Nzoni Tënë so Luc asu na mbeti 15:17 - Mbeti ti Nzapa - Tënë so amu fini

¹⁷ Tongaso lo to nda ti gbu li ti lo si lo tene na be ti lo, lo tene: ‘Kobe ti tengo ni asi singo na azo ti kua ti babâ ti mbi si mbi yeke kui nzara ge so!

Nzoni Tënë so Luc asu na mbeti 15:17 ပူးပေါင်းရင်းမြစ်များ

Abia (Psaumes) 119:59

Mbi gbu li ti mbi na ndö ti tambula ti mbi si mbi kiri na ndö ti ye so mo hunda na mbi.

Abia (Psaumes) 73:20

Tongana ti so zo abaa li ti lo si na ndaperere, lo girisa ni, Kota Gbia, na ndembe so mo yeke londo, mo yeke sara si azo agirisa ala.

Zo ti bongbingo azo 9:3

Na ndö ti sese so, mbeni sioni ye ayeke so: gi oko ye ayeke si na azo kue. Ndani laa be ti azo asi singo na aye ti sioni. So ala de na fini, ala sara ye tongana azo ti buba. Me na ndani, ala yeke gue na ndo ti akuâ.

Jérémie 31:19

Taa-tënë, e hon lani yongoro na tere ti mo, me fadeso e zia lege ni awe. E hinga sioni ti e awe, fadeso e zia maboko na go ti e, kamene ahon ndö ti e si e ga buba ndali ti ye so e sara na ndembe so e de maseka; ye ti peko ni laa e wara awe so.’ ”

Abia ti demango tere 1:7

Gbata ti Jérusalem aga buba awe, gbata ni aga tongana mbeni zo so ayeke hon kirikiri, ngbonda ti lo agbu sese pepe. Na ya ti alango ni so, lo dabe ti lo na amosoro ti lo so lo yeke na ni ando. Fadeso azo ti gbata ti Jérusalem kue ati na ya ti maboko ti awato awe, zo ti ga ti mu maboko na ala ayeke daa pepe. Awato abaa gbata ti Jérusalem ni, ala yeke he ni hengo, ngbanga ti so gbata ni akiri angba gbata pepe.

Ezekiel 18:28

Tongana li ti lo aga daa, lo baa aye ti sioni ti lo tongana sioni ye si lo zia lege ni, biani, lo yeke ngba na fini, lo yeke kui pepe.

Osée 2:7

Biani, mama ti amolenge ni asara ye ti ndumba, mama ti dungo ala asara ye ti kamene na tere ti lo. Biani, lo tene: ‘Mbi ye ti kpe na peko ti andeko ti mbi, ala so ayeke mu na mbi kobe na ngu, bongo so a sara na kua ti tere ti taba na bongo ti *len, mafuta nga na samba.’

Nzoni Tënë so Luc asu na mbeti 15:16

Lo yeke fade na nzara ti te akobe so anguru ni ayeke te titene ya ti lo asi, me zo ti mungo ni na lo ayeke daa pepe.

Nzoni Tënë so Luc asu na mbeti 16:23

Na ndo ti akuâ, zo ti mosoro ni ayeke baa pasi mingi. Lo yo le ti lo na nduzu si lo baa Abraham yongoro kâ; Lazare ayeke na tere ti lo.

Nzoni Tënë so Luc asu na mbeti 8:35

Azo aga ti baa ye so asi so. Ala si na tere ti Jésus si ala baa koli so lani asioni yingo asigigi na ya ti lo so. Lo yeke duti na gbe ti Jésus, lo yu bongo si li ti lo aga nzoni. Mbeto agbu ala kue.

Awatokua 12:11

Na pekoni, li ti Pierre akiri daa si lo tene: “Fadeso, mbi hinga so ye ni ayeke taa-tënë: Kota Gbia atokua ange ti lo si lo zi mbi na maboko ti Herode nga na ya ti asioni ye so kue azuife ayeke ku ti sara.”

Awatokua 2:37

So azo ni ama tënë so, tënë ni agbu be ti ala mingi si ala hunda Pierre na ambeni watokua ni, atene: “A-ita, nyen laa alingbi e sara?”

Efeze 5:14

ngbanga ti so ye so a fa ni na gigi polele aga ye so ayeke na ya ti lumiere. Ndani laa, a tene: “Mo zingo, mo so mo yeke lango. Mo londo na popo ti akuâ, fade Christ aza lumiere ti lo na ndö ti mo.”