Nzoni Tënë so Luc asu na mbeti 16:24 - Mbeti ti Nzapa - Tënë so amu fini

²⁴ Lo dekongo, lo tene: ‘Babâ Abraham, baa mawa ti mbi! Tokua Lazare, lo yoro li ti maboko ti lo na ya ti ngu si lo zia na menga ti mbi, ngbanga ti so mbi yeke baa pasi mingi na le ti wâ.’

Nzoni Tënë so Luc asu na mbeti 16:24 ပူးပေါင်းရင်းမြစ်များ

Mbeti ti Job 20:21

Ndali ti so nzara ti lo ayeke mingi ahon ndoni, mbeni ye oko na peko ti tengo ye ti lo angba pepe; ndani laa nzoni duti ti lo ayeke ninga pepe.

Ésaïe 27:11

Tongana amaboko ti keke ahole, a yeke fâ ni si awali ayeke ga ti ro ni ti sara na wâ. Biani, azo so ahinga ndo pepe. Ndani laa lo so lo sara ala abaa mawa ti ala pepe, lo so lo sara ala azi tënë na li ti ala pepe.

Ésaïe 66:24

Na sigingo ti ala, fade ala lingbi ti baa kuâ ti azo so atomboka na tere ti mbi. Angusu so ayeke te ala ayeke kui pepe; wâ so ayeke gbi ala ayeke mingo pepe. Ala yeke ga ye so ayeke sioni mingi ndali ti azo kue.

Zakarii 14:12

Amara so atiri lani bira na azo ti Jérusalem so, baa, aye ti sioni so KOTA GBIA ayeke sara titene ati na ndö ti ala laa: so ala ngba na le ti ala gi tongaso, fade kasa ti tere ti ala ayeke fun gi fungo, le ti ala ayeke fun na ya ti da ni, menga ti ala ayeke fun na ya ti yanga ti ala.

Matthieu 25:41

“Na pekoni, fade Gbia ni ayeke tene na azo so ayeke na mbage ti maboko ti lo ti wali: ‘Ala hon yongoro na tere ti mbi, ala so Nzapa adeba ala awe so! Ala gue na ya ti kota wâ so ayeke gbi lakue lakue, so a leke ni ndali ti Zabolo na *a-ange ti lo.

Matthieu 3:9

Ala tene na be ti ala pepe, atene: ‘Abraham ayeke kotara ti e.’ Biani, mbi tene na ala: Nzapa alingbi ti mu atêne so ti sara si aga amolenge ti Abraham!

Matthieu 5:22

Ti mbi, mbi tene na ala: zo so asara ngonzo na tere ti ita ti lo, fade a yeke gue na lo na ngbanga; zo so atene na ita ti lo: ‘Buba zo!’, fade a yeke gue na lo na gbe ti azo ti *Kota Bongbi ti Fango Ngbanga; zo so atene na ita ti lo: ‘Mo, zo ti gbogbolinda so!’, lo lingbi titene a bi lo na ndo so wâ ayeke gbi daa lakue.

Nzoni Tënë so Luc asu na mbeti 16:30

Zo ti mosoro ni atene: ‘Ên-en, babâ Abraham! Tongana mbeni zo alondo na popo ti akuâ ague na mbage ti ala, fade ala yeke zia ngbene lege ti sarango ye ti ala.’

Nzoni Tënë so Luc asu na mbeti 19:9

Jésus atene na lo: “Laso, Nzapa asoo azo ti da so awe, ngbanga ti so Zachée nga ayeke *hale ti Abraham.

Nzoni Tënë so Luc asu na mbeti 3:8

Ala sara ye so afa atene, ala zia ngbene lege ti sarango ye ti ala awe! Ala tene na be ti ala pepe, atene: ‘Abraham ayeke kotara ti e!’ Biani, mbi tene na ala: Nzapa alingbi ti mu atêne so ti sara si aga amolenge ti Abraham!

Jean 4:10

Jésus akiri tënë na lo: “Tongana mo hinga fade ye so Nzapa ayeke mu na zo si mo hinga zo so ayeke hunda ngu ti nyongo ni na maboko ti mo so, ka mo wani laa mo yeke hunda na lo ngu so ayeke sara titene zo angba na fini.”

Jean 4:14

me zo so ayeke nyon ande ngu so mbi yeke mu na lo, nzara ti ngu ayeke kiri ti sara lo pepe. Ngu so mbi yeke mu na lo ayeke ga li ti ngu so fini so angba lakue lakue ayeke sigigi daa.”

Jean 7:37

Tanga ti lango ti matanga ni ayeke mbeni kota lango mingi. Jésus aluti na nduzu si lo tene tënë na kota go, lo tene: “Tongana nzara ti ngu asara mbeni zo, ayeke nzoni lo ga na mbi, lo nyon ngu.

Rome 4:12

Lo yeke nga babâ ti azo so kue afâ ganza awe, so ti tene ala so azia be ti ala gi na ndö ti fango ganza pepe, me ala yeke sara ye na lege ti mabe tongana babâ ti e Abraham: lo ma na be na Nzapa kozoni si lo fâ ganza.

2 Tesalonike 1:8

lo yeke ga ande na ya ti menga ti wâ. Biani, azo so ahinga Nzapa pepe si ala ke Nzoni Tënë ti Kota Gbia ti e Jésus so, lo yeke kiri na peko ti sioni ti ala na ala.

Jacques 2:13

Biani, zo so abaa mawa ti mba ti lo pepe, tongana Nzapa ayeke fâ ande ngbanga ti azo, lo yeke baa nga mawa ti zo ni pepe; me zo so abaa mawa ti mba ti lo, fade lo yeke sigigi na ya ti ngbanga.

Jacques 3:6

Menga ti zo ayeke tongana wâ si ayeke nga ndo so sioni aduti daa. Menga aduti na ya ti tere ti e si ayeke sara titene ngbongboro tere ti e kue aga sioni. Na ngoi so kue zo ayeke na dunia so, menga ti lo ayeke tongana wâ so ayeke buba fini ti lo; wâ ni alondo na ndo so wâ ayeke gbi daa lakue.

Aye so Nzapa afa 19:20

A gbu nyama ni na wayanga-nzapa ti mvene so asara aye ti kpene na dawa ti lo so. Na lege ti aye ti kpene laa lo wara lege ti handa azo so awara nzoroko ti nyama ni si avoro limo so akpa nyama ni so. A mu ala use kue si a bi ala na fini le ti ala na le ti kota wâ ti *sufre.

Aye so Nzapa afa 20:15

Tongana a wara iri ti mbeni zo na ya ti mbeti ni pepe, so ti tene mbeti so a su iri ti azo so ayeke na taa fini daa, a yeke bi lo na le ti kota wâ ni.

Aye so Nzapa afa 22:1

Na pekoni, *ange ni afa na mbi kota *bale so ayeke mu fini na zo; zo ayeke baa ndo na ya ti bale ni kue. Ngu ni alondo na mbage ti mbata ti Gbia Nzapa na ti Molenge ti Taba si ayeke sigigi.

1 Samuel 28:16

Samuel atene: “Tongana KOTA GBIA azia mo awe si mo ga wato ti lo, mo yeke hunda mbi ngbanga ti nyen?