Nzoni Tënë so Luc asu na mbeti 14:32 - Mbeti ti Nzapa - Tënë so amu fini

³² Tongana lo baa lo lingbi pepe, so mbeni gbia ni angba yongoro, lo yeke tokua ambeni zo ti lo ti hunda titene ala leke songo na popo ti ala.

Nzoni Tënë so Luc asu na mbeti 14:32 ပူးပေါင်းရင်းမြစ်များ

Mbeti ti Job 40:9

Ngangu ti maboko ti mo alingbi na ti mbi Nzapa? Go ti mo atoto alingbi na sungbango ti bekpa ti mbi?

Matthieu 5:25

“Tongana zo so mo na lo awara tënë amu mo ti gue na mo na ngbanga, so ala ngba na lege ti gue, mo gi lege ti leke tënë ni hio, ngbanga ti lo mu mo na wafango-ngbanga si wafango-ngbanga ni azia mo na maboko ti aturugu titene ala bi mo na da ti kanga.

Matthieu 5:42

Tongana mbeni zo ahunda ye na mo, mu ni na lo. Tongana mbeni zo ahunda yongo na mo, gbanzi lo na ni pepe.”

Nzoni Tënë so Luc asu na mbeti 12:58

Tongana mo na wato ti mo ayeke gue na gbe ti ngbanga, mo sara kue ti leke tënë na lo na lege. Tongaso pepe, lo yeke gboto mo ti gue na mo na gbe ti wafango-ngbanga, wafango-ngbanga ni ayeke zia mo na maboko ti aturugu si aturugu ni ayeke bi mo na da ti kanga.

Nzoni Tënë so Luc asu na mbeti 14:31

Wala tongana mbeni gbia aye ti gue ti tiri bira na mbeni gbia, lo yeke duti kozoni ti gbu li ti lo ti baa wala lo na aturugu saki baleoko, lo lingbi ti hon ndö ti gbia so ayeke ga na aturugu saki baleuse ti tiri na lo.

Nzoni Tënë so Luc asu na mbeti 14:33

Legeoko tongaso, na popo ti ala, zo so azia aye ti lo kue pepe, lo lingbi ti duti disiple ti mbi pepe.”

Nzoni Tënë so Luc asu na mbeti 19:14

Me amba ti lo azo ti kodro ni aye tënë ti lo pepe. Nilaa ala tokua ambeni zo na peko ti lo titene ala gue, atene: ‘E ye si koli so ale-gbia na ndö ti e pepe.’

Awatokua 12:20

Be ti Herode aso mingi na azo ti Tir na ti Sidon. Azo ni ama tere ti gue ti baa Herode. Ala gue kozoni abaa Blastus, makonzi-kubu ti gbia titene lo gbu koko ti ala. Na pekoni, ala gue na Herode titene ala ma tere si siriri akiri na popo ti ala. Andaa kobe ayeke londo na kodro ti gbia Herode si ayeke gue na kodro ti ala.