Nzoni Tënë so Luc asu na mbeti 16:15 - Mbeti ti Nzapa - Tënë so amu fini

¹⁵ Lo tene na ala: “Ala yeke fa na le ti azo atene, ala yeke azo ti mbirimbiri, me Nzapa ahinga be ti ala kue. Ye so ayeke kota ye na le ti azo, ayeke sioni mingi na le ti Nzapa.

Nzoni Tënë so Luc asu na mbeti 16:15 ပူးပေါင်းရင်းမြစ်များ

1 Mbai 29:17

Nzapa ti mbi, mbi hinga so mo laa mo yeke baa ya ti be ti zo si mo yeda na ye so ayeke mbirimbiri. Ti mbi, na be so ayeke mbirimbiri laa mbi mu aye so kue na mo na be ti mbi wani. Fadeso, mbi yeke na ngia ti baa azo ti mo so abongbi ge ti mu ye na mo na be ti ala wani.

2 Mbai 6:30

mo so mo yeke na yayu kâ, na ndo so mo yeke duti daa, ma sambela ti ala, zi siokpari na li ti ala; mo sara na zo oko oko alingbi na sarango ye ti lo, ngbanga ti so mo hinga tënë ti be ti lo. Biani, gi mo oko laa mo hinga tënë ti be ti azo.

Abia (Psaumes) 10:3

Zo ti sioni ni apika kate ti lo ndali ti aye so nzara ni ayeke na be ti lo; so lo wara aye ni awe, lo zonga KOTA GBIA, lo he lo na ngia.

Abia (Psaumes) 49:13

Ataa so zo ayeke na mosoro mingi, lo yeke kui tongana nyama; lo yeke ngba na fini pepe.

Abia (Psaumes) 49:18

ngbanga ti so na lango ti kuâ ti lo, lo yeke gue na ye oko pepe, anzoni ye ti lo ayeke mu nga peko ti lo oko pepe.

Abia (Psaumes) 7:9

KOTA GBIA, mo so mo yeke fâ ngbanga ti amara nde, fâ ngbanga ti mbi alingbi na mbirimbiri ti mbi; tënë ayeke na li ti mbi pepe.

Amato 16:5

Be ti KOTA GBIA ake azo ti baba mingi. Biani, fade peko ni ayeke ngba senge na ala pepe.

Amato 20:6

Azo mingi ayeke gonda tere ti ala atene, ani yeke nzoni; me zo wa laa alingbi ti wara zo so lo lingbi ti zia be ti lo na ndö ti lo?

Amato 21:2

Zo oko oko ayeke baa na le ti lo atene, aye so kue ni yeke sara ayeke na legeni; me KOTA GBIA laa ayeke baa atënë ti be ti zo.

Jérémie 17:10

“Mbi, KOTA GBIA, mbi yeke baa be ti zo na atënë ti be ti zo kue. Tongaso, mbi lingbi ti sara ye na zo alingbi na dutingo ti lo nga na asarango ye ti lo.

Malashii 3:15

Ti fadeso, e lingbi ti tene: azo ti baba laa ayeke duti nzoni. Ataa azo ti sioni, aye ti ala ayeke ga nzoni. Tongana ala gi yanga ti Nzapa, ye oko ayeke sara ala pepe!’ ”

Matthieu 23:5

Ye so kue awafango-ye ni ayeke sara, ala yeke sara ni gi titene azo abaa ala. Tongaso, ala yeke sara titene ya ti akete kete bozo ti poro so ala su tënë ti Nzapa si azia na ya ni so akono, kamba so ala leke na yanga ti bongo ti ala aga kota.

Matthieu 6:16

“Tongana ala yeke ke kobe ti sambela, ala duti na vundu pepe tongana ti azo so tënë ti yanga ti ala ayeke nde na sarango ye ti ala: azo ni ayeke sara le ti ala kirikiri ti fa na azo atene, ala yeke ke kobe ti sambela. Mbi tene na ala taa-tënë: azo ni awara ti ala futa ni awe.

Matthieu 6:2

Tongana mo yeke mu ye na azo ti mawa, ayeke nzoni mo dekongo na tënë ni pepe, tongana ti azo so tënë ti yanga ti ala ayeke nde na sarango ye ti ala: azo ni ayeke sara tongaso na ya ti ada ti sambelango Nzapa nga na be ti lege titene azo agonda ala. Mbi tene na ala taa-tënë: azo ni so awara ti ala futa ni awe.

Matthieu 6:5

“Tongana ala yeke sambela, ala sara tongana azo so tënë ti yanga ti ala ayeke nde na sarango ye ti ala so pepe: azo ni aye ti luti na nduzu ti sambela na ya ti ada ti sambelango Nzapa nga na asangbi-lege titene azo abaa ala. Mbi tene na ala taa-tënë: azo ni awara futa ti ala awe.

Nzoni Tënë so Luc asu na mbeti 10:29

Me wafango-ndia ni aye ti zi kamene na le ti lo si lo tene na Jésus: “Ka mba ti mbi ni ayeke zo wa?”

Nzoni Tënë so Luc asu na mbeti 11:39

Tongaso *Kota Gbia atene na lo: “Ala afarizien, ala yeke sukula tere ti kopo na ti sembe, me nzara ti nzi na ti aye ti sioni asi singo na be ti ala.

Nzoni Tënë so Luc asu na mbeti 18:11

Farizien ni aluti ti lo lutingo si lo yeke sambela na ya ti be ti lo, lo tene: ‘Mbi mu singila na mo, Nzapa, ngbanga ti so mbi yeke tongana tanga ti azo kue pepe. Ala yeke ti ala azo ti nzi, azo ti kirikiri, azo ti gingo awali wala akoli ti azo. Mbi yeke nga tongana zo ti rongo nginza ti lapo so pepe.

Nzoni Tënë so Luc asu na mbeti 18:14

Mbi tene na ala: so lo ga ti kiri na da ti lo, lo ga mbirimbiri na le ti Nzapa awe, me farizien ni pepe. Biani, zo so asara tere ti lo tongana kota zo, fade a yeke sara si lo ga kete zo; zo so asara tere ti lo tongana kete zo, fade a yeke sara si lo ga kota zo.”

Nzoni Tënë so Luc asu na mbeti 18:21

Koli ni akiri tënë, atene: “Mbi to nda ti sara ye so kue gi na ndembe so mbi de molenge.”

Nzoni Tënë so Luc asu na mbeti 18:9

Jésus akiri atene toli so na azo so abaa tere ti ala tongana azo ti mbirimbiri si ala yeke baa amba ti ala tongana ambumbuse zo, lo tene:

Nzoni Tënë so Luc asu na mbeti 20:20

Ala to nda ti *bembe ndo na tere ti Jésus. Ndani laa ala tokua ambeni zo na lo so asara tere ti ala tongana anzoni zo. Azo ni ague ti hunda lo na mbeni tënë titene na lege ti tënë ti yanga ti lo wani, lo ti na ya ti gbanda ti ala. Ala ye ti wara lege ti gbu lo ti zia lo na maboko ti akota zo ti kodro nga na govoronere.

Nzoni Tënë so Luc asu na mbeti 20:47

Ala yeke ro aye kue ti ya ti da ti awali-mua si ala yeke sara ayongoro sambela titene azo abaa ala. Fade Nzapa ayeke fâ ngbanga na li ti ala ngangu ahon ti azo kue.”

Jean 2:25

Mbeni zo alingbi ti fa peko ti tënë na Jésus na ndö ti zo pepe, ngbanga ti so lo hinga tënë ti be ti zo nzoni mingi.

Jean 21:17

Jésus akiri ahunda lo ti fani ota ni, atene: “Simon, molenge ti Jean, mo ye mbi?” Vundu asara Pierre, ngbanga ti so Jésus ahunda lo fani ota, atene: “Mo ye mbi?” Tongaso lo tene na Jésus: “Kota Gbia, mo hinga ye kue, mo hinga so mbi ye mo!” Jésus atene na lo: “Bata ataba ti mbi.

Awatokua 1:18

Lo gue lani lo vo mbeni yaka na nginza so lo wara na lege ti ye ti sioni ti lo. Kâ, lo ti na li ti lo, ya ti lo asungba si avi ti lo kue atuku na sese.

Awatokua 1:24

Na pekoni, ala sambela Nzapa, atene: “Kota Gbia, mo hinga be ti azo kue. Tongaso, na popo ti azo use so, fa na e zo wa laa mo soro lo

Awatokua 15:8

Nzapa so ahinga be ti zo afa atene, lo ye azo ti amara nde; lo fa ni na lege so lo mu Yingo-Vuru na ala gi tongana ti so lo mu ni na e.

Rome 3:20

Ndani laa, tongana zo asara ye kue alingbi na Ndia, so laa ayeke sara si lo ga mbirimbiri na le ti Nzapa pepe. Andaa Ndia ayeke mu gi lege na zo ti hinga so lo sara siokpari awe.

Rome 8:27

Nzapa so ayeke baa ya ti be ti zo ahinga ye so Yingo aye. Biani, Yingo ayeke sambela ndali ti azo ti Nzapa na lege so Nzapa aye.

1 Korente 4:5

Ndani laa, alingbi ala fâ ngbanga na li ti zo kozo pepe si ngoi ni alingbi, ala ku Kota Gbia aga si. Ye so angba na hondengo ni na ya ti vukongo ndo, fade lo yeke fa ni na gigi polele; aye so azo aleke na be ti ala ti sarango ni, fade lo sigigi na nda ni. Tongaso, Nzapa ayeke gonda zo oko oko alingbi na kua so lo sara.

1 Pierre 3:4

Me ala gi ti ga pendere na be ti ala. Aye ti pendere ni ayeke be so aduti kpoo, aduti na siriri si ane mingi na le ti Nzapa; aye ti pendere so laa ayeke buba pepe.

1 Pierre 5:5

Amaseka, ala nga, ala ma yanga ti akangba. Ala kue, na lege ti dutingo ti ala na popo ti amba ti ala, ala sara tere ti ala kete, ngbanga ti so Mbeti ti Nzapa atene: “Nzapa ake azo ti baba, me lo yeke sara nzoni be na azo so asara tere ti ala kete.”

Aye so Nzapa afa 2:23

Fade mbi yeke fâ azo so kue ayeke mu peko ti wali ni. Na pekoni, a-Eglize kue ayeke hinga atene, mbi yeke lo so lo hinga tënë so ayeke na ya ti be ti zo nga na nzara ti be ti zo. Fade mbi yeke futa zo oko oko alingbi na ye so lo sara.

1 Samuel 16:7

Me KOTA GBIA atene na Samuel: “Mo baa pendere ti lo wala yongo ti lo pepe. Mbi ke lo awe. Bango ndo ti mbi ayeke tongana bango ndo ti azo pepe. Azo ayeke baa ti ala gi ye so ayeke pika le ti ala; me mbi yeke baa ti mbi be ti zo.”