Nzoni Tënë so Luc asu na mbeti 16:22 - Mbeti ti Nzapa - Tënë so amu fini

²² Mbeni lâ, zo ti mawa so akui si *a-ange ayo lo, ague na lo na tere ti Abraham. Zo ti mosoro ni akui nga si a lu lo.

Nzoni Tënë so Luc asu na mbeti 16:22 ပူးပေါင်းရင်းမြစ်များ

Mbeti ti Job 21:13

Na ya ti gigi ti ala, ala yeke duti nzoni si biaku tongaso, ala zu na siriri na ndo ti akuâ.

Amato 14:32

Zo ti sioni ayeke ti ndali ti sioni sarango ye ti lo; ti zo ti mbirimbiri, ataa lo gue ti kui, be ti lo awoko pepe.

Zo ti bongbingo azo 8:10

Tongaso mbi baa azo alu kuâ ti azo ti sioni. Ala yeke gue lakue na kota da ti Nzapa. Me na ya ti gbata, be ti azo agirisa na sarango ye ti ala. Ye so nga ayeke gi senge senge.

Ésaïe 14:18

Agbia kue ti amara nde, biani, ala kue kue kue, ala lango na nengo tere, zo oko oko na ya ti du ti kuâ ti lo.

Ésaïe 22:16

Nyen laa mo yeke na ni ge, nyen? Zo wa laa ayeke sewa ti mo ge si mo zi du ti kuâ ndali ti mo, mo leke ni ngbii asi na nduzu, mo zi ndangba ndo ti lango ti mo na ya ti têne so?

Matthieu 18:10

“Ala sara hange si ala baa mbeni molenge oko na popo ti amolenge so tongana mbumbuse zo pepe! Mbi tene na ala so *a-ange ti amolenge so ayeke kâ na yayu, ala yeke luti lakue na le ti Nzapa, Babâ ti mbi so ayeke na yayu. [

Matthieu 24:31

Kota tatalita ayeke toto si Molenge ti Zo ayeke tokua *a-ange ti lo na ndö ti sese kue titene ala gue, abongbi azo so lo soro ala.”

Matthieu 8:11

Mbi tene na ala so fade azo mingi ayeke londo na mbage ti To, ambeni ayeke londo na mbage ti Do ti ga ti duti na ya ti matanga ti tengo kobe na *Kodro-gbia ti yayu, ala na Abraham, Isaac na Jacob.

Marc 8:36

Tongana zo awara aye ti dunia so kue si lo girisa fini ti lo, nzoni ye ti nyen laa lo yeke wara na peko ni?

Nzoni Tënë so Luc asu na mbeti 12:20

Me Nzapa atene na lo: ‘Mo buba zo! Gi na bi so mo yeke kui. Me aye so mo bongbi ni kue so, zo wa laa ayeke wara ni, zo wa?’ ”

Nzoni Tënë so Luc asu na mbeti 16:21

Lo yeke na nzara ti te akobe so alondo na ndö ti meza ti zo ti mosoro ni si ayeke tuku na sese. Na ndö ni kue, ambo aga si ayeke su le ti aka ti lo.

Jean 1:18

Zo ade ti baa Nzapa laoko pepe; me gi oko Molenge ni so ayeke Nzapa si lo yeke nduru na tere ti Nzapa Babâ, lo laa lo fa Nzapa na azo titene ala hinga lo.

Jean 13:23

Mbeni disiple oko, lo so Jésus aye lo mingi, ayeke duti nduru na tere ti Jésus.

Jean 21:20

Pierre abaa ndo na peko si lo baa disiple so Jésus aye lo mingi, lo so na ndembe ti tengo kobe aba tere ti lo na mbage ti Jésus si ahunda lo, atene: “*Kota Gbia, zo wa laa ayeke ka mo so?”

Ahebro 1:14

A-ange ayeke gi ayingo so ayeke sara kua na Nzapa: lo yeke tokua ala titene ala sara nzoni na azo so lo ye ti soo ala.

Ahebro 2:14

Ndali ti so amolenge ni ayeke na tere na mene oko, Jésus aga tongana ala si lo mu tere ti zo. Tongaso, na lege ti kuâ ti lo, lo kinda Zabolo so ayeke ando na ngangu na ndö ti kuâ.

Jacques 1:11

Lâ asigigi, asu ngangu si ahole pere ti kongo ni; kongo ni ati si pendere ni ahon. Ti zo ti mosoro ayeke nga gi tongaso: fade lo yeke kui si lo do akua ti lo ti zia.

1 Pierre 2:24

Christ wani ayo siokpari ti e na ya ti tere ti lo si lo kui na ni na ndö ti keke ti kroa, tongaso si e so e kangbi na siokpari na lege ti kuâ so e kui awe, e duti na fini ti sara ye ti mbirimbiri. Na lege ti aka so lo wara laa tere ti ala aga nzoni.

Aye so Nzapa afa 14:13

Mbi kiri mbi ma mbeni go so alondo na yayu, atene: “Su tënë so na mbeti, mo tene: ‘Ti ala nzoni, azo so angba na lege ti kua ti *Kota Gbia si ala kui fadeso! Yingo atene: Biani, fade ala yeke wu tere ti ala na peko ti aye so ala sara, ngbanga ti so aye so ala sara ayeke mu peko ti ala.’ ”