Nzoni Tënë so Luc asu na mbeti 15:13 - Mbeti ti Nzapa - Tënë so amu fini

¹³ Lango kete na pekoni, ngambe ni aka aye ti lo kue si lo mu lege, lo gue na mbeni kodro yongoro. Kâ, lo buba aye ti lo kue na sarango aye ti kirikiri.

Nzoni Tënë so Luc asu na mbeti 15:13 ပူးပေါင်းရင်းမြစ်များ

Abia (Psaumes) 73:27

Tongaso, zo so ahon yongoro na mo, fade lo yeke kui; zo so azia lege ti mo, mo yeke zi fini ti lo.

Amato 18:9

Zo so asara sopo na kua ti lo, lo yeke ita ti zo so abuba kua ni.

Amato 21:17

Zo so aye ti sara matanga mingi, fade aye mingi ayeke tia lo; zo so aye gi samba na apendere kobe, lo yeke ga zo ti mosoro laoko pepe.

Amato 21:20

Na da ti zo ti ndara, gba ti anzoni ye na apendere kobe ayeke daa; me zo ti buba abuba ti lo aye ni kue.

Amato 27:8

Zo so azia kodro ti lo ti hon na ando kirikiri, lo yeke tongana ndeke so azia da ti lo ti hon na ando kirikiri.

Amato 28:7

Molenge so ayeke sara ye alingbi na Ndia, lo yeke zo ti hingango ye; me lo so lo yeke mu peko ti azo ti sarango ye ti kamene, lo yeke zia kamene na le ti babâ ti lo.

Amato 29:3

Zo so aye tënë ti ndara, lo yeke zia ngia na be ti babâ ti lo; me zo so ayeke fono na awali-ndumba, lo yeke buba nginza ti lo kue.

Amato 6:26

Biani, ti wali-ndumba, kete nginza alingbi lo awe; me wali ti mbeni koli nde ayeke mu fini ti mo kue.

Ésaïe 1:4

Ae! Ala azo ti mara ti sarango siokpari, ala azo ti fango zo, ala *ahale ti sioni, ala amolenge ti kirikiri! Ala zia *KOTA GBIA awe; ala ke Nzapa ti Israel, lo so lo yeke nde si lo yeke nzoni kue; ala zia peko ti ala na lo.

Ésaïe 22:13

Andaa ala yeke dodo, ala yeke sara ngia: ala fâ abagara, ala fâ ataba, ala te nyama, ala nyon vin. Ala tene: “E te, e nyon, ngbanga ti so kekereke, e yeke kui.”

Ésaïe 30:11

Ala zia nzoni lege, ala hon yamba, ala londo na ndö ti nzoni lege. Ala kiri atene na e tënë ti Nzapa ti Israel pepe, lo so lo yeke nde si lo yeke nzoni kue so!”

Ésaïe 56:12

Ala tene: “Ala ga, e gue, e gi vin, e nyon ngangu samba alingbi na e. Kekereke, e yeke kiri ti sara gi tongaso: samba angba mingi.”

Jérémie 2:13

Azo ti mbi asara asioni ye use: ala do mbi azia, mbi so mbi yeke li ti ngu so ayeke mu fini na zo; ala gue ti zi du ti ngu ndali ti ala wani; andaa du ti ngu ni akoro korongo; du ni alingbi ti bata ngu pepe.”

Jérémie 2:31

– Ala, azo ti fadeso, ala ma tënë ti KOTA GBIA mbirimbiri! – Ala, azo ti Israel, mbi ga tongana benyama ndali ti ala? Wala kodro so ndo avuko daa pitipiti? Ala, azo ti mbi, ndani nyen si ala yeke tene: ‘E yeke gue na ndo so be ti e aye, e yeke kiri na mo mbeni pepe’ so?

Jérémie 2:5

Tënë so *KOTA GBIA atene ayeke so: “Lawa laa akotara ti ala abaa mbeni ye ti kirikiri so mbi sara si ala hon yongoro na tere ti mbi so? Ala gue na peko ti asenge senge ye si ala nga, ala ga asenge senge ye.

Mishe 6:3

lo tene: “Ala azo ti mbi, nyen laa mbi sara na ala, nyen? Ye so mbi sara si awoko ngangu ti ala so ayeke nyen? Ala kiri tënë na mbi!

Nzoni Tënë so Luc asu na mbeti 15:12

Ngambe ni atene na babâ ti lo: ‘Babâ, mu na mbi fadeso aye so ayeke ga ande ti mbi.’ Tongaso babâ ni akangbi ya ti aye ti lo na ala use kue.

Nzoni Tënë so Luc asu na mbeti 15:14

So lo buba nginza ti lo ni kue awe, kota nzara ati na ya ti kodro ni si ye oko angba na lo pepe.

Nzoni Tënë so Luc asu na mbeti 15:30

Me molenge ti mo so kâ abuba aye ti mo kue na awali-ndumba! Fadeso lo ga si mo fâ bagara ti mafuta ndali ti lo!’

Nzoni Tënë so Luc asu na mbeti 16:1

Na pekoni, Jésus atene na adisiple ti lo: “Mbeni zo ti mosoro ayeke na ndombe so lo zia lo na ndö ti aye ti lo. Azo aga atene na lo atene, ndombe ti lo ni ayeke buba aye ti lo.

Nzoni Tënë so Luc asu na mbeti 16:19

“Ando, mbeni zo ti mosoro ayeke daa so lo yeke yu gi apendere bongo ti nginza. Lo yeke duti nzoni si lakue na da ti lo, gi matanga na matanga.

Efeze 2:13

Ando, ala so ayeke yongoro na Nzapa, fadeso, na lege ti gango so ala ga oko na Christ, ala ga nduru na Nzapa, ngbanga ti so mene ti Christ atuku ndali ti ala.

Efeze 2:17

Lo ga ti fa Nzoni Tënë ti siriri na ala, azo ti amara nde so ayeke ando na yongoro ndo nga na ala so ayeke nduru.

2 Pierre 2:13

Futa so ala yeke wara ande na peko ti sarango ye ti kirikiri ti ala ni laa. Ye so anzere na be ti azo ni ayeke sarango ye ti kamene na kota lâ. Tongana ala duti na ndo oko na ala, a-ita, ti te ti nyon, so ayeke mbeni ye ti kamene si ayeke sara titene iri ti ala abuba. Azo ni ayeke wara ngia na lege ti handango ala, a-ita.