Nzoni Tënë so Luc asu na mbeti 17:14 - Mbeti ti Nzapa - Tënë so amu fini

¹⁴ So lo baa ala, lo tene na ala: “Ala gue, afa tere ti ala na awayango-sandaga.” Na lege ti guengo ni, tere ti ala aga *nzoni.

Nzoni Tënë so Luc asu na mbeti 17:14 ပူးပေါင်းရင်းမြစ်များ

2 Agbia 5:14

Tongaso Naaman azu na ngu ti Jourdain, lo li na ya ti ngu ni fani mbarambara alingbi na tënë so zo ti Nzapa atene. Na pekoni, tere ti lo aga *nzoni: poro ti tere ti lo akiri aga tongana ti kete molenge.

Ésaïe 65:24

Kozo titene ala di iri ti mbi, mbi, mbi yeke kiri tënë na ala; tënë angba ngbango na yanga ti ala, mbi ma ala awe.

Matthieu 3:15

Me Jésus akiri tënë na lo: “Ti fadeso, ayeke nzoni e sara tongaso si e lingbi ti sara ye so kue ayeke mbirimbiri na le ti Nzapa.” Tongaso Jean ayeda.

Nzoni Tënë so Luc asu na mbeti 5:14

Jésus amu yanga na lo, atene: “Mo tene tënë ni na mbeni zo oko pepe! Me mo gue, mo fa tere ti mo na wayango-sandaga titene lo baa mo; na pekoni, mo mu *sandaga so Moïse amu yanga ando ti mungo ni so. Tongaso si mo fa na le ti azo kue so tere ti mo aga *nzoni awe.”

Jean 11:10

Me tongana zo atambula na bi, lo yeke pika gere ti lo, ngbanga ti so ndo avuko na le ti lo.”

Jean 2:5

Tongaso mama ti Jésus atene na azo ti kua ni, atene: “Ala sara ye so kue lo yeke hunda na ala.”

Jean 9:7

si lo tene na lo: “Gue mo sukula le ti mo na du ti ngu ti Siloe.” Nda ti iri ti Siloe atene “Zo ti tokua”. Tongaso koli ni ague, lo sukula le ti lo si na kiringo ti lo, lo baa ndo nzoni.