Nzoni Tënë so Luc asu na mbeti 17:3 - Mbeti ti Nzapa - Tënë so amu fini

³ Ala sara hange! “Tongana ita ti mo asara sioni na mo, ayeke nzoni mo fa sioni ti lo na lo. Tongana lo zia lege ti sarango sioni ni, mo zi tënë ni na li ti lo.

Nzoni Tënë so Luc asu na mbeti 17:3 ပူးပေါင်းရင်းမြစ်များ

Abia (Psaumes) 141:5

Tongana zo ti mbirimbiri apika mbi, andaa lo sara nzoni be na mbi laa. Tongana lo suku na mbi, andaa nzoni mafuta laa lo tuku na li ti mbi, mbi lingbi ti ke ni pepe. Me mbi yeke ngba ti sambela, ataa so ala yeke sara sioni na mbi.

Sigingo 34:12

Kodro so ala yeke gue daa so, ala sara hange si ala na azo ni aga ambuki pepe. Tongaso pepe, fade ye ni ayeke ga kuku ti gbungo ala.

Amato 17:10

Tongana a suku na zo ti hingango ndo fani oko, nzoni ye ti peko ni ayeke daa ahon ti zo ti buba so a pika lo fani ngbangbo oko.

Amato 27:5

Sukungo na zo na le ti lo ayeke nzoni ahon yengo tere so ahonde le ni hondengo.

Amato 9:8

Mo gboto mê ti zo ti hengo ndo pepe, tongaso pepe, fade lo yeke ke mo; me tongana mo gboto mê ti zo ti ndara, fade lo yeke ye mo.

Awayango-sandaga 19:17

“Be ti ala ake ita ti ala pepe, me ala suku na zo ti kodro ti ala, tongaso si sioni ti lo ati na li ti ala pepe.

Matthieu 18:21

Tongaso Pierre ague nduru na tere ti Jésus si lo hunda lo: “*Kota Gbia, tongana ita ti mbi asara sioni na mbi, fade mbi yeke zi tënë ni na li ti lo fani oke? Fani mbarambara?” –

Nzoni Tënë so Luc asu na mbeti 21:34

“Ala sara hange! Ala zia be ti ala kue na nyongo samba ahon ndoni na tengo kobe ahon ndoni pepe, ala gi be ti ala na ndö ti gigi ti ala pepe. Tongana ala sara hange pepe, lango ni so ayeke wara ala

Efeze 5:15

Ala sara hange na lege ti dutingo ti ala. Ala duti tongana abuba zo pepe, me tongana azo ti ndara.

Ndia ti fani use ni 4:15

Moïse atene: Na lango so *KOTA GBIA atene tënë na ala na hoto ti Horeb, na ya ti wâ, ala baa lo pepe; nilaa, alingbi ala sara hange!

Ndia ti fani use ni 4:23

Ala sara hange! *Mbuki so KOTA GBIA Nzapa ti ala asara ni na ala, be ti ala agirisa na ni pepe. Ala sara yanda ndali ti ala wani pepe, wala mbeni ye so akpa limo ti zo na ti nyama. KOTA GBIA Nzapa ti ala ake na ala ti sara mara ti ye tongaso.

Ndia ti fani use ni 4:9

Moïse atene: Ye oko, alingbi ala azo ti Israel, ala sara hange, le ti ala akpengba! Ye so ala wani abaa na le ti ala, alingbi be ti ala agirisa na ni pepe. Ala bata ni na be ti ala na lango ti fini ti ala kue; ala fa tënë ni na amolenge ti ala nga na amolenge ti amolenge ti ala.

Ahebro 12:15

Ala sara hange si mbeni zo ado lege ti nzoni be ti Nzapa azia pepe. Alingbi mbeni zo aga tongana sengo gere ti pere ti ngonda pepe; mara ti zo tongaso ayeke bi wusuwusu na popo ti azo si lo yeke buba li ti ala.

Jacques 5:19

A-ita ti mbi, tongana mbeni zo na popo ti ala agirisa lege ti taa-tënë, mbeni mba ti lo alingbi ti kiri na lo daa.

2 Jean 1:8

Ala sara hange! Tongaso, fade ye ti peko ti kua ti e agirisa na maboko ti ala pepe, me ala wara futa ti kua ti ala kue.