Nzoni Tënë so Luc asu na mbeti 17:28 - Mbeti ti Nzapa - Tënë so amu fini

²⁸ Ye ni ayeke duti ande nga tongana ti so asi na ngoi ti Lot: ando azo ayeke te, ayeke nyon, ala yeke vo ye, ala yeke ka ye, ala yeke sara ada si ala yeke lu akobe.

Nzoni Tënë so Luc asu na mbeti 17:28 ပူးပေါင်းရင်းမြစ်များ

Tongo nda ti aye 13:13

Azo ti Sodome ayeke azo ti kirikiri mingi, ala sara siokpari mingi so ake KOTA GBIA.

Jérémie 50:40

Legeoko tongana Sodome na Gomore nga na agbata ti tere ni so KOTA GBIA abuba ni, fade mbi yeke buba kodro ti Babilone, zo ayeke kiri ti duti daa pepe, zo oko ayeke sara kodro daa mbeni pepe.

Matthieu 21:12

Jésus ali na ya ti kota da ti Nzapa si lo tumba azo ti kango ye na azo ti vongo ye so ayeke na ya ni; lo kinda na sese ameza ti azo ti sanzengo nginza na angende ti azo ti kango *ambipa.

Nzoni Tënë so Luc asu na mbeti 17:27

Ando azo ayeke te, ayeke nyon, akoli na awali ayeke mu tere, ngbii asi na lango so Noe ali na ya ti kota mangboko: kota ngu apika, asuku amu ndo kue si afâ ala kue.

Nzoni Tënë so Luc asu na mbeti 17:29

Me na lango so Lot asigigi na Sodome, Nzapa atokua wâ na *sufre na ndö ti ala tongana ngu so ayeke pika si afâ ala kue.