Nzoni Tënë so Luc asu na mbeti 14:26 - Mbeti ti Nzapa - Tënë so amu fini

²⁶ “Tongana zo aga na mbi, alingbi lo ye mbi ahon babâ ti lo, mama ti lo, wali ti lo, amolenge ti lo, a-ita ti lo ti koli na ti wali nga na tere ti lo wani si lo duti disiple ti mbi.

Nzoni Tënë so Luc asu na mbeti 14:26 ပူးပေါင်းရင်းမြစ်များ

Abia (Psaumes) 139:22

Be ti mbi ake ala biani biani; ala ga taa awato ti mbi.

Wungo ti azo 10:30

Hobab akiri tënë na lo: “Mbi yeke gue pepe; mbi yeke kiri na kodro ti mbi, na ya ti sewa ti mbi.”

Matthieu 10:37

Zo so aye babâ wala mama ti lo ahon mbi, lo lingbi ti duti disiple ti mbi pepe; zo so aye molenge ti lo ti koli wala ti wali ahon mbi, lo lingbi ti duti disiple ti mbi pepe.

Nzoni Tënë so Luc asu na mbeti 14:20

Mbeni atene ti lo: ‘Mbi mu wali gi fafadeso, mbi lingbi ti gue pepe.’

Nzoni Tënë so Luc asu na mbeti 14:25

Jésus na gba ti azo ayeke tambula oko na lege ti gue. Lo baa ndo na peko si lo tene na ala:

Jean 12:25

Zo so aye ti bata fini ti lo ndali ti lo wani, fade lo yeke girisa ni; me zo so ake fini ti lo na ndö ti dunia so, fade lo yeke bata ni ndali ti fini so angba lakue lakue.

Awatokua 20:24

Me mbi baa so fini ti mbi ayeke senge ye na le ti mbi. Ye so mbi yeke gi lege ni, ayeke ti hunzi kua ti mbi, ti sara ye so kue Kota Gbia Jésus amu na mbi ti sara, so ti tene kua ti fango Nzoni Tënë ti nzoni be ti Nzapa na azo.

Rome 9:13

Nilaa Mbeti ti Nzapa atene: “Mbi ye Jacob, me mbi ke Ezau.”

Ndia ti fani use ni 21:15

Moïse atene: Mbeni ye tongaso alingbi ti si: mbeni koli alingbi ti duti na awali use; lo ye mbeni wali ni, me lo ye mbeni pepe. Awali ni use kue adu na lo amolenge-koli, me kozo molenge ni ayeke ti wali so koli ni aye lo pepe so.

Ndia ti fani use ni 33:9

Ala baa babâ na mama ti ala tongana azo pepe, ala baa amolenge ti ala na a-ita ti ala tongana azo pepe; me ala bata tënë ti yanga ti mo, ala sara ye alingbi na *mbuki ti mo.

Filipe 3:8

Biani, mbi baa aye so kue ayeke abuba ye tongana mbi haka ni na hingango Jésus Christ, *Kota Gbia ti mbi. Ti hinga Jésus ayeke nzoni ahon ye kue. Ndali ti lo laa mbi zia aye ti mbi kue abuba; mbi baa aye ni kue tongana zende titene mbi wara Christ

Aye so Nzapa afa 12:11

A-ita ti e ni ahon ndö ti lo na lege ti mene ti Molenge ti Taba nga na lege ti taa-tënë so ala fa ni. Ala baa fini ti ala tongana senge ye si ala yeda ti ka tere ti ala na kuâ.