Nzoni Tënë so Luc asu na mbeti 15:22 - Mbeti ti Nzapa - Tënë so amu fini

²² Me babâ ni atene na azo ti kua ti lo: ‘Ala mu bongo so ayeke pendere ahon atanga ni kue aga na ni hio, ayu na lo, ala yoro bage na maboko ti lo, ala yu na lo poro.

Nzoni Tënë so Luc asu na mbeti 15:22 ပူးပေါင်းရင်းမြစ်များ

Tongo nda ti aye 41:42

Faraon azi bage so ayeke na maboko ti lo, lo yoro ni na maboko ti Joseph. Lo yu na Joseph mbeni pendere bongo so a sara ni na *len si lo zia na go ti lo ye ti go so a sara ni na lôro.

Esther 3:10

Gbia azi bage so ayeke na li ti maboko ti lo si lo mu na Haman, wato ti azuife. Haman ayeke molenge ti Hamedata si lo yeke nga mbeni hale ti Agag.

Esther 8:2

Bage ti gbia so ayeke lani na li ti maboko ti Haman so, gbia azi ni si amu na Mardochée. Esther amu Mardochée si azia lo ti baa ndo na ndö ti akungba kue ti da ti Haman.

Abia (Psaumes) 132:16

Mbi yeke mu tënë ti songo zo na kuâ ti yu na awayango-sandaga ti lo tongana bongo, tongaso azo ti lo ayeke dekongo na ngia.

Abia (Psaumes) 132:9

Ayeke nzoni awayango-sandaga ti mo amu tënë ti songo zo na kuâ, ala yu ni tongana bongo; ayeke nzoni azo ti mo adekongo na ngia.

Abia (Psaumes) 18:33

Nzapa so ayeke mu na mbi ngangu, lo yeke sara si lege ti mbi aga nzoni kue.

Abia (Psaumes) 45:13

Azo ti gbata ti Tir, ala so ayeke na mosoro mingi, fade ala yeke ga na mo akadoo titene be ti mo anzere na ala.

B. ti abia 7:1

Sulamite, mo kiri, mo kiri, mo kiri si e lingbi ti baa mo. Ngbanga ti nyen ala ye ti baa Sulamite na ngoi so lo yeke dodo si bongbi use ti azo ayeke baa lo so?

Ésaïe 61:10

Mbi yeke na ngia mingi ndali ti *KOTA GBIA. Be ti mbi asi singo na ngia ndali ti Nzapa ti mbi. Biani, lo soo mbi na kuâ si aga tongana bongo ti matanga na tere ti mbi. Lo yu mbirimbiri na tere ti mbi tongana kota bongo. Mbi kpa koli so amu wali na fini ni si lo zia kpoto ti gbia na li ti lo tongana ti wayango-sandaga, wala wali so amu koli na fini ni si lo yu aye ti pendere.

Nzoni Tënë so Luc asu na mbeti 15:21

Molenge ni atene na lo: ‘Babâ, mbi sara siokpari so ake Nzapa si ake nga mo; mbi lingbi titene mo kiri mo iri mbi molenge ti mo pepe.’

Nzoni Tënë so Luc asu na mbeti 15:23

Ala mu bagara ti mafuta afâ lo, e te, e sara matanga,

Rome 13:14

Me ala yu *Kota Gbia Jésus Christ tongana ye ti bira. Ala zia lege pepe na be ti ala so ayeke pusu ala ti sara ye alingbi na asioni nzara ti lo.

Rome 3:22

Nzapa asara si azo aga mbirimbiri na le ti lo na lege so ala ma na be na Jésus Christ. Lo sara ni ndali ti azo so kue ama na be na Christ, ngbanga ti so kangbi ayeke na popo ti ala pepe:

Rome 8:15

Yingo so ala wara ayeke Yingo ti sarango ala na ngbaa pepe, Yingo ti ziango mbeto na be ti ala pepe, me Yingo so ayeke sara titene ala ga amolenge ti Nzapa. Na lege ti lo, e yeke dekongo na Nzapa, e tene: “Abba!”, so ti tene “Babâ!”

Galasii 3:27

Ala kue awara bateme awe, ala ga oko na Christ. Tongaso, lege ti dutingo ti ala aga tongana ti Christ awe.

Efeze 6:15

ala yu nzara ti fango Nzoni Tënë ti siriri tongana ti so zo ayeke yu poro ti hon na ndo kue.

Ndia ti fani use ni 33:25

Ayeke nzoni a kanga yanga ti gbagba ti lo na angbongboro kerere ti wen na ti bengba wen. Ayeke nzoni ngangu ti lo angba alingbi na lango ti fini ti lo kue!”

Aye so Nzapa afa 19:8

A mu na lo pendere bongo ti *len so ayeke za zango si ayeke *nzoni titene lo yu ni.” (Bongo ti len ni ayeke aye ti mbirimbiri so azo ti Nzapa asara.)

Aye so Nzapa afa 2:17

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize! “Zo so aso benda, fade mbi yeke mu na lo *mane so angba na hondengo ni. Mbi yeke mu nga na lo mbeni vuru têne so a su fini iri na ndö ni, mbeni zo nde ahinga iri ni pepe, gi zo so awara iri ni si ahinga.”

Aye so Nzapa afa 3:18

Ndani laa mbi yeke mu wango na mo titene mo vo lôro so a kporo ni na wâ si a zi asioni ye kue daa so; vo ni na maboko ti mbi si mo ga zo ti mosoro. Vo nga abongo na maboko ti mbi titene mo yu si azo abaa tere ti mo so ayeke senge so pepe. Vo yoro ti le na maboko ti mbi, mo zia na le ti mo si mo kiri mo baa ndo nzoni.

Aye so Nzapa afa 6:11

Na pekoni, a mu yongoro vuru bongo na ala oko oko kue si a hunda na ala ti ku kete, ngbii azo ni afâ tanga ti amba ti ala, azo ti kua ti Nzapa na a-ita ti ala, tongana ti so a fâ ala so si; me wungo ti ala ade ti lingbi pepe.

Aye so Nzapa afa 7:9

Na pekoni, mbi kiri mbi baa azo gbani gbani, zo alingbi ti diko wungo ti ala pepe. Azo ni ayeke azo ti amara kue, azo ti akete mara kue, azo ti ayanga ti akodro nde nde kue. Ala yeke luti na le ti lo so ayeke duti na ndö ti mbata ti gbia nga na le ti Molenge ti Taba; ala kue ayu ayongoro vuru bongo si ala gbu amaboko ti keke ti mburu na maboko ti ala.