaso lo kpe, lo hon na li ni, lo ko na ya ti keke ti sikomor titene lo baa Jésus na hongo ti lo na lege ni so.

Nzoni Tënë so Luc asu na mbeti 7:13

So *Kota Gbia abaa wali-mua ni, mawa ti lo agbu lo si lo tene na lo: “Mo toto pepe!”

Nzoni Tënë so Luc asu na mbeti 7:19

si lo tokua ala na *Kota Gbia ti hunda lo, atene: “Mo yeke *Mesii so ayeke ga ande so? Wala alingbi e ku mbeni zo nde?”

1 Korente 13:2

Tongana mbi yeke na matabisi ti tenengo peko ti tënë ti yanga ti Nzapa, tongana mbi hinga nda ti aye so kue angba na hondengo ni, tongana mbi hinga ye kue, tongana mbi yeke na mabe ti sara si ahoto alondo ahon si mbi ye amba ti mbi pepe, mbi yeke ye oko pepe.