Nzoni Tënë so Luc asu na mbeti 14:22 - Mbeti ti Nzapa - Tënë so amu fini

²² Na pekoni, zo ti kua ni akiri aga si lo tene na lo: ‘Kota zo, ye so mo mu yanga daa na e ti sarango ni so, e sara ni awe, me ambeni ndo angba senge.’

Nzoni Tënë so Luc asu na mbeti 14:22 ပူးပေါင်းရင်းမြစ်များ

Abia (Psaumes) 103:6

KOTA GBIA ayeke fâ ngbanga mbirimbiri, azo so amba ti ala asara ngangu na ala, lo yeke fâ ngbanga ti ala na legeni.

Abia (Psaumes) 130:7

Azo ti Israel, ala zia be ti ala ti ku KOTA GBIA, ngbanga ti so lo yeke na nzoni be; lege so lo yeke soo na azo ayeke gbani gbani.

Nzoni Tënë so Luc asu na mbeti 14:21

Zo ti kua ni akiri si lo fa peko ti tënë ni na makonzi ti lo. Tongaso, ngonzo agbu makonzi ti da ni si lo tene na zo ti kua ti lo ni, lo tene: ‘Gue fafadeso na ndo so azo abongbi daa, na ndö ti abalabala ti gbata ni, mo iri azo ti mawa, azo so mbage ti tere ti ala abuba, awaziba na ala so gere ti ala aba bango, mo ga na ala na ndo so.’

Nzoni Tënë so Luc asu na mbeti 14:23

Tongaso makonzi ni atene na zo ti kua ni: ‘Gue na ndö ti alege nga na tere ti agbagba, mo mu azo na ngangu mo ga na ala, tongaso si ya ti da ti mbi asi singo.’

Jean 14:2

Ndo ti duti ayeke mingi na ya ti da ti Babâ ti mbi. Ndani laa, mbi tene na ala kozoni, mbi tene: ‘Mbi yeke gue ti leke ndo na ala.’ Tongana ye ni ayeke tongaso pepe, ka mbi tene na ala kozoni pepe.

Efeze 3:8

Na popo ti azo ti Nzapa kue, mbi laa mbi yeke kete zo ahon atanga ni kue, me Nzapa amu na mbi lege ti fa Nzoni Tënë na azo ti amara nde, so ti tene gba ti anzoni ye ti Christ so zo agi li ti lo na nda ni gbaa.

Kolose 2:9

Biani, Nzapa aduti kue kue kue na ya ti tere ti Christ so aga zo.

1 Jean 2:2

Jésus Christ amu tere ti lo na *sandaga ti zi asiokpari ti e; gi asiokpari ti e oko pepe, me ti azo ti dunia kue.