Nzoni Tënë so Luc asu na mbeti 13:6 - Mbeti ti Nzapa - Tënë so amu fini

⁶ Na pekoni, Jésus atene mbeni toli, lo tene: “Mbeni zo alu ando keke ti fige na yaka ti lo. Mbeni lâ, lo ga ti gi ale ni, me lo wara ni pepe.

Nzoni Tënë so Luc asu na mbeti 13:6 ပူးပေါင်းရင်းမြစ်များ

Jérémie 2:21

Mbi lu mo ando tongana pendere keke ti vinye, tongana kete keke so apendere mingi. Ye ni asara tongana nyen laa mo kiri mo ga sioni vinye so zo ahinga li ti lo na ni pepe?

Jérémie 8:13

“So tënë ti yanga ti KOTA GBIA laa: Mbi yeke fâ ala ti hunzi ala; ale ti *vinye ayeke na tere ti keke ti vinye mbeni pepe; ale ti fige ayeke na tere ti keke ti fige mbeni pepe; akugbe ni ahole awe. Ye so mbi mu lani na ala, ala do na gbe ti gere ti ala.”

Nzoni Tënë so Luc asu na mbeti 13:5

Oko pepe! Mbi tene na ala: tongana ala zia ngbene lege ti sarango ye ti ala pepe, fade ala kue ayeke kui gi tongaso.”

Nzoni Tënë so Luc asu na mbeti 3:9

Fadeso, do ayeke na gunda ti akeke ti de ni: keke so kue ale nzoni lengo pepe, fade a yeke de ni ti bi na le ti wâ.”

Jean 15:16

Ala laa asoro mbi pepe, me mbi laa mbi soro ala; mbi zia ala titene ala gue ti le mingi si lengo ti ala angba lakue. Tongaso, fade Babâ ayeke mu na ala ye so kue ala hunda na lo na iri ti mbi.

Galasii 5:22

Me ye so Yingo ti Nzapa ayeke du ayeke so: ndoye, ngia, siriri, kangango be, nzoni be, sarango nzoni na azo, mabe,

Filipe 4:17

Mbi yeke tumba peko ti ye ti azo pepe; me ye so mbi yeke gi ayeke titene azo ni awara nzoni mingi na lege ti kua so ala yeke sara.

Awafango-ngbanga 9:11

Me keke ti fige akiri tënë: ‘Ala baa ti ala atene, fade mbi yeke zia lege ti apendere nzerengo lengo ti mbi ti gue ti baa pasi senge senge na kua ti lengo-gbia na ndö ti amba ti mbi?’