Nzoni Tënë so Luc asu na mbeti 13:7 - Mbeti ti Nzapa - Tënë so amu fini

⁷ Lo tene na zo ti kua ti yaka ni, lo tene: ‘Asara fadeso ngu ota so mbi yeke ga ti gi ale ti keke so, me mbi wara ye oko daa pepe. Mo de ni! Ndani nyen laa keke ni angba ti buba sese senge senge so?’

Nzoni Tënë so Luc asu na mbeti 13:7 ပူးပေါင်းရင်းမြစ်များ

Sigingo 32:10

Fadeso, zia mbi! Ngonzo ti mbi ayeke londo na tere ti ala tongana wâ si mbi yeke hunzi ala kue. Na pekoni, mbi yeke sara titene mbeni kota mara abaa gigi na lege ti mo.”

Daniel 4:14

‘Ngbanga so aga na lege ti mbela ti asanziri; tënë so aga na lege ti ndia ti ala so ayeke nde si ayeke nzoni kue; tongaso si aye so kue ayeke na fini ahinga atene, Nzapa so ayeke na yayu kâ na ndö ti aye kue laa ayeke gbia na ndö ti akodro ti azo. Lo laa lo yeke zia zo so be ti lo aye na li ti kodro; lo lingbi nga ti zia mbumbuse zo na li ti kodro ni.

Awayango-sandaga 19:23

“Tongana ala si ande na ya ti kodro ni si ala lu akeke nde nde so a yeke te le ni, na ya ti ngu ota, fade ala yeke baa le ti akeke ni tongana ye so a gbanzi na ala awe; ala yeke te ni pepe.

Awayango-sandaga 25:21

Fade mbi yeke mu yanga titene tufa ti mbi aga na ndö ti ala na ngu omene ni si sese ayeke du ale ti kobe ndali ti ngu ota.

Matthieu 7:19

Keke so kue ale nzoni pepe, fade a yeke de ni si a tuku ni na le ti wâ.

Nzoni Tënë so Luc asu na mbeti 13:8

Me zo ti kua ni akiri tënë na lo, atene: ‘Kota zo, zia angba, e baa na ya ti ngu so si. Fade mbi yeke zi du na tere ni kue, mbi yeke zia puru ti nyama na tere ni.

Nzoni Tënë so Luc asu na mbeti 3:9

Fadeso, do ayeke na gunda ti akeke ti de ni: keke so kue ale nzoni lengo pepe, fade a yeke de ni ti bi na le ti wâ.”

Jean 15:2

Maboko ti keke so kue ayeke na ndö ti mbi si ale pepe, Babâ ayeke fâ ni azi; maboko ti keke so ale, lo yeke zi *aguruma ni titene akiri ale mingi.

Jean 15:6

Zo so aduti oko na mbi pepe, fade a yeke bi lo na gigi tongana ti so a yeke bi maboko ti keke si ahole. A yeke bongbi amaboko ti keke ni, a tuku na le ti wâ si agbi.