Nzoni Tënë so Luc asu na mbeti 15:24 - Mbeti ti Nzapa - Tënë so amu fini

²⁴ ngbanga ti so molenge ti mbi so ala baa lo so, lo kui si lo zingo na kuâ; lo girisa si mbi wara lo.’ Ala to nda ti sarango matanga ni.

Nzoni Tënë so Luc asu na mbeti 15:24 ပူးပေါင်းရင်းမြစ်များ

Tongo nda ti aye 45:28

Lo tene: “Mbi yeda awe! Molenge ti mbi Joseph angba na fini; mbi ye ti gue ti baa lo kozo si mbi kui.”

Ésaïe 35:10

Azo so KOTA GBIA ayeke zi ande ala, ala yeke mu lege ni so ti kiri. Na singo ti ala na *Sion, ala yeke dekongo na ngia. Ngia so ayeke hunzi laoko pepe, ayeke su na ndö ti le ti ala. Ngia so ahon ndoni ayeke si be ti ala singo, pasi na demango tere ayeke hon.

Ésaïe 66:11

Tongaso, fade lo yeke mu na ala ye so ayeke de be ti ala. Ala yeke duti tongana kete molenge so anyon me ti mama ti lo, ya ti lo asi, tongana kete molenge so agboto ngu ti me ti mama ti lo na ngia.

Ezekiel 34:16

Taba so agirisa, fade mbi yeke gi lo; lo so agirisa lege, mbi yeke kiri na lo na ndö ti lege; lo so awara ka, mbi yeke kanga ka ni; lo so ayeke na kobela, mbi yeke sara titene lo wara ngangu. Me taba so akono konongo, lo so ayeke na ngangu, mbi yeke fâ lo. Mbi yeke gi kobe ndali ti ataba ti mbi na legeni.”

Ezekiel 34:4

Ataba so awoko, ala sara pepe titene ataba ni awara ngangu; ataba so ayeke na kobela, ala kai kobela na tere ti ala pepe; ataba so awara ka, ala kanga ka ni pepe; ataba so agirisa lege, ala kiri na ala na ndö ti lege pepe; ataba so agirisa, ala gi ala pepe. Me ala sara komandema na ndö ti ataba ni na ngangu, ala sara ngangu mingi na ala.

Matthieu 8:22

Jésus akiri tënë na lo: “Mu peko ti mbi; zia akuâ alu akuâ ti ala.”

Marc 8:22

Jésus na adisiple ti lo asi na Betsaida; ambeni zo amu mbeni waziba, aga na lo na Jésus si ala voro lo titene lo ndu lo.

Nzoni Tënë so Luc asu na mbeti 10:19

Ala ma! Mbi mu na ala ngangu ti do angbo na akparakongo na gere ti ala; mbi mu nga na ala ngangu ti hon ndö ti wato. Mbeni ye ti sarango sioni na ala ayeke daa pepe.

Nzoni Tënë so Luc asu na mbeti 15:23

Ala mu bagara ti mafuta afâ lo, e te, e sara matanga,

Nzoni Tënë so Luc asu na mbeti 15:25

“Andaa kozo molenge ni ayeke ti lo na yaka. Na kiringo ti lo, so lo si nduru na tere ti da, lo ma mozoko na dodo.

Nzoni Tënë so Luc asu na mbeti 15:32

Me ayeke fade nzoni titene e sara matanga, e sara ngia, ngbanga ti so ita ti mo so akui awe si lo kiri na fini; lo girisa si e kiri e wara lo.’ ”

Nzoni Tënë so Luc asu na mbeti 15:4

“Na popo ti ala, tongana mbeni zo ayeke na ataba ngbangbo oko si mbeni oko agirisa, lo yeke zia atanga ni balegumbaya na gumbaya na benyama ti gue ti gi lo so agirisa so, ngbii lo wara lo si pepe?

Nzoni Tënë so Luc asu na mbeti 19:10

Biani, *Molenge ti Zo aga ti gi na ti soo azo so agirisa awe.”

Nzoni Tënë so Luc asu na mbeti 9:60

Jésus atene na lo: “Zia akuâ alu akuâ ti ala; me ti mo, mo gue, mo fa na azo tënë ti kodro-gbia ti Nzapa.”

Jean 11:25

Jésus atene na lo: “Mbi yeke zingongo ti akuâ, mbi yeke fini. Zo so ama na be na mbi, ataa lo kui, fade lo yeke duti na fini.

Jean 5:21

Tongana ti so Babâ ayeke zingo akuâ si lo yeke mu na ala fini, Molenge nga ayeke mu fini na zo so be ti lo aye.

Rome 11:15

So Nzapa apusu azuife yamba so, ni laa asara si songo akiri na popo ti azo ti dunia na Nzapa. Tongana Nzapa akiri ande na azuife na tere ti lo, fade ye ni ayeke duti tongana nyen? Ye ni ayeke duti tongana ti azo so akui si akiri na fini!

Rome 12:15

Ala sara ngia na azo so ayeke na ngia, ala toto na azo so ayeke toto.

Rome 6:11

Ala nga, alingbi ala baa tere ti ala tongana ti so ala kui awe ti kangbi na siokpari si na lege ti gango so ala ga oko na Jésus Christ, ala yeke na fini ndali ti Nzapa.

Rome 6:13

Ala mu mbage ti tere ti ala oko pepe ti sara na siokpari si aga ye ti sarango na ye ti kirikiri. Me ala mu tere ti ala kue na Nzapa tongana azo so azingo na kuâ awe si ayeke na fini; ala mu tere ti ala kue ti sara na kua ti lo si tere ti ala ni aga ye ti sarango na ye ti mbirimbiri.

Rome 8:2

Biani, *Ndia ti Yingo ayeke mu fini na zo na lege ti gango so zo ni aga oko na Jésus Christ. Ndia ti Yingo ni azi mbi na gbe ti ndia ti siokpari nga na ti kuâ awe.

1 Korente 12:26

Tongana mbeni mbage ti tere oko ayeke baa pasi, atanga ni kue ayeke baa pasi legeoko na lo. Tongana a ne mbeni mbage ti tere oko, fade ayeke ne nga atanga ni kue.

Efeze 2:1

Ando na le ti Nzapa, ala yeke azo so akui awe ndali ti asioni ye na asiokpari so ala sara.

Efeze 2:5

Ataa so na le ti Nzapa e yeke ando azo so akui awe ngbanga ti sioni ti e, lo kiri lo mu na e fini legeoko na Christ. Ndali ti nzoni be ti Nzapa si ala soo kuâ.

Efeze 5:14

ngbanga ti so ye so a fa ni na gigi polele aga ye so ayeke na ya ti lumiere. Ndani laa, a tene: “Mo zingo, mo so mo yeke lango. Mo londo na popo ti akuâ, fade Christ aza lumiere ti lo na ndö ti mo.”

Kolose 2:13

Ando, ala yeke azo so akui awe ndali ti asioni so ala sara nga ndali ti so ala fâ ganza ti tere pepe. Me fadeso, Nzapa akiri na ala na fini, ala na Christ. Lo zi asiokpari so ayeke na li ti e kue awe.

1 Timothée 5:6

Me wali-mua so be ti lo ayeke na ndö ti anzerengo ye ti dunia so, lo kui awe, ataa so lo ngba na fini.

Jude 1:12

A-ita, na ndembe so ala yeke te kobe ti beoko si azo ni so ayeke na popo ti ala, azo ni aga tongana mbeni sarate na ya ti matanga ti ala ti tengo kobe. Azo ni so ayeke te ye na kamene pepe, ala hinga gi nzara ti ya ti ala. Ala yeke tongana ambinda so pupu ayeke hon na ni si ngu apika na peko ni pepe. Ala yeke nga tongana akeke so ale pepe, ataa so ndembe ni alingbi awe; tongana a zi gere ni, akui biani biani.

Aye so Nzapa afa 3:1

“Su mbeti so, mo tokua na *ange so ayeke na li ti *Eglize ti gbata ti Sarde: “Lo so lo yeke na ayingo ti Nzapa mbarambara na atongoro mbarambara, atene: mbi hinga aye so mo yeke sara. Azo abaa mo atene, mo yeke na fini, andaa mo kui awe.