Nzoni Tënë so Luc asu na mbeti 14:13 - Mbeti ti Nzapa - Tënë so amu fini

¹³ Me tongana mo sara matanga, ayeke nzoni mo tisa azo ti mawa, na ala so mbage ti tere ti ala abuba, na ala so gere ti ala aba bango na awaziba.

Nzoni Tënë so Luc asu na mbeti 14:13 ပူးပေါင်းရင်းမြစ်များ

2 Samuel 6:19

Na pekoni, lo kangbi kobe na azo kue, so ti tene azo ti Israel so ayeke gbani gbani so kue, akoli na awali, zo oko oko awara mapa oko, gba oko ti aholengo le ti date so akpa gatoo na gba oko ti aholengo le ti *vinye. Na pekoni, zo oko oko akiri na da ti lo.

2 Mbai 30:24

Andaa Ezekias, gbia ti Juda amu akoli-bagara saki oko na ataba saki mbarambara ndali ti bongbi ti azo ni. Amakonzi amu akoli-bagara saki oko na ataba saki baleoko ndali ti azo ni. Awayango-sandaga mingi asukula sioni ti ala.

Néhémie 8:10

Esdras akiri atene na azo ni: “Ala kiri na ndo ti ala. Ala gue, ate anzoni kobe, ala nyon anzerengo samba, ala mu ambeni kobe ni na azo so ayeke na ye pepe, ngbanga ti so a zia lango so nde ndali ti KOTA GBIA ti e. Ala sara vundu pepe, ngbanga ti so ngia so alondo na KOTA GBIA laa ayeke ngangu ti ala!”

Néhémie 8:12

Tongaso azo ni kue akiri na ndo ti ala titene ala te, ala nyon. Ala tokua ambeni kobe na azo so ayeke na ye pepe, ala sara ngia ahon ndoni, ngbanga ti so ala ma nda ti atënë so a diko na ala.

Mbeti ti Job 29:13

Azo so aga nduru ti kui ayeke sara tufa na ndö ti mbi; mbi yeke zia ngia na be ti awali-mua.

Amato 14:31

Zo so asara ngangu na wayere, lo zonga Nzapa so asara lo; me zo so abaa mawa ti zo ti mawa, andaa lo ne Nzapa.

Amato 22:9

Zo so ayeke sara nzoni be na azo, fade tufa ayeke ga na ndö ti lo, ngbanga ti so lo mu kobe na awayere.

Ésaïe 58:10

tongana mo mu kobe ti mo wani na zo so nzara ayeke sara lo, tongana mo mu kobe ti tengo ni na azo ti mawa, fade lumiere ti mo ayeke za na ya ti vukongo ndo, vukongo ndo ti mo ayeke ga tongana lâ ti bekombite.

Ésaïe 58:7

ti kangbi kobe ti mo na zo so nzara ayeke sara lo, ti mu ndo ti lango na azo ti mawa so da ti li ti ala ayeke daa pepe, ti mu bongo na azo so bongo atia ala; ayeke nga titene mo zia peko ti mo pepe na taa ita ti mo.”

Matthieu 15:30

Gba ti azo aga na tere ti lo. Ala mu azo so gere ti ala abuba, awaziba, azo so mbage ti tere ti ala abuba, abuburu na azo ti kobela mingi aga na ala na lo. Ala zia ala na gbe ti Jésus si lo kai akobela ti ala.

Matthieu 22:10

Azo ti kua ni ague si ala tisa azo so kue ala wara ala, ataa asioni zo, wala anzoni zo, ala bongbi ala kue. Nilaa ya ti da ti matanga ni asi singo na azo.

Nzoni Tënë so Luc asu na mbeti 11:41

Ala mu na azo ti mawa ye so ayeke na ya ti akopo na asembe ti ala. Tongaso si aye kue ayeke ga ande *nzoni ndali ti ala.

Nzoni Tënë so Luc asu na mbeti 14:12

Na pekoni, Jésus atene na zo so atisa lo so, atene: “Tongana mo leke kobe ti kota lâ, wala ti lakui, mo tisa pepe azo so mo na ala aye tere, wala a-ita ti mo, wala asongo ti mo, wala azo ti mosoro so mo na ala aduti ndo oko. Tongana mo tisa ala, fade ala nga ayeke tisa mo si mo yeke wara ye ti pekoni.

Nzoni Tënë so Luc asu na mbeti 14:14

Fade mo yeke duti na ngia, ngbanga ti so ala yeke na ye ti kiri na ni na mo pepe. Me Nzapa ayeke kiri ni ande na mo na ngoi so azo ti mbirimbiri ayeke zingo na kuâ.”

Nzoni Tënë so Luc asu na mbeti 14:21

Zo ti kua ni akiri si lo fa peko ti tënë ni na makonzi ti lo. Tongaso, ngonzo agbu makonzi ti da ni si lo tene na zo ti kua ti lo ni, lo tene: ‘Gue fafadeso na ndo so azo abongbi daa, na ndö ti abalabala ti gbata ni, mo iri azo ti mawa, azo so mbage ti tere ti ala abuba, awaziba na ala so gere ti ala aba bango, mo ga na ala na ndo so.’

Awatokua 9:39

Tongaso Pierre alondo hio si lo na ala ague. So lo si kâ, ala gue na lo na ya ti kubu ti nduzu. Awali-mua abongbi na tere ti Pierre si ala yeke toto; ala yeke fa na lo anduzu-bongo na ayongoro bongo so Dorkas afu ni na ngoi so lo ngba na fini.

Ndia ti fani use ni 14:29

Tongaso azo ti mara ti Lévi so ayeke na sese tongana ala, azo ti Israel pepe, na awande, anyindu na awali-mua so aduti na ya ti agbata ti ala, ayeke te kobe alingbi na nzara ti ala. Tongaso, fade KOTA GBIA Nzapa ti ala ayeke sara tufa na ndö ti ala na ya ti akua so kue ala yeke sara.

Ndia ti fani use ni 16:11

Ala yeke gue na ndo so KOTA GBIA Nzapa ti ala ayeke soro titene iri ti lo aduti daa. Kâ, ala yeke sara ngia, ala na amolenge ti ala ti koli na ti wali, na azo ti kua ti ala ti koli na ti wali, na azo ti mara ti Lévi so aduti na ya ti gbata ti ala, azo ti Israel, na awande, anyindu nga na awali-mua so ayeke na popo ti ala.

Ndia ti fani use ni 16:14

Ala yeke sara matanga ni na ngia, ala na amolenge ti ala ti koli na ti wali, na azo ti kua ti ala ti koli na ti wali, na azo ti mara ti Lévi so aduti na ya ti agbata ti ala, azo ti Israel, na awande, anyindu nga na awali-mua so ayeke na popo ti ala.

1 Timothée 3:2

Alingbi zo ti li ti Eglize ayeke zo so tënë ayeke na li ti lo pepe, lo yeke gi na wali oko, lo yeke sara ye ahon ndoni pepe, me na legeni, lo yeke tene tënë na legeni, lo yeke sara ye na lege ti nengo tere, lo yeke yamba azo nzoni na da ti lo, lo hinga lege ti fango ye na azo;

1 Timothée 5:10

Alingbi azo ahinga lo ndali ti nzoni sarango ye ti lo: lo bata amolenge ti lo nzoni, lo yamba azo so aga na da ti lo nzoni, lo sukula gere ti azo ti Nzapa, lo mu maboko na azo so ayeke na ya ti pasi si lo mu ngangu ti lo ti sara anzoni ye nde nde.

Tite 1:8

Me lo yeke yamba azo nzoni na da ti lo, lo ye ti sara gi nzoni ye; lo yeke tene tënë na legeni, lo yeke zo ti mbirimbiri, lo duti nde ndali ti Nzapa, lo hinga ti kanga anzara ti tere ti lo.

Philémon 1:7

Ita ti mbi, so mbi ma tënë ti yengo so mo ye na azo, ngia asi be ti mbi si be ti mbi ade. Ye so mo sara so amu ngangu na be ti azo ti Nzapa.

Ahebro 13:2

Ala girisa pepe ti yamba agene nzoni. Na lege ti yambango azo, ambeni ayamba *a-ange, me ala hinga pepe atene, so ayeke a-ange.