Nzoni Tënë so Luc asu na mbeti 15:30 - Mbeti ti Nzapa - Tënë so amu fini

³⁰ Me molenge ti mo so kâ abuba aye ti mo kue na awali-ndumba! Fadeso lo ga si mo fâ bagara ti mafuta ndali ti lo!’

Nzoni Tënë so Luc asu na mbeti 15:30 ပူးပေါင်းရင်းမြစ်များ

Sigingo 32:11

Me Moïse avoro tere ti lo na KOTA GBIA, Nzapa ti lo, atene: “KOTA GBIA, azo ti mo so, na lege ti kota ngangu ti mo nga na lege ti ngangu ti maboko ti mo, mo sara si ala sigigi na kodro ti Ezipte so, ngbanga ti nyen si mo ye ti tuku ngonzo ti mo ti wâ na ndö ti ala?

Sigingo 32:7

Tongaso KOTA GBIA atene na Moïse: “Zu hio si! Biani, azo ti mo so mo zi ala na Ezipte, mo sigigi na ala so, ala buba lege ti ala awe.

Amato 29:3

Zo so aye tënë ti ndara, lo yeke zia ngia na be ti babâ ti lo; me zo so ayeke fono na awali-ndumba, lo yeke buba nginza ti lo kue.

Marc 12:44

Biani, tanga ti azo ni abi ti ala nginza so ala yeke na ye ti sarango na ni pepe; me ti lo, na ya ti yere ti lo, lo bi nginza so kue angba na lo ti te na kobe.”

Nzoni Tënë so Luc asu na mbeti 15:29

Me lo tene na Babâ ti lo: ‘Baa, mbi sara kua na mo ngu mingi; laoko mbi ke yanga ti mo pepe. Me laoko mo mu na mbi mbeni molenge ti ngasa pepe titene mbi fâ ti sara na matanga na amba ti mbi so mbi na ala e ye tere.

Nzoni Tënë so Luc asu na mbeti 15:31

Tongaso babâ ni atene na lo: ‘Molenge ti mbi, mo yeke lakue na tere ti mbi; aye ti mbi kue ayeke ti mo.

Nzoni Tënë so Luc asu na mbeti 15:32

Me ayeke fade nzoni titene e sara matanga, e sara ngia, ngbanga ti so ita ti mo so akui awe si lo kiri na fini; lo girisa si e kiri e wara lo.’ ”

Nzoni Tënë so Luc asu na mbeti 18:11

Farizien ni aluti ti lo lutingo si lo yeke sambela na ya ti be ti lo, lo tene: ‘Mbi mu singila na mo, Nzapa, ngbanga ti so mbi yeke tongana tanga ti azo kue pepe. Ala yeke ti ala azo ti nzi, azo ti kirikiri, azo ti gingo awali wala akoli ti azo. Mbi yeke nga tongana zo ti rongo nginza ti lapo so pepe.