Nzoni Tënë so Luc asu na mbeti 15:7 - Mbeti ti Nzapa - Tënë so amu fini

⁷ Mbi tene na ala: ngia ayeke tongaso na yayu ndali ti zo ti siokpari oko so azia ngbene lege ti sarango ye ti lo; ngia so ahon ngia ndali ti azo ti mbirimbiri balegumbaya na gumbaya so nzara ti zia ngbene lege ti sarango ye ti ala ayeke sara ala pepe.”

Nzoni Tënë so Luc asu na mbeti 15:7 ပူးပေါင်းရင်းမြစ်များ

Amato 30:12

“Ambeni zo ayeke daa so ayeke baa tere ti ala tongana azo ti vurungo be, ataa so ade a *sukula sioni ti ala pepe.

Matthieu 18:13

Mbi tene na ala taa-tënë: tongana lo wara lo, fade ngia ti be ti lo ndali ti taba oko so ayeke hon ngia so lo yeke na ni ndali ti ataba balegumbaya na gumbaya so agirisa pepe so.

Matthieu 3:8

Ala sara ye so afa atene, ala zia ngbene lege ti sarango ye ti ala awe!

Nzoni Tënë so Luc asu na mbeti 15:10

Ndani laa mbi tene na ala: ngia ayeke na popo ti *a-ange ti Nzapa, ndali ti zo ti siokpari oko so azia ngbene lege ti sarango ye ti lo.”

Nzoni Tënë so Luc asu na mbeti 15:29

Me lo tene na Babâ ti lo: ‘Baa, mbi sara kua na mo ngu mingi; laoko mbi ke yanga ti mo pepe. Me laoko mo mu na mbi mbeni molenge ti ngasa pepe titene mbi fâ ti sara na matanga na amba ti mbi so mbi na ala e ye tere.

Nzoni Tënë so Luc asu na mbeti 15:32

Me ayeke fade nzoni titene e sara matanga, e sara ngia, ngbanga ti so ita ti mo so akui awe si lo kiri na fini; lo girisa si e kiri e wara lo.’ ”

Nzoni Tënë so Luc asu na mbeti 15:6

si lo kiri na kodro. Na pekoni, lo iri azo so lo na ala aye tere nga na azo ti tere ti da ti lo, lo tene: ‘Ala ga, e sara ngia, ngbanga ti so taba ti mbi so agirisa so, mbi wara lo awe!’

Nzoni Tënë so Luc asu na mbeti 15:8

“Tongana mbeni wali ayeke na ale ti nginza baleoko si mbeni oko agirisa, lo yeke zia wâ na ya ti lamba, lo balee ya ti da ti gi ni ngbii lo wara ni si pepe?

Nzoni Tënë so Luc asu na mbeti 16:15

Lo tene na ala: “Ala yeke fa na le ti azo atene, ala yeke azo ti mbirimbiri, me Nzapa ahinga be ti ala kue. Ye so ayeke kota ye na le ti azo, ayeke sioni mingi na le ti Nzapa.

Nzoni Tënë so Luc asu na mbeti 5:32

Mbi ga ti iri azo ti mbirimbiri pepe, me mbi ga ti iri azo ti siokpari titene ala zia ngbene lege ti sarango ye ti ala.”

Rome 7:9

Ando, so mbi de ti hinga Ndia pepe, mbi yeke na fini; me so mbi hinga tënë ti ndia awe, siokpari awara lege ti duti na fini