Nzoni Tënë so Luc asu na mbeti 17:21 - Mbeti ti Nzapa - Tënë so amu fini

²¹ Fade azo ayeke tene pepe: ‘Ni laa ge!’ wala ‘Ni laa kâ!’ Biani, Kodro-gbia ti Nzapa ayeke na popo ti ala awe.”

Nzoni Tënë so Luc asu na mbeti 17:21 ပူးပေါင်းရင်းမြစ်များ

Matthieu 12:28

Me tongana mbi yeke tumba asioni yingo na ngangu ti Yingo ti Nzapa, andaa *Kodro-gbia ti Nzapa asi na ala awe.

Marc 13:21

Tongana mbeni zo atene na ala: ‘Baa, *Mesii laa ge so!’ wala: ‘Baa, lo laa kâ so!’, ala yeda na lo pepe.

Nzoni Tënë so Luc asu na mbeti 17:23

Fade azo ayeke tene na ala: ‘Lo yeke kâ!’ wala ‘Lo yeke ge!’ Ala gue pepe, ala kpe ague kâ pepe!

Nzoni Tënë so Luc asu na mbeti 21:8

Jésus akiri tënë, atene: “Ala sara hange si mbeni zo ahanda ala pepe! Biani, fade azo mingi ayeke ga na iri ti mbi si zo oko oko ayeke tene: ‘Mbi laa mbi yeke *Mesii!’ Azo ni ayeke tene nga, atene: ‘Ngoi ni alingbi awe!’ Ala azo ti mbi, ala mu peko ti azo ni so pepe!

Jean 1:26

Jean akiri tënë na ala: “Mbi yeke batize ala na ngu; me mbeni zo ayeke na popo ti ala so ala hinga lo pepe.

Jean 18:36

Jésus akiri tënë na lo: “Kodro-gbia ti mbi ayeke ti dunia so pepe. Tongana kodro-gbia ti mbi ayeke fade ti dunia so, ka azo ti mbi atiri bira ti kanga lege si azo aga na mbi na amakonzi ti azuife pepe. Me fadeso, kodro-gbia ti mbi ayeke ti ndo so ge pepe.”

Rome 14:17

Biani, *Kodro-gbia ti Nzapa abaa tënë ti tengo kobe wala tënë ti nyongo ye pepe, me abaa tënë ti sarango ye ti mbirimbiri, ti siriri na ti ngia so Yingo-Vuru ayeke mu na zo.

Kolose 1:27

Nzapa aye si ala hinga mosoro na gonda so lo leke na hondengo ni ndali ti azo so ayeke azuife pepe. Ye so lo leke ayeke so: Christ ayeke na be ti ala si ala zia be ti ala ti ku titene ala duti ande na ya ti gonda ti lo.