Nzoni Tënë so Luc asu na mbeti 15:4 - Mbeti ti Nzapa - Tënë so amu fini

⁴ “Na popo ti ala, tongana mbeni zo ayeke na ataba ngbangbo oko si mbeni oko agirisa, lo yeke zia atanga ni balegumbaya na gumbaya na benyama ti gue ti gi lo so agirisa so, ngbii lo wara lo si pepe?

Nzoni Tënë so Luc asu na mbeti 15:4 ပူးပေါင်းရင်းမြစ်များ

Abia (Psaumes) 119:176

Mbi gue kirikiri tongana taba so agirisa; ayeke nzoni mo gi mbi, zo ti kua ti mo, ngbanga ti so mbi girisa atënë ti ndia ti mo pepe.

Ésaïe 53:6

E kue, e yeke lani tongana ataba so akangbi kirikiri, zo oko oko amu lege ti lo wani. Me KOTA GBIA asara si asioni ti e kue ati na ndö ti lo.

Jérémie 33:13

Na ya ti agbata ti Kodro-ti-nduzu na ti agbata ti *Kodro-ti-gbeni na ti Negev, na sese ti Benjamin, na ya ti akodro so angoro Jérusalem nga na ya ti agbata ti Juda, fade ataba na angasa ayeke kiri na gbe ti maboko ti wabatango ala so ayeke diko ala”; tënë so KOTA GBIA atene laa.

Jérémie 50:6

Azo ti mbi ayeke lani tongana ataba so agirisa awe. Awabatango ala asara si ala girisa lege, ala zia ataba ni atambula kirikiri na li ti ahoto. Ataba ni alondo na li ti mbeni hoto asi na li ti mbeni kete hoto, ala girisa ndo ti lango ti ala.

Ezekiel 34:16

Taba so agirisa, fade mbi yeke gi lo; lo so agirisa lege, mbi yeke kiri na lo na ndö ti lege; lo so awara ka, mbi yeke kanga ka ni; lo so ayeke na kobela, mbi yeke sara titene lo wara ngangu. Me taba so akono konongo, lo so ayeke na ngangu, mbi yeke fâ lo. Mbi yeke gi kobe ndali ti ataba ti mbi na legeni.”

Ezekiel 34:31

“Ala azo, ala yeke ataba ti mbi, ataba so mbi yeke mu na ala kobe. Biani, mbi yeke Nzapa ti ala. So tënë ti yanga ti Kota Gbia NZAPA laa.”

Ezekiel 34:4

Ataba so awoko, ala sara pepe titene ataba ni awara ngangu; ataba so ayeke na kobela, ala kai kobela na tere ti ala pepe; ataba so awara ka, ala kanga ka ni pepe; ataba so agirisa lege, ala kiri na ala na ndö ti lege pepe; ataba so agirisa, ala gi ala pepe. Me ala sara komandema na ndö ti ataba ni na ngangu, ala sara ngangu mingi na ala.

Ezekiel 34:8

Fini ti mbi! Tënë so mbi Kota Gbia NZAPA, mbi tene ayeke so: Azo anzi ataba ti mbi; anyama kue ti ngonda ate ala, ngbanga ti so wabatango ala ayeke daa pepe. Awabatango-taba ni ague, agi peko ti ataba ti mbi pepe. Me ala gi kobe gi ndali ti ala wani, ala gi kobe ndali ti ataba ni pepe.

Matthieu 12:11

Jésus akiri tënë na ala: “Tongana mbeni zo na popo ti ala ayeke na taba oko si taba ni ati na ya ti kota du na lango ti wungo tere, fade lo yeke gue ti gboto lo ti sigigi na lo pepe?

Nzoni Tënë so Luc asu na mbeti 13:15

*Kota Gbia akiri tënë na lo, atene: “Ala so tënë ti yanga ti ala ayeke nde na sarango ye ti ala so! Na lango ti wungo tere, ala oko oko ayeke zi bagara ti ala wala lele ti ala na ndo so a kanga lo daa ti gue na lo titene lo nyon ngu pepe?

Nzoni Tënë so Luc asu na mbeti 15:3

Jésus atene na ala toli so, lo tene:

Nzoni Tënë so Luc asu na mbeti 19:10

Biani, *Molenge ti Zo aga ti gi na ti soo azo so agirisa awe.”

Rome 2:1

Mo so mo yeke fâ ngbanga na li ti amba ti mo so, ataa mo yeke zo wa, mo baa ti mo, mo tene, mo yeke sigigi na ya ti tënë ni? So mo yeke fâ ngbanga na li ti amba ti mo so, mo yeke fâ nga ngbanga na li ti mo wani, ndali ti so mo nga, mo yeke sara mara ti aye so.

1 Pierre 2:25

Ala yeke ando tongana ataba so agirisa lege, me fadeso ala kiri na tere ti Christ so ayeke zo ti fango lege na ala si lo yeke nga zo ti batango fini ti ala.