Nzoni Tënë so Luc asu na mbeti 15:10 - Mbeti ti Nzapa - Tënë so amu fini

¹⁰ Ndani laa mbi tene na ala: ngia ayeke na popo ti *a-ange ti Nzapa, ndali ti zo ti siokpari oko so azia ngbene lege ti sarango ye ti lo.”

Nzoni Tënë so Luc asu na mbeti 15:10 ပူးပေါင်းရင်းမြစ်များ

Ezekiel 18:23

Ala baa ti ala atene, be ti mbi anzere na kuâ ti zo ti sioni? Ye so anzere na be ti mbi, ayeke titene lo zia lege ti asioni ti lo si lo ngba na fini. So tënë ti yanga ti Kota Gbia NZAPA laa.

Ezekiel 18:32

Biani, be ti mbi anzere na kuâ ti mbeni zo pepe; so tënë ti yanga ti mbi, Kota Gbia NZAPA laa. Ala zia lege ti sioni si ala ngba na fini!”

Ezekiel 33:11

Tene na ala, mo tene: Fini ti mbi! So tënë ti yanga ti Kota Gbia NZAPA laa. Mbi yeke wara ngia ndali ti kuâ ti zo ti sioni? Ye so anzere na be ti mbi ayeke titene zo ti sioni azia sioni lege ti sarango ye ti lo si lo duti na fini. Ala azo ti Israel, ala zia sioni lege ti sarango ye ti ala, ala zia ni! Ala ye ti kui ngbanga ti nyen?

Matthieu 10:32

“Zo so kue atene na le ti azo atene, ni yeke zo ti mbi, fade mbi nga, mbi yeke tene na le ti Babâ ti mbi so ayeke na yayu, mbi tene, lo yeke zo ti mbi.

Matthieu 18:10

“Ala sara hange si ala baa mbeni molenge oko na popo ti amolenge so tongana mbumbuse zo pepe! Mbi tene na ala so *a-ange ti amolenge so ayeke kâ na yayu, ala yeke luti lakue na le ti Nzapa, Babâ ti mbi so ayeke na yayu. [

Matthieu 18:14

Tongaso nga, Babâ ti ala so ayeke na yayu aye titene mbeni oko na popo ti amolenge so agirisa pepe.”

Nzoni Tënë so Luc asu na mbeti 12:8

“Mbi tene na ala: zo so kue atene na le ti azo atene, ni yeke zo ti mbi, fade *Molenge ti Zo nga ayeke tene na le ti *a-ange ti Nzapa atene, lo yeke zo ti ni.

Nzoni Tënë so Luc asu na mbeti 12:9

Me zo so abere tënë ti mbi na le ti azo, fade mbi nga, mbi yeke bere tënë ti lo na le ti a-ange ti Nzapa.

Nzoni Tënë so Luc asu na mbeti 13:5

Oko pepe! Mbi tene na ala: tongana ala zia ngbene lege ti sarango ye ti ala pepe, fade ala kue ayeke kui gi tongaso.”

Nzoni Tënë so Luc asu na mbeti 15:11

Jésus akiri atene: “Mbeni koli ayeke na amolenge ti lo ti koli use.

Nzoni Tënë so Luc asu na mbeti 15:7

Mbi tene na ala: ngia ayeke tongaso na yayu ndali ti zo ti siokpari oko so azia ngbene lege ti sarango ye ti lo; ngia so ahon ngia ndali ti azo ti mbirimbiri balegumbaya na gumbaya so nzara ti zia ngbene lege ti sarango ye ti ala ayeke sara ala pepe.”

Nzoni Tënë so Luc asu na mbeti 15:9

Tongana lo wara ni awe, lo iri awali so lo na ala aye tere nga na awali ti tere ti da ti lo si lo tene na ala, lo tene: ‘Ala ga, e sara ngia, ngbanga ti so le ti nginza ti mbi so agirisa so, mbi wara ni awe.’

Nzoni Tënë so Luc asu na mbeti 7:47

Ndani laa mbi tene na mo: kota ndoye so lo yeke na ni afa atene, gba ti asiokpari so lo sara, Nzapa azi ni na li ti lo awe. Me zo so a zi tënë na li ti lo gi kete, lo yeke na ndoye gi kete.”

Awatokua 11:18

So ala ma tënë so, be ti ala ade si ala gonda Nzapa, atene: “Nzapa amu nga lege na azo ti amara nde ti zia ngbene lege ti sarango ye ti ala si ala wara fini!”

Awatokua 5:19

Me na bi ni, mbeni *ange ti *Kota Gbia azi yanga ti da ti kanga ni, lo mu awatokua ni, lo sigigi na ala si lo tene na ala:

2 Korente 7:10

Vundu so Nzapa ayeda na ni ayeke sara titene zo azia ngbene lege ti sarango ye ti lo si lo lingbi ti soo kuâ. Mara ti vundu so, be ti zo alingbi ti so daa pepe. Me vundu so asara si zo azia ngbene lege ti sarango ye ti lo pepe, ni laa ayeke gue na zo na kuâ.

Philémon 1:15

Mbi hinga pepe, Onezime akangbi na mo na ya ti kete ngoi titene na pekoni, mo kiri mo wara lo si lo ngba na mo lakue lakue.

Ahebro 1:14

A-ange ayeke gi ayingo so ayeke sara kua na Nzapa: lo yeke tokua ala titene ala sara nzoni na azo so lo ye ti soo ala.